الزواج عندنا ......

#1 01-22-2011, 05:34 PM

رحت مرة لابوي قلت اسمع يبه يبه يبه يبه >> ابوي وش تبببببببي

انا لازم اعرس وأكون مستقبلي ولازم أعف نفسي

قال ابوى أبرد يالحبني ، وقال من هي اللى تقبل بك وأنت شيفتك كرهاه .
بس وافق حفظه الله ورعاه

بعد ماكان يقول زواج مانيب مزوجك يكفي أني بعت بهمي كله
و وافق الشايب وقال أنهج و تجهز عقب المغرب نبي نروح لعمك نخطب بنته

واقعد ارقص العرضه مع اخواني
نحمد الله جت على ماتمنى>>>وامي جالسه وتصفر عاشو عيالي
ووصلناعمي وقال حياكم الله اقلطو اقلطو
وردابوي الله يبقيه ويغليك
وصب لنا عمي القهوة وأبوي حط الفنجال على الأرض وقال لعمي قهوتك لها مطلوب
وأنا شربت الفنجال ما أحيط .
ورد عمي وقال يهون مطلوبكم .
وقال عمي:اللي معك منهو وقال ابوي: هذا ولدي ياحافظ
وقال عمي:وراه تسذاا شوشته تسنه خاروف>>وانا هنا نويت انبرش عليه واقطع ظهره بالعقال
وقلت انا:لاياعمي هاذي الموضه يسمونها كدش مهوب خاروف الله يصلحك
وقال عمي: كل ترااب محد سئلك
وقلت انا: شكرن>>الذيب مايهرول عبث لين اخذ بنتك وبعدين عمي شكله يسوي اختبار لنفسيتي يشوفني عصبي
وقال ابوي:ياخوي حنا جايينك نبي نخطب بنتك لولدنا
وقال عمي: بنتي جاتكم هديه ولو تبيها الحين جاتك
وقلت انا:يالله جيبها بنشوفها
وقال عمي:وحنا ماعندنا بنات تنشاف
ورد على ابوي:ياولدي اسكت اسكت فضحتنا جبت لي الضغط والسكر
وقال عمي:حنا عندنا بعض الشروط الخفيفة اللي من حق البنت
وقلت انا:تطلب عيوني>>ما انسى شكلها يومي صغير
وقال عمي: ترى المهر بس 100 الف وبنتي تبي بيت لحالها
وقلت انا:مهيب مشكلة مهوب اول واحد يتدين انا
وقال عمي ابي موتر جديد بسعر غالي عشان اتكشخ قدام العربان واميل العقال
وقلت لعمي ماطلبت شي بس ماتحس ان شروطك كثرت لو معي هالمبالغ ماجيتك انت وبنتك
وبعدها بطلت اعرس وقلبي يتعذب من اللي اشوفه كل يوم بعيوني