قصيدة للشاعر محمد صقيع القباني ........ رحمه الله في وصف الرجال

من أفضل ماقيل للشاعر محمد بن صقيع القباني السهلي رحمه والله وتغمده برحمته في وصف الرجال
وهومن فحول الشعراء في نجد بفضل مايتمتع به الحكمه والحنكه والمعرفه وبحكم معرفته
بالرجال ونظرته الصائبه فيهم قال هذه القصيده والتي تعتبر مرجع في معرفة الرجال

قـال أديـب فالرجـال فالقواعـد والمـجـال** أطبايع ماتنـزال مثـل الجـدي فـي مرسـاه
بالوكيـد وباليقيـن قاصـريـن وطايلـيـن** مثل اليسرى واليميـن بالنقـوص وبالوفـاه
فيهم من يوصف بأمثال حزبن نطـاح العيـال** ظفرن كريمن رجـال لاجـا محتاجـة يلقـاه
كساب امدوح الطالات رجلن في كل الجهـات** ينفع حـزات النفعـات لارد ابليـس البـراه
وفيهم غوجن قلّباني يعطي العلم وغيره ثانـي** في المجالس مهذباني سمج نفسه كثر أحكـاه
يذبح ناس ويعفي ناس يحسب بلسانه نوماس ** خباقن سفقن هـلاس يغـر النـاس بخيـلاه
وفيهم من يوذي جيرانه دايم شين لفظ لسانه** الله لايجزيه احسانه يكره زولـه مـن بذيـاه
في الهياسة شب وشاب من الفشايل مايهـاب** خبلٍ فـي العالـم نشـاب الله يكفينـا بلـواه
وفيهم كنه ثور الهور حار ودار بوسط الـدور** يأكل متاعه مسرور لايجي أحدن ولا أحدن جاه
حيوان زوله رجال مخفوضن علمـه لا قـال** ما يوخذ ربع المثقال متروكن مابـه وسـراه
وهاض الغرام المكتوم واعد الشـي المعلـوم** ولاني من الزلة معصوم وكلٍ خلاقـه مـولاه
وأذكر الله في الجواب اللـي رجابـه ماخـاب** من يومن فيه العذاب ماينفـع دونـه متقـاه
جليل الملك الغفار خـلاق أبشـار و أشجـار** سماك العرش القهار خلاق أرضه مع سمـاه
واخر مـا اقـول الكـلام بالتحيـه وأحتـرام** على الرسول السـلام فـي مبـداه ومنتهـاه

//


القصيدة رائعه وجميلة ومن شاعر كبير .


وللمعلومية بعض شعراء ومؤرخين الجزيرة العربيه من اهل نجد ذكرو وخلدوا فرسان الجزية في كتب

وقصائد وقصص ولكن للأسف تجاهلوا فرسان الحجاز تجاهل كامل وهذا يؤخذ عليهم . مع العلم ان الحجاز

حضنت في جبالها فرسان كانوا في زمن من الأزمان هم اشهر فرسان العرب قاطبه .

هلابك أخوي فهد ..

وانا معك فيما ذكرت ويكفي انتشار الاسلام عن طريق فرسان الحجاز وهذا

أكبر فخر ..

تقبل تحياتي