|
#1
02-09-2010, 03:08 AM
|
||||
|
||||
ديــوان الشاعر:ابراهيم السلمي
اخواني واخواتي اعضاء وزوار مجالس بني سليم منذ القدم والشعر هو لسان العرب يقراء شعورهم ويحكي معاناتهم فتفيض قرائحهم باشعار تصاغ من الذهب وتغلف بالابداع لذلك نستطيع ان نقول ان الشعر هو المتنفس الحقيقي للشعراء للتعبير عن ارائهم ومايدور من حولهم فما نرى ونشاهد من دواوين لشعراء العرب خير دليل على ذلك . لهذا احببت ان اضع امامكم مافاضت به قريحتي من الشعر والذي اسال الله من خلاله ان اكسب رضاه اولا ومن ثم رضاكم . الشعر ماهو بالقوافي والاوزان ولا هو كلامٍ بالمحافل يقالي الشعر حكمة ترجح بكل ميزان والله يقدرنا لقول الجزالي اخوكم الشاعر ابراهيم السلمي
صقر النوادر
__________________
\7
|
|
#2
02-09-2010, 11:44 PM
|
||||
|
||||
|
رد: ديــوان الشاعر:ابراهيم السلمي
البطالة ياقلب لا تحزن بـدار السلاطيـن
دار السعود اللـي ذبحنـا غلاهـا دار الرجال اهل الوفا والمياميـن اللـي مـع العالـم بعيـد مداهـا تفرق عن العالم بكثـر المقيميـن وسياسـة التوطيـن محـدٍ يباهـا وتفرق عن العالم بكثـر القوانيـن اللي علـى الاوراق محـدٍ قراهـا وفيها من التعليم مايبهـج العيـن من المدارس والمعاهد تباها والجامعات اللي عليهـا البراهيـن تبنى ولا زال السـرا فـي بناهـا وفيها التميز في جميـع المياديـن بالطب والتعليم واللي وراها لكن مع هذا التميـز الـى الحيـن شوف البطالة واصلـة منتهاهـا نسبة واقدرهـا بخمسـه وستيـن وكلٍ شهاداته معـه فـي خباهـا هذا ترى حال الشبـاب المساكيـن بعـد التخـرج منيتـه مالقـاهـا بعد الدراسه راح من عمره سنيـن والحال ماتخفى على اللي شكاهـا وليا طرق باب الوظايف باليديـن وجهز ملفـه والوظيفـه نصاهـا قالوا خلاص ارجع لنا عقب يومين ولى تجيك اخبارنـا فـي نباهـا وسط الصحف والنت تلقى العناوين هـذي سياستهـم وهـذا غطاهـا تكفى يابو متعب ترى حالنا شيـن شف حالة شعوبك تزايـد عناهـا نبي قرارك وانت طلق الحجاجيـن اقمع هل التخريب والعـن ثواهـا هذي قضيتنا تبـي منكـم الليـن وحنا شبـاب المملكـه ونحماهـا لا تنظر لبغـداد ولـى فلسطيـن شف علة شعوبـك ودور دواهـا الشعب من زود العنا كلـه انيـن اغتيلت احلامـه وظلـم سماهـا والمشكله فيمـا يسمـى الفيتاميـن حطم طموحات الشبـاب ومناهـا اليا متى واحنا على الظلـم باقيـن وليا متى واحنـا نعيـش بهواهـا هذا ترى حال الشبـاب المساكيـن كـل يقـول الواسطـه مانباهـا
__________________
\7
التعديل الأخير تم بواسطة ابراهيم النقريني ; 02-10-2010 الساعة 10:21 AM
|
|
#3
02-11-2010, 06:23 AM
|
||||
|
||||
|
رد: ديــوان الشاعر:ابراهيم السلمي
الدخان ياكـثـر مـااكـره شـوفـتـه بـيــن الاجـــواد ويـا كثـر مـا اكـره مجـلـس حـاضـر فـيـه انـا اكرهـه يـا ابـوي مـن عـصـر الاجــداد وتـلــوع كـبــدي كـــل مــاحــل طــاريــه عــن خـوتـه حطـيـت لــي قـفـل وقـيــاد حتـى لـو أن اهـلـه تـسـوق المشـاريـه وانـتـه وانـــا وعـيــال عـمــي والاحـفــاد لابـــد مـــا عـــن دارنـــا الــيــوم نـنـفـيـه يـا ابـوي هـذا ألـي جلـس كــل مـرصـاد وأخلـف عـيـال الـقـوم والـنـاس تشـريـه والمشـكـلـه دايــــم وهــــو دوم يــــزداد وفـي كـل يـوم تشـوف شخـص مخاويـه تـجــري سـمـومـه فالـبـلـد بـيــن الاولاد والمجتـمـع يــا ابــوي يـشـكـي بـلاويــه كــم يـتــم أطـفــال وكـــم فـطــر اكـبــاد وكم ناس تشكي منه وكم ناس تشكيه لاعــــاد يـــــوم فــيـــه جــانـــا ولاعـــــاد مــــن ورده لــلــدار هـــــذي واراضــيـــه هـــذا هـــو ا لـدخــان مـنـتـوج الاوغـــاد ألــــي يــبــون الــــدار تــهــدم مـبـاديــه هــذي حقيـقـه قلتـهـا بـيــن الاشـهــاد ولالـي عـلـى قــول الحقيـقـه مشـاريـه هــل ينفع؟الـدخـان فيـكـم وهــل فـــاد
نـبـى الـخـبـر يـلــي بـالامــوال تـشـريـه
__________________
\7
|
|
#4
02-12-2010, 11:41 PM
|
||||
|
||||
|
رد: ديــوان الشاعر:ابراهيم السلمي
حزن طاروق يهل الشعر ماعاد بـه للشعـر ذوق لاصار مايحكي عن اوضـاع الامـه هذا وانا حالي من اليـاس مخنـوق والقلـب شريانـه توقّـف بـدمـه كم من سنين تمر والحق مسـروق مسروق حقـك بيـن قمـه وقمـه واليوم ياغزه دما العز مـن فـوق تسقط كما تسقط عن الراس عمـه صهيون يلعبّك على الغدر والبـوق يقتل ويجرح جـرح محـدنٍ يلمـه واعراضنا تهتك وتجلب على السوق والطفل في غزه مايدري عن أمـه صار الغروب بدارهم كنـه شـروق من زود نيـران العـدا المدلهمـه قصف ودمار وكل اهل غزه حـروق والـدار عطـره دم يلـي تشـمـه غنت حزن غزه على صوت طاروق طاروق يسمع صوتـه ألـي يهمـه صوت صدر لكن من عـدة حلـوق وسـط المساجـد منبـره والأئمـه لكن ياغـزه مـا بالوقـت فـاروق يسمع صدا صوتك وياقـف بهمـه وش ننتظر ياناس والثوب مشقـوق ثوب الكرامـه مابقـي غيـر كمـه لابد ما نصحى مـن الـذل ونفـوق ونقـول ياصهيـون ذمتـك ذمـه حتى نرد الحـق ونزيـده حقـوق وتاقف فلسطيـن العزيـزه بهمـه وتقول ياصهيون مطـرود ملحـوق
والمسجد الاقصى عسـى الله يتمـه
__________________
\7
|
|
#5
02-15-2010, 01:26 PM
|
||||
|
||||
|
رد: ديــوان الشاعر:ابراهيم السلمي
المرء والعلم مايولد المرء عالم ولايعرف العلم
لكـن مـع مـر الحيـاه يتعلـم شي طبيعي كل منـا ولـه حلـم وابسط حقوقـك يالبنـادم تحلـم سيناريو القصه وتأليفـة الفلـم ماصاغهـا الفنـان قبـل يتكلـم اعمل لنفسك فالرخا حزة السلـم لابـد مـن يـوم يجيـك وتألـم والعالم ان ماوثق العلـم بالعلـم مـا كنـه الا واحــد ماتعـلـم خلك بطل للفلم كان الزمـن فلـم وان كان مايمديك ياخـي تحلـم مايولد المرء عالم ولا يعرف العلم لكـن مـع مـر الحيـاه يتعلـم
__________________
\7
|
|
#6
02-18-2010, 08:25 PM
|
||||
|
||||
|
رد: ديــوان الشاعر:ابراهيم السلمي
حياة العزوبية لا واعذاب اللي تاخر زواجه وقضى نصيفه من حياته عزوبي دايــم وهــو يـطـرد لفـلـة حـجـاجـه ورجله متعبها مـع وسـاع الدروبـي مـافــيــه دار إلا وصــلـــه وداجـــــه امـــا بـــدار الـشــام ولا الجـنـوبـي يتـبـع هــوى بـالـه ويـتـبـع مـزاجــه ويعانـق انسـام الـهـوى والهبـوبـي وإن عــاود لبيـتـه وولــع سـراجـه قـام يتقلـب عـلـى كــل الجنـوبـي تـايـه وطفـشـان مايـعـرف خـراجـه ويمكـن تحمـل فـوق هــذا ذنـوبـي ماهـمـه إلا الشـلـه الـــي تـواجــه واكـثـر مواجـهـم بـوقـت الـغـروبـي يوم العرب تقلـط علـى خيـر حاجـه تلقـى مجالسهـم هيـاط وكـذوبـي تعـرف مجالسـهـم بكـثـر اللجـاجـه ومافيـهـم الــي بـالـلـوازم يـنـوبـي لياهرجـوا كنـك بمجـلـس خـواجـه وليا انصتوا تسمع طرب فـن روبـي يالله دخيـلـك مــن دروب الـعـواجـه ويالله تحفـظ عرضـي مـن العيوبـي تــرى حيـاتـك يالعـزوبـي سمـاجـه حتى الفتى فيها ماهو بمحسوبي وترى العزوبيه مرض تلقـى علاجـه لا اخـذت لـك بنـت نـصـوب لعـوبـي هــذي نصيـحـه للعـزوبـي وتـاجــه مـن واحـد قـضـى حيـاتـه عـزوبـي
__________________
\7
التعديل الأخير تم بواسطة مضحي السلمي ; 02-27-2010 الساعة 07:32 AM
|
|
#7
02-23-2010, 05:28 AM
|
||||
|
||||
|
رد: ديــوان الشاعر:ابراهيم السلمي
الطالب يالطالب اللي معاك الدرس تدرسبـه
لاهنت مالك عن الانصات معذاري خل القلم والورق والعلم ركـز بـه واسمع علومي ولا تنشد عن اخباري لاصار مالك مع اهل المعرفه حسبه ولاقيل لك نعم كانه جابك الطـاري حتى لو ان المعـدل كامـل النسبـه عند الرياجيل مايعطيـك مقـداري الرجل ماينحسب لا ضاع به دربـه حتى لو انه معلـم كاتـب وقـاري ولو يجتمع له جميع العلم في كتبـه ماينفعه كان من ثوب الوفا عـاري غلطان يلي تحسب المرجلـه رتبـه ولا شهادة شكر ووسـام وشعـاري واللي يفكـر كـذا عـز الله النكبـه ياشين بعض العقول وشين الافكاري لكـن عـز الله ان المرجلـه تشبـه نجم الجدي في السما عالي للانظاري ودروبها كايـده ودروبهـا صعبـه ولا نالها الا الرجال طوال الاشباري لا تحسب ان المراجل ياولـد لعبـه ما انته لها كان من ثوب الوفا عاري
__________________
\7
|
|
#8
02-25-2010, 05:27 PM
|
||||
|
||||
|
رد: ديــوان الشاعر:ابراهيم السلمي
صفحة العمر امشي واسج الرجل مـن دار لا دار اسجـهـا بـيـن الـفـجـوج الوسـيـعـه اخـذ علـوم الطيـب واجيـب الاخبـار بالصدق ولى الكذب انا مستطيعـه دايـم ومشيـي بالوفـا سـر واجـهـار درب الوفا من صغـر سنـي ماضيعه وأخـذت اقلـب صفحـة العمـر تذكـار وليـا سنيـن العـمـر مــرت سريـعـه وقت مضـى كنـا علـى التـو وصغـار نلـعـب وطابعـنـا الشـقـاوه طبيـعـه ماكان نعرف شي يدعـى بالاسـرار وألــي عـلـى بــال الصغـيٌـر يـذيـعـه واليوم واقعنا اختلـف فـرق الاعمـار كـل علـى قـول المثـل ســد ريـعـه كـل علـى ليلـه سـرى باربـع بـكـار هـم وحـلـم وحــب وايـضـاً قطيـعـه هم من اسبـاب الزمـان الـذي جـار واخـلــف عـوايـدنـا وصـرنــا نطـيـعـه والحلم لو تدرون وش صار وش صار مـن عقـب كنـت احاولـه بالطليـعـه حلمي تبخـر واصبـح بجوفـي ابخـار والـعـذر صـكـات اللـيـالـي فظـيـعـه ولـيــا رجـعـنـا للمـحـبـه والاقــــدار كـم مـن قلـوب فـي بعضهـا وليـعـه الـحــب مايـحـتـاج تـبـريــر واعــــذار لاصـــار حـبــك بالـعـلـوم الـرفـيـعـه وشلـون تحتـاج المحبـه لسمسـار وانـت الــذي تشـريـه ولــى تبيـعـه لـكــن لا قـلـنـا القطـيـعـه يـاسـتـار ماكنـهـا الا السـيـف يلـمـع لميـعـه ولـى سـواة الـنـار لا شـبـت الـنـار والـنــار لاشـبــت بـزبــدك تـمـيـعـه وقطـع العلاقـه بيـن الاحبـاب ياجـار جـريـمـة واكـبــر جـريـمــه مـريـعــه لكن انـا الـي شـاربٍ كـاس الامـرار حتـى صـدى صـوتـي يــروع قريـعـه من عقب ماسيرت في ذيك الاقطار واسمـع معانـاة الرجـال الشجيـعـه قـمـت اعـتـزي واقــول يــادار يــادار يكفي كذا حملي ماعاد استطيعـه يادار لـو تشكيـن مـن شـح الامطـار اليـا خطـاك الصـيـف اصـابـك ربيـعـه لـكـن انــا يــادار فـاقـد لــي أخـيـار وقلبـي بصنـدوق المآسـي وديـعـه والحـزن يعزفنـي علـى كـل الاوتـار وآهـــات قـلـبـي للمـغـنـي تبـيـعـه يـامـا تمنـيـت انــي اخـتـار واخـتــار اختـار فـي عمـري وماضـي ربيـعـه لخـتـار وقــت راح كـنــا بـــه صـغــار مانـعـرف الـفـرقـا وذكـــر القطـيـعـه وختامهـا يالله عسـى جــو الاحــرار
يصفـي وترجـع لـه حـيـاة الطبيـعـه
__________________
\7
|
|
#9
03-04-2010, 09:19 PM
|
||||
|
||||
|
رد: ديــوان الشاعر:ابراهيم السلمي
قصة حياتي دفتر وصفحة وعلبة حبر واقلام هذي تراها قصتي بالسهوله اطرد سراب اللال واعيش الاوهام واسرد بقايا قصتي والبطوله وصوت القلم في صفحتي مثل الانغام تراقصت لاجله حروف خجوله فاح الحبر في دفتري والورق قام وفز الكلام بخاطري قبل اقوله وسارت بي الفكره كما سير الاقدام واسرجتها واثقلتها بالحموله حملتها من واقعي عشق وهيام واسهرتها ليل الغرام وفصوله حتى قضيت الليل والجفن مانام طول علي الليل وارخى سدوله وعمر الفتى موطن طموحه والاحلام اما بوقت الشيب ولى الطفوله وانا طموحي حر مايقبل خطام يمشي على كيفه ولا احد بحوله يمشي على كف القدر طول الايام واليا بغى له شي غصبا يطوله مير الكلام اللي على علم والمام اللي يشرفني ليا جيت اقوله الله يثبتنا على دين الاسلام
وصلى الله وسلم على احمد رسوله
__________________
\7
|
|
#10
03-10-2010, 02:07 PM
|
||||
|
||||
|
رد: ديــوان الشاعر:ابراهيم السلمي
الجرح هذا انت ياجرحي وانا منك مـا انـام تنزف بوسط الجـووف طـول الليالـي كنت احسبك ياجرح بس عـدة ايـام وتـزول ياجرحـي ويرتـاح بـالـي واليوم كمل لك معـي خمسـه اعـوام لا طبت ياجرحـي ولا طـاب حالـي خليتنـي ياجـرح مجموعـة حـطـام واحرمتنـي عيـش الهنـا والـدلالـي من يوم عمري كان خمسةعشـر عـام وانتـه مـلازم لـي سـواة الظلالـي ماكنـت ابـوح بسـري الا للاقـلام ولا كنـت اسـج الا بعالـم خيالـي وارسم على اطراف الورق شكل الاهرام واقـول هـذا منـزلـي بالعـلالـي كنت احسب انه سهل تحقيق الاحـلام واحسب جميع النـاس تبغـى وصالـي فجأه لقيـت الحلـم ريشـه ورسـام رسـام يرسـم لوحتـه بأعتـداالـي والحلم طارت بـه ذعاذيـع ا لانسـام واصبحت اسير الجرح حالـي ومالـي الحـظ لا منـه تــردى ولا قــام امـر منـه الجـرح ذيـب الرجاالـي صدمه ومنها خاطـري صابـه الجـام منهـا شربـت المـر واقـول حالـي ياليتهـا طعنـت سكاكيـن وسهـام ولى طعوون الحـرب وقـت القتالـي ماكان شفتونـي علـى تيـه وهيـام ولا شاب راسي قبـل كـل العيالـي والله ماا صعب مـن فـراق ام الايتـام الا فراق اللي علـى الـرووح غالـي والجرح لا منه كمـل خمسـة اعـوام
انا اشهد انـه ذيـب كـل الرجالـي
__________________
\7
|
«
الموضوع السابق
|
الموضوع التالي
»
العرض العادي
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
|
الساعة الآن 07:20 PM.
