#1
|
|||
|
|||
قصة وقصيدة عجوز بعد ما تردي شايبها
قصة شايب ومعزبته وهي عايشة معاه طول السنين وتعرف حاله وامكانياته وما هي متحمله اكثر مما يقدر عليه ومسايرته وهو شايب كبير في السن وهي كذلك كبيرة، ومعاه ولد نشمي.. جاه الولد وقال يا يبه وشي رايك تبينا نزوجك ؟ قال: والله الساعة المباركة.. اي والله يا ولدي، يا ولد السعد.. اي والله زوجني قال الولد: ها ما به خلاف.. قام وخطب له في ذيك البنت، وهم شغالين في ترتيب الزواج درت العجوز وتأكدت ان الشايب بيعرس، الا وتغيرت عليها الأمور .. الا وقامت تمترح وماهي متأكدة ان الشايب بيعرس من جد لأنها خابره امكانياته متقاربه وبياخذ له بنت قالت للولد: ياولدي انتو بتزوجون الشايب؟ لا تزوجونه ماله لزوم.. الشايب ذا المفروض ما تزوجونه .. العجوز ذي شاعرة وكذلك الشايب شاعر.. المهم قامت وسوت لها بيتين في ذا الشايب تبغى تعلمه ان الامر صعب وتبين له بعض العقبات اللي بتقابله وان رفيقته اللي من أوله قابله منه الميسور وراح تتغير عليه الامور قالت العجوز: جملنا جملنا باركن له ثلاث سنين *** وهو ليّا جبنا له الحمل ما شله ماغير القتب والمزودة وصطها مدين *** وهو بارك عجزان عن شيلها لله وذا اليوم جبتوا حملةٍ وزنها طنين *** وذا الحمل يا الجواد ما هو قد له جيته وقلت بالهون بالهون يا مسكين *** هذا الحمل يبغاله جمال تجهم له ماهوب انت ياللي جايب فيدك من الصين *** أنا اللي أعرفك زين يا بارد الدله قام الشايب والظاهر عنده امكانيات.. لكن ذي العجوز واقفه في طريقه ومدقره له الرد من الشايب: جملكم ماهو مسكين يا جعلك السكين *** جملكم يبي ينقل زهاب العرب كله وهو اللي نفع العرب في الزمان الشين *** لكن الجمل في تاليه طاح في عله وقع في رحوم طول سيقانها مترين *** صخاف الجنوب ضلوعها كنها هله وحتى الجمل من شوفها صار حاله شين *** وهي السبب في طيحته جعلها العله لها ذيل أجرد عمرها من ورا السبعين *** وعز الله انها تمرض القلب وتعله لكن جيبوا للجمل بكرةٍ عمرها عشرين *** وتشوف الجمل يعطي كلش على حله ليا عيّن الحمرا الردوم اشتغلها زين *** وخله بعيد من أم شاصين منحله اذا الله عطانا عمر وانتوا من الحييّن *** تشوف الجمل لو حمله طويق يشتله |
#2
|
||||
|
||||
رد: قصة وقصيدة عجوز بعد ما تردي شايبها
خخخخخخخخخخخخخخخ .. تسسسلم ياصالح على موضوعك ~
وفيه وحدة ثانية مشابهة لهآ ~ يقولون هذه رجآ ل كريم وله قيمه عند ربعه وكان يتزوج كل عام ويطلق الزوجات الا اول زوجاته وفي سنة من السنين اخلف العاده ولم يتزوج 00 واخذ الضعف منه ماخذ ليل الشتاء من يومه في احد الليالي وكان على جال المناره(الضو)وعجوزه معه قال: تكفين يابنت الاجاويد تكفين =مطلوبي الليله عطيني وساده قلبي يحب الزين وانتي من الزين=غيرك فلا لي في هوى البيض راده فقالت له عجوزه: ما قدر اذم العود غير الكبر شين = العود جاته خلته من زناده العام يبغي له من البيض ثنتين =والثالثه من فوقهن زياده المهم خمدوا وقامت العجوز الصبح من نومها وهي تغني على الشايب بيتين مسويتهآ .. تقول فيها العود لمنه وصل عام ستين =يجيك حيله مثل حيل الجراده لا يقطع الفرجه ولا يقضي الدين = ولا عاد تقبل منه حتى الشهاده ورد عليها الشايب وقال : حنا ليا شبنا غدينا سلاطين =نثبت على صفر الدلال بركاده وانتو ليا شبتو غديتو شياطين = وقشاعكن طيار مثل العراده موفقين خير
__________________
جَمِيلةْ هِيَ الحَيآةْ حِينمآ ترىَ أنآساً يَتغيروُنْ لــِ الأفضَلْ مِنْ . . . . / أجلكْ ! |
#3
|
|||
|
|||
رد: قصة وقصيدة عجوز بعد ما تردي شايبها
الغالي الاخ / سمو المعآني
شكرا لهذا التواجد الرائع كما عهدناك وكل عام وانت بآلف خير وشكرا مرة اخري لهذه القصة الرائعة بروعة كاتبها كفانا الله واياك كيد العجيز اذا حقدنا وان شاءالله تكون القصه والقصيده نالت اعجابكم ودمت بألف خير |
#4
|
||||
|
||||
رد: قصة وقصيدة عجوز بعد ما تردي شايبها
اي والله قصص الشياب غير قصه وقصيده رائعه اخوي صالح الشكري
لاهنت على طرحها
__________________
[frame="13 75"] اذا اردت شي بشده .. اطلق صراحه اذا عاد فهو لك واذا لم يعد فلم يكن لك من البدايه [/frame] |
#5
|
|||
|
|||
رد: قصة وقصيدة عجوز بعد ما تردي شايبها
مليون هلا ومرحباالمشرف الغالي / صابر الصابري
لاعدمنآآآآآك تقبل خالص ودي وشكري |
#6
|
||||
|
||||
رد: قصة وقصيدة عجوز بعد ما تردي شايبها
قصه وابيات قصيده معبره تسلم ياصالح على النقل الجميل مشكور0
__________________
|
#7
|
|||
|
|||
رد: قصة وقصيدة عجوز بعد ما تردي شايبها
ههههههههههههههه
شكرا على الموضوع الجميل الصراحة هذا حال شيابنا اليوم البعض وليس الكل |
#8
|
|||
|
|||
رد: قصة وقصيدة عجوز بعد ما تردي شايبها
سمو المعاني
حلوة ايضا منك شكؤا |
#9
|
|||
|
|||
رد: قصة وقصيدة عجوز بعد ما تردي شايبها
الاخ المشرف / ريان الترجمي
كل الشكر والتقدير لهذا المرور الغالي لاعدمنآآآآك |
#10
|
|||
|
|||
رد: قصة وقصيدة عجوز بعد ما تردي شايبها
الاخ / عبد السلام العميشي
موفق بإذن الله ... لك مني أجمل تحية . |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|