#1
|
|||
|
|||
ياحيف يا أزوال العرب
ياحيف يا أزوال العرب
قصيدة للأستاذ مقبول مبارك العرابي 7-7-1433هـ 1- ياحيف يا أزوال العرب وألْف ياحيف = من عاد منكم يدعي بالكرامة 2- وقت السعة تقْلون حنا هل السيف = لكن عند الجد مثل النعامة 3- عام وزيادة والحما يشكي الحيف = وينخى ويذبح ماجليتوا ملامه 4- فزعة كلاب أعداه جاته مراديف = وفزعاتكم عار ودمار وندامة 5- حكْي ونفاق وكن ماشيف ماشيف = والا دعم لأعداه وقت العتامة 6- وشقر العصى كل(ن)يجي له بتصريف = ولا انتخى إلا أهل الشرف والشهامة 7- روس العرب بانوا بروس المشاريف = والله فضح خوانهم والهلامة 8- يانايم اصحا قبل كثْر التحاسيف = من بعد أخوك. إبليس صوبك سهامه 9- خذ العبر واخْذ الحذر لاتقل كيف = دينك .عربك. أهداف سود العمامة 10- لكن بالله ماتجيهم على الكيف = دون العرين أسد الفخر والزعامة 11- ياسوريا الأحرار حال أهلك مْخيف = شقر عصانا من عربنا خمامة 12- وأحرارنا رهن الإشارة مصافيف = لا دقت الساعة تقوم القيامة 13- نجتث من دنسك من عقب تسويف = تسويف والله مارضينا دوامه 14- ونبرد غليل أهلك في الحضر والريف = ونعيد للعرب الشرف والكرامة |
#2
|
||||
|
||||
رد: ياحيف يا أزوال العرب
صح لسانك يالقرم
الله يحمي بلدنا من كل شر ويصلح احوال الامه وليتك يامقبول تنسق القصيده وتصلح الاخطاء الاملائيه اللي فيها على شان ماتفقد جمالها تحياااتي
__________________
خالد مبارك بن مبيريك المعبّدي الحربي
التعديل الأخير تم بواسطة خالد بن مبيريك ; 05-30-2012 الساعة 05:04 PM |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|