هذا الأسد شبل الأسد

هذا الأسد شبل الأسد
قصيدة للاستاذ مقبول مبارك العرابي بمناسبة ماتناوله بعض العفون والسذج عن سيدي سمو وزير الخارجية 22-1-1434هـ
1- هذا الأسد شبل الأسد هز راسه = زود المرض وكفاح فوق أربع عقود
2- دون العروبة والوطن بالسياسة = ياكم فتل وأذهل وكم حل معقود
3- يوم العفون أهل الحكي والفلاسة = ضل الجبال وحولها بأمْن ورقود
4- يوم الذياب تْحوف وأهل الدناسة = في هيبة أسْد الدار تغنج على العود
5- يوم العفن ماهز راسه حماسه = ماهزه إلا كاسه وكل منقود
6- يوم الوطن مضفي علينا لباسه = والكل منا له فدا دوم وجنود
7- ولا همنا اللي غارق(ن) في نعاسه = ولا من تساوى عنده البيض والسود
8- يا أهل الحكي والحنوشة والخساسة = تنقص كلاب النبح والشمس في زود
9- هذا الجبل هذا البحر والكياسة = رجل السياسة والغلا الفيصل سعود
10- إلْيا أطرت سياسة وعز وفراسة = من قال غير سعود للفخر والكود
11- ومن دور لْفنجال يجلى عماسة = عند ابن فيصل ماتمناه ماجود
12- هذا الفخر تاج الفخر فوق ساسه = ساس الغلا والعز والعالم شهود
13- نسل الحرار أهل الغلا والرياسة = عز الوطن ومْزبنة كل مضهود
14- حر(ن) يصالي الوقت من طيب راسه = ومن حر دمه شاب والسيف مجرود
15- حتى وهو مريض من دون ناسه = ما ارتاح وبْكل الفخر دايم يعود
16- تعيش يا تاج الفخر والسياسة = وتنقص كلاب النبح والشمس في زود

الله يعطيك العافيــة



ربي يســعدك

نعم هو الأسد الحقيقي صاحب السمو الملكي الامير سعود الفيصل

صاحب المواقف المعروفة والسياسي المحنك نعم انه شبل من ذلك الاسد المغفور له فيصل بن عبد العزيز


مقبول الحارثي صح لسانك ولا عدمنااااك

صح لسان الشاعر . وحفظ الله وزير الخارجية من كل مكروه .



تحياتي

الاخ \ مقبول العرابي


صح لسانك على هذه


القصيده المعبره

يستاهل وزير الداخليه

وبيض الله وجهك