الحُرّة

[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/2.gif" border="none,4," type=0 line=0 align=center use=ex num="0,black""]
الله يثبتني على نطق الصحيح من الكـــــلام = وانه يجنبني عن الزلَّــــــة وعن منطوقـــــها
والحُرَّة اللي قدتها لجل المهمة بالخطــــــــام = يحرم علي اقضها في سوق ما هو سوقها
ومدح الرجال أهل الكرم والمعرفة ما هو حرام =واجب عل الرجال يوفي للرجال احــــــقوقها
من حق ربعي مدحهم بأفعالهم قبلة وشــام =الشجرة اللي في ثرى التاريخ دوم عروقــها
قصيرهم دايم على عــــــز ومعزة ما يضــــــام = وعدوهم يحلم بنور الشمس ولاّ شروقــها
من بعد في شبه الجزيرة ما بزغ نجم الإمـام = كل العرب على يده ذابت جميع فروقـــــــها
عبد العزيز اللي نهج نهج الشريعة بالتــــمام =مثل القمر يجلى ظلام الأرض وهوه فوقـــها
وأهل الوفا لهم بصدري كل وزعه واحتـــــــرام = مثل الأمانة عند راعيها وفي صندوقـــــــــها
الله يثبتنا على نطق الصحيح من الكـــــــلام = وانه يجنبنا عن الزلَّة وعن منطوقـــــــــــــها
وانه يظللنا بظله يوم ترعدن العظـــــــــــــــام =في حزة (ن) فيها الاوادم ناشفات حلوقـــها[/poem]