صدى زلة رفيق (خوة اهل الطيب)

السلام عليكم ورحمة الله وبركاته


اسعد الله صباحاتكم بكل خير

ابارك لكم حلول شهر رمضان المبارك وكل عام وانتم بخير

البناخي عبدالرحمن النقريني سند علي قصيدته التي وضعها في منتدى ميدان الشعر الشعبي تحت عنوان (زلة رفيق ) وحاولت ان اجاريه بها رغم صعوبة قافيتها الا انني ادركتها ولله الحمد

اترككم مع القصيده

الجواب اللي على المعنى زبط
فكرته زانت بوسط كتابها

شاعره يمشي على حسب الخطط
لا ارتكز لاهداف فكره صابها

يارد الجم الزلال ولا خلط
بين عد وعد في مشرابها

يالبناخي والخوي كانه شرط
ضيع سلوم العرب وادابها

قله الخوه ما هي بيع وزلط
كان تجهلها تبى تشقا بها

الوفا والطيب ما عمره حبط
عملة(ن) منها تفوح اطيابها

والمصالح فال من حظه سمط
عملة(ن) راع البوار اولى بها

والرفيق اللي بحاله لك سفط
خوته تكفيك يا طلابها

لو يزيد الوقت جوره ما قنط
والمحبه لك يزيد عتابها

جاك رد القاف والمعنى زبط
خوة اهل الطيب محد(ن) عابها

وسلامتكم

اخوكم

ابراهيم السلمي