وجـــــــــــــــــه الكأبـــــه

[poem=font="times new roman,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]



لـولا القمر ياليـل مالـي هــــوا فــيــك=ولا ني بـناظـر لـك و. وجهـك كأبـه
ولولا النجـوم الـلي بجـــوفـك تخـاويـك=اعلنـت انا بـيــني وبـيــنك حـرابـــه
افـز من اســمــك ولــونــك وطــاريــك=واعـوذ من جورك بــرب الصـحـابـه
اسّـود معـي وجهـك وفعـلـك وماضـيـك=ومالـك على قـلبـي مروفــه وثـابـــه
كـم مرتــن تـسـّهــر عـيــونــي مساويك=وكم مرتـن قـلبـي تـضـاعـف عـذابـه
ياما انقضى عمرن وانا فـــــي بــلاويـك=اتعـبـتــني يالـيـل ويــش الــسـبـابـه
واحّرمتـنـي مــن هجعـتـن فــي توالـيـك=حـتى حـلا نـومي ظـلامـك ســرابــه
اشقيتنـــــــــــــي يالليل وانــــا مخاويك=وزودت في قلبـــي مضارب صوابه
وانا تجهمتك وســــــــــاري مســــاريك=اسج فـــــي جوفك سوات الذيابـــــه
مـاشـفـت لـك رحمــه ولانـــي بمغـلـيـك=مايرّحـم الا الله وانـا عـــنـد بـابــــه
اشكيك انا للــــي على الكـــون مرّسيك=يجـلي ظـلامك ويـش ماهـي غرابـه[/poem]