|
#1
|
||||
|
||||
لا تتصل
لا تتصل قفّل على طول هاتفك انا علومي تختلف عن علومك أكيد من صوتك على الخط عارفك لكن عندي ما أنت لاقي لزومك ماني معك مرة ولا من معارفك أيضا سلومي ما توافق سلومك وانا على هذا الطرائق مخالفك لا عاد تَهْرِج فكنا من سمومك عرفت تفكيرك وعلمك وخاطفك هذي نصيحة وإن تماديت ألومك راع الخطاء لا تحسب انه موالفك لا والله إلا للمهالك يسومك يعلّمك هدم المبادي ويحذفك حذفة عدوك والعدو ما يرؤمك يضحك على عقلك ويغريك با لأفك ويلبّسك ناسف من أول قدومك ان قلت تم اصبر على اللي يصادفك وأنت قلت لا تلقى الكفن من هدومك يعني على الثنتين ناسفك ناسفك وماحي على وجه البسيطة رسومك وحزامك اللي تلبسه ما يشرفك والحور والله ما تجئ من قسومك انصحك خاف الله وغيّر مواقفك وأرسل على اللي مرسلينك سهومك وارجع لبيت الشايب اللي يلاطفك وأمك رضاها خله أول همومك وان كان طالت في طريقك سوالفك حنا عمى عينك وحنا خصومك وحنا ليا (زادت ) بنفسك نعرفك ونصب فنجالك ونقصر علومك |
#2
|
||||
|
||||
رد: لا تتصل
اابـٌـٌٌـٌٌٌـٌٌـٌـــدااعے كما عودتنا ، على مواكبة الحدث
تظهر الإبداعات والفنون كلمات قوية وهجومية نسأل الله ان يصلح حال شبابنا ويهديهم ننتظر القادم
__________________
|
#3
|
|||
|
|||
رد: لا تتصل
الشاعر/عبد الله العطافي صح لسانك ويعطيك العافيــــــة لك مني اجمل واروع تحيـــــــــــــة أسال الله ان يهدي شبابنا وان يجنبهم الفتن ما ظهر منها وما بطن |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|