اعتذار لكل أهل الدار والزوار

اعتذار لكل أهل الدار والزوار
إخواني جميعا السلام عليكم ورحمة الله وبركاته وبعد:
فلظروفي أدناه , أشارك أحيانا – معكم - حسب جهدي بماتيسر تعزيزا للخير والألفة , وأكتفي بطرح المشاركة , فعذرا عذرا عذرا , وإليكم شيئا مما أكنه لكم من حب وتقدير , وما أعانيه ودمتم بخير. \ أخوكم مقبول مبارك العرابي. 29-7-1433هـ
1- لكم حق يا أخواني في الرد والتعبير = لكن العذر مادام أخوكم بنظارة
2- يصايد حروف مْسطرة بالغلا تسطير = ويصعب عليه متابع العلم وحْواره
3- معي شايبة عرجا ولا تقبل التغيير = مع غيرها راسي يجي فيه دوارة
4- وعودت أسايرها وهي بالتويد تْسير = ولا كملت يوم(ن) مع العود مشواره
5- زمان(ن)مضى زرقا اليمامة نظرها غير= وهالحين إهي وعْويدها تخطي الشارة
6- وأنا من غلاها من زمان الرخا والخير = قديمي نديمي فوق عزه ومقداره
7- ولا النت ساعدني ليا من مشيت عصير = يا دوب آصل آخر ليل غاليً ودْياره
8- يقطع وغث الكبد وأزعل وأدق الزير = أسلي على روح(ن) على الوقت صبارة
9- وأنا معترف يا غال الأخوان بالتقصر = ومقبول أخوكم ساق عذره ومقداره
10- عسى تقبلون العذر والحب والتوقير = من اللي بكم يفخر بعد بيح أسراره
11- لكم واجبات الرد والشكر والتطوير = لمافيه خير(ن)كلنا نجني ثْماره
12- مع أهل الغلا لا لاح براق جات تْغير = هجوس(ن) تكف الشر والخير تختاره
13- ننمي الغلا ونْعزز العز والتعمير = وكل(ن)حسب جهده شعب حرة بْكاره
14- وليا دز أخوكم بعد عانى من التحرير = لكم ماتيسر لا تناسون معذاره
15- لكم وافي المعذار والشكر والتقدير = وصلوا على أحمد والغلا نرفع شْعاره

الاخ الشاعر \ مقبول العرابي



صح لسانك وحياك هنا بين

اخوانك ونتمنا لك التوفيق

الأخ الشاعر مقبول العرابي

بيض الله وجهك وصح لسانك

ومعذورر الله يديمك بالصحه والسلامه وقوة البصر

دمت بحفظ الرحمن

مقبول العرابي

صح لسانك يالنشمي

وبيض الله وجهك ونحن نتشرف بتواجد الرجال امثالك

ولقد اثريت المنتدى منذ تسجيلك بقصايد جميلة

وقد ابعدعت بهذه القصيدة الرائعة

وانت وافي وماحصل منك اي تقصير

المنتدى للجميع واصل ابداعك ونحن بانتظار جديدك

تقبل مروري وتقديري