قصيدة الشاعر فهد بن غازي البقيلي السلمي

أخواني أعضاء وزوار منتديات سليم بن منصور

السلام عليكم ورحمة الله وبركاته :

يسرني ويسعدني أن أقدم لكم قصيدة
الشاعر/ فهد بن غازي بن هجيان البقيلي السلمي .

واليكم القصيدة ::

سج القدم وابعد عن دروب الانذال
ناس(ن) على شين السواليف ولها

دايم مجالسهم على القيل والقال
هرج القفا بين الخلايق عملها

ولاتبدي اسرارك على كل رجال
خوف(ن) من اللي لاسمعها نقلها

بالشر بين الناس راحل ونزال
هرجه يحرفها وهرجه دبلها

ولاتستشير من العرب غير عقال
ولا تعرض الجزله على غير اهلها

واحذر تجامل كل مخطي ومحتال
عد الصحيح وكلمة الحق قلها

مافالحقوق مجامله يابن الابطال
لو كلمتك راع الخطا ماقبلها

وادمح خطا عزوتك ياطيب الفال
ادرا خواطرها وجنب زعلها

خلك لهم طول الزمن درع وضلال
مال الحمول ان ثقلت الا جملها

واصبر على جور الليالي والاهوال
بالصبر والحكمه تداوي عللها

ولاتطلب الميقاف من هافي الخال
اللي مواقيف النشاما جهلها

احرص على من خوته تشرح البال
رجﻵ فعول الطيب كفه فعلها

حاز المراجل كلها قول وافعال
حاله وماله دون ربعه بذلها

المرجله ماهي بتجميع الاموال
قمة جبل ماكل واحد وصلها

ولاهو باكيد ان قولة الكبر عدال
ياكم ناس(ن) كبرها ماعدلها

تم الكلام وكلمة الحق تنقال
وارزاقنا بيدين منهو كفلها

تقبلو تحياتي
منصور نايف البقيلي

الله الله كلمآت رآئعه ومعآنيها أروٌع..ذآئقتك مُتْرفه كعآدتك..لآحرمنا الموٌلى من عذِبٍ عطآءك..طِبَت بكل خير..

مرورك اسعدنا وشكرن

الله الله
قصيدة هادفة و أبيات فيها من الحكمة الشيء الكثير
صح لسان شاعرها فهد
و سلمت يمينكـ يا منصور على النقل

ودي و جل إحترامي

صح لسان الشاعر على الجزاله الغير مستغربه من الشاعر \فهدوسلمت يمينك \ منصور على النقل

صح لسانك ويعطيك الف عافيه يامنصور ..

سلمت يدك ..

تحيتيـ ..

الاستاذ / عبدالله الصادري

صح بدنك اسعدني تواجدك