ياواهم

ياواهمٍ دنياك ماتدوم في حال
الناس للدنيا بتعزي فشلها
واحنا بها مابين حلٍ وترحال
عنها رحل هذا وهذا نزلها
جاها بن آدم هابد الصدر مشتال
امانةٍ حتى الجبل ما احتملها
لكن عون الله اذا الحمل ما مال
والله بعونه كل كفه عدلها
لا حول لا قوة لنا فكل الأحوال
الا بقوة الله وحوله ننلها
ورجا لنا رحمته من كل الاعمال
من دونها ما فاد نَّفْسٍ عملها
ويالله ياعالم مواقيت الاجال
تختم لنا بالخير لا حان اجلها
ويالله حنا نطلبك راحة البال
في جنةٍ محدٍ يدور بدلها
جنات عدن اللي لها فيء وظلال
لا يشتكي حي بسلامٍ دخلها
وعلى النبي صلوا وطيعوا لما قال
اللي دروب الخير دايم دللها
الشاعر : محمد رجاالله الخضيري