|
#21
05-21-2011, 03:54 PM
|
||||
|
||||
رد: ديــوان الشاعر:ابراهيم السلمي
دنيا الغرام
غابت وغابت بسمة الحي والدار حتى الليال اظلم بعيني قمرها وتاهت بي دروب العنا والقدم سار بالرحله اللي زاد جرحي سفرها يمر في الوقت تايه ومحتار ارقب عناوين الليال انتظرها اناظر الساعه وادور لها اعذار وانا اعرف اني دون عذر اعذرها وفي معمعة حزني وتشويش الافكار حسيت فيها قبل يلفي خبرها جتني ودمع العين بالخد مدرار مثل السحابه لاتناثر مطرها تبكي من اسباب الزمان الذي جار تشكي لياليها وتشكي دهرها ضميتها وفي داخلي للوله نار امسح دموع العين وامشط شعرها قالت ترى جيتك وانا كلي اضرار روحي تزايد في غيابك خطرها قلت اصبري هذا النصيب الذي صار كفي دموع العين وارضي قدرها اللي حصل يابنت من ضمن الاقدار ارجوك عينك لايطول سهرها ردت وقالت لي ترى صبري انهار مليت انا دنيا العذاب وبشرها ماكنت احسب ان الهوى عدة اسرار يصعب علي اعدها واحصرها الا بعد ماطحت في وسط الاخطار روحي سفينه واغرقت في بحرها جاوبتها يابنت ماللهوى اعذار دنيا الغرام العذر فيها كدرها من قبلنا العشاق ذاقوا بها امرار واحلى مقادير المحبه صورها الصوره اللي رسمها ماله اطار في وصفها الشعار تاخذ حذرها الحب ماله رمز واوصاف وشعار الا انه.. احساس القواعد كسرها بالقلب تاثيره مثل نقش الاحجار تبقى على مر الزمن في حجرها حتى ولو جار الزمن فوقه ودار ذكراه وسط القلب مازال اثرها هذا وانا يالغاليه دمعي الحار يذرف على الخدين حتى حفرها مثل السجين اللي ورى حد الاسوار خسر حياته والسعاده خسرها ماعاد لي حيله على كل ماصار وقت الحصاد الروح تخسر ثمرها الحب يلعبٌي مثل لعب الاوتار بايدين فنان خبير بوترها والحال بيٌن للشواهد والانظار مايجهل الحالات منهو نظرها تعبت ازيف ضحكتي والعب ادوار اكتم جروح الروح واخفي قهرها خلاص ابعلن قصتي عبر الاقمار واقولها في كلمتين اختصرها الحب مشكلتي وانا مارضى الاشوار باللي ملك دنياي حتى دمرها والحب كذبه واصدقه مثل الاسحار والروح في دنياي هذا قدرها [/size][/font][/align]
__________________
\7
|
|
#22
05-21-2011, 03:56 PM
|
||||
|
||||
|
رد: ديــوان الشاعر:ابراهيم السلمي
طفل الاعياد الصدفه اللي جابتك يوم ميلاد ميلاد للفرحه وعمر السعاده ياللي رماك الحظ من دون ميعاد باول لقا والحظ ولع زناده جيت بخطى فارس خطاويه تنقاد على ثرى قلبي تربع جواده جيت وبعثت بداخلي كل ما باد مثل المريض المنتشل من عياده من جيتك شوف الفرح داخلي عاد والقلب ياقلبي حصل له مراده تقدر تسميني مثل طفل الاعياد اللي صباح العيد صلى الشهاده يلعب ويلهو والفرح فيه يزداد من عقب اخذ عيديته والقلاده ترسم له البسمه على شفاته ابعاد ومن البراءه بسمته فيه عاده هذا ترى حالي معك والله اراد انك تمكن من حشاي وفؤواده القلب عرشك وانت ماغيرك اسياد وغيرك ماهو كفو الغلا والسياده تامر وقلبي للامر جاك منقاد وقبلك عجز كل الملا في عناده بالقلب لك حب مثل عرش ابن عاد الصدق درعه والوفا من عتاده وفي داخلي شيدت لك صرح وبلاد وانت المليك اللي مايخذل بلاده سطيت بامر الحب من بين الاشهاد واستسلمت لك روح صبر وجلاده صدفه ولكن خير من الف ميعاد من عقبها صار الفرح لي عااده[/size][/font][/align]
__________________
\7
|
|
#23
05-22-2011, 01:18 PM
|
||||
|
||||
|
رد: ديــوان الشاعر:ابراهيم السلمي
يمر الوقت يالصاحب وانا في دنيتي معزول اساير هم دنياي الكبير وضيقة انفاسي اسج بعالم الغربه وبيت الشعر لي مرسول ليا مني حبكته من تفاكيري وهوجاسي اعرف ان الشعر حكمه ومنه النقض والمفتول واقدر سطوة ابياتي على حبري وقرطاسي ليا مني كتبت الشعر لي بالعقل والمعقول قصيد يعلم الجاهل قصيد يذكر الناسي اخذت من الزمن عبره ودنيانا عبر وفصول تعلمني تجاربها ومنها الشيب في راسي تجاربها كثيره والحضيض اللي جنى المحصول يجير تجربة عمره لصالح وقته القاسي وانا نقش التجارب في جبيني والعمر كشكول تناثر بين صفحاته شقاي ولوعة احساسي اعيش الواقع المظلم وادور للصعاب حلول على نهج الغريب اللي يناظر جمعة الناسي تسير خطاه في دربه على حلم محال يزول لاجل حلمه قضى عمره يمارس قطع الارماسي يتابع رحلة الماضي يحاول ينجز المأموول قبل لاتوقف الخطوة ويسمع قرع الاجراسي كذا هي رحلة الدنيا وعمر الادمي محمول على كف القدر. والعمر دربه ماله قياسي يدور الوقت والدنيا تدور وكل شي يزول ولا دايم سوى المولى بذكره يذكر الناسي [/u][/color][/size][/font][/size][/font][/align]
__________________
\7
|
|
#24
05-22-2011, 01:28 PM
|
||||
|
||||
|
رد: ديــوان الشاعر:ابراهيم السلمي
درووب التيه الله مـــــــــــــن لــــــيـــــــل الــــتـــــوجـــــد والاوجــــــــــــــاع واهــــــات قـــلـــب صــوتــهــا حـــيــــل مــســمـــوع اليـا ازفـرت بيـن الحشـا وســط الاضــلاع فــزيــت مــــن نــومــي كــمــا الـطــفــل مـفــجــوع واخـــذت انـــادي صـاحـبـي زيـــن الاطـبــاع ولــبـــى نـــــداي وجـــــاوب بـــصـــوت مـــرفـــوع قــــــال الــســبــب قـــلـــت الــســبــب لايــــــع لاع عــــكــــر مــــزاجــــي والــفـــكـــر مــــنــــه مـــخـــلـــوع واخــــذ يــراعــي لــــي ويـصــغــي بـالاســمــاع وانــــــــا مــــعــــه واروي لــــــــه اهــــاتــــي دمــــــــوع قــلـــت الــبـــلا لاصـــــار مــــــن حـــولـــك ذراع يـلـتـف مـــن حـولــك ويـضــوي لـــك شــمــوع وتـعـيــش بـاحـضـانـه كــمــا فــتـــرة ارضـــــاع تـــــروي عـطــشــك انـفــاســه ومـابــهــا جــــــوع وفـــجــــأة تــغــيـــر واقـــعــــك واصـــبــــح نــــــــزاع ذراعـــك الـلــي يحـضـنـك صـــار مـقـطــوع وحـســيــت روحـــــك داخـــلـــك تـــقـــرع اقــــــراع والــقـــلـــب كــــانـــــه مـــــــــن عــــراويـــــه مــــنـــــزوع وبــــــرق الــعــنــا لاح وســـقــــا مـــزنــــه الـــقــــاع حـــتـــى غــــــدا جـــوفـــي بـــالاهــــات مـــــــزروع وضاقت عليك الارض وفجاجها وساع وامـسـيــت لــيــل الــهــم ثــــاوي عــلـــى الــكـــوع فـــــــــي وقـــتـــهـــا تـــــاقـــــف بـــحـــيــــره ومـــلـــتــــاع تـــمـــر لــحــظــات الــعــنـــا عـــنــــدك اســـبــــوع تـحـجــز دروب الـتــيــه لـــــك رحــلـــة اقـــــلاع حــــجــــزك مــــؤكـــــد والـــتـــوجـــه بـــــــــلا طـــــــــوع عـاجـز عــن التفكـيـر فــي كـــل الاوضـــاع وتـصــيــر مـــــن كـــــف الـمـقـاديــر مـصــفــوع هــــــذا تــــــرى حـــالـــي وحــــــال الــــــذي طـــــــاع طاع الهوى واصبح من الوصل مقطـوع بـــــس الـــوكـــاد ان الامــــــل مــابــعــد ضــــــاع وان ضـاع قلـت الحـزن لـي حـق مشـروع تــمــت ولا تـنـشــد عــــن اســبـــاب الاوجـــــاع مـادام صـوت الحـزن لــك صــار مسـمـوع
__________________
\7
|
|
#25
10-20-2011, 05:45 AM
|
||||
|
||||
|
رد: ديــوان الشاعر:ابراهيم السلمي
صمت الدموع [/size][/font] ماهو قصور ولا تجاهل للاحباب ياللي تقول انك علينا تغليت ولا هو بوقت جروح ومصافح عتاب وانت تعرف مايوم عنك تغليت لكن ظروف الوقت من ضمن الاسباب اللي بها يازين غبت وتنحيت ولا غلاكم داخل القلب ماغاب حتى ولو اني بهجري تماديت العالم الله لو خلق للحشا باب لتشوف اثار الحب حزن وتناهيت لكن دموع الصمت تخفيها الاهداب وارسم بدلها ضحكتي والامل ميت اخفي دموع العين عن كل الاقراب واكتم جروحي بالحشا والحشا بيت ارجوك لاتقسى ترى الجرح ماطاب شفني من اوجاع الزمن ماتداويت يكفي من اسبابك خسرت اغلى الاصحاب بعت البشر لاجلك وجيتك ولا اقفيت كنت اسمع العذال تحكي وتغتاب واصبر على ماسمع ولا كني اوحيت ماكنت احسب لغيرك وجود وحساب انت الوحيد اللي بروحي تعليت واليوم ياقلب العنا جيت منصاب كل الجروح بداخلي ماتشاويت وان قلت وش جابك بتخبرك الاهداب بدموع شوق لحضرتك يوومي ابطيت هذي نهاية قصتي يابن الاعراب ماينفعك كثر التوجد وياليت وانته حبيب الروح ياسيد الاحباب ما انساك لو اني بهجري تماديت
__________________
\7
|
|
#26
09-13-2012, 04:55 PM
|
||||
|
||||
|
رد: ديــوان الشاعر:ابراهيم السلمي
ملامح سكاتك الحب غيمة صيف والشوق ماطر والارض قلبي والمسافه غلاتك مع كل وجهاتك لك القلب ناطر مادام اعشقك مابضيع جهاتك ياللي على شانك وطيت المخاطر انسى حياتي وافتكر في حياتك في كل شي انا املكه صرت اخاطر ضيعت روحي لاجل حبك وذاتك تعال خذني من دموعٍ تقاطر وامسح دموعي لا دنيت بعباتك خذني عليك ولمني لا تباطر تراي مجنون الهوى من حلاتك ياللي من اسبابك كرهت المعاطر وانت العطر واصل العطر من شفاتك بسمة شفاتك بالحكي ما تشاطر والصمت يخجل من ملامح سكاتك والوصف يعجز فيك شعر وخواطر والعذر مابه شي يحكي صفاتك وشلون ابوصف والحلا فيك شاطر من زود زينك شوف ما احلى عباتك لكن ياخلي اذا ليَ خاطر ارحم خفووقي زين واعرف غلاتك
__________________
\7
|
|
#27
09-13-2012, 04:57 PM
|
||||
|
||||
|
رد: ديــوان الشاعر:ابراهيم السلمي
الحزن غير في كل عام اشوف للحزن عنوان غطى على جده وساحل بحرها حزنٍ عظيم وصعب يقواه الانسان ماتحمله صم الجبال وصخرها الحزن غير وديرته غير يا فلان ابكى عيوني والخواطر كسرها وشلون ماحزن والوطن كله احزان والحزن الاول بالقناه وخبرها اصبح على الاحزان باشكال والوان وامسي على دمع العيون وكدرها وشلون ماحزن والزمن مابه امان اخاف من سود المزون ومطرها واخاف في مدرستي تشب نيران واخاف من دنيا الفساد وبشرها وشلون حنا غير عن كل الاوطان ياناس داري من هو اللي دمرها ليه التخاذل والعواقب والاثمان ارواحنا اللي كل يوم انخسرها من كارثة جده نزل دمع الاعيان واليوم الانفس زاد فيها قهرها شفت الصبايا تحترق مثل الاغصان والكارثه للحين ماحدٍ حصرها وريم النهاري قدمت درس مجان بالتضحيه واحلى معاني صورها ضحت لاجل هند ولاجل شوق وافنان واعطت دروسٍ للحياه وعبرها راحت وموقفها يخلد بالاذهان لو طالت الدنيا ما تنسينا اثرها والغير ضحى لاجل روحه بالاكوان عايش حياته والامانه بترها قالوا حريق وقدر الله وما كان هي حكمة الله للعباد وقدرها لكن ترى ياناس للمشكله جان من دون حق ارواح غيره هدرها خاين وفاسد ما تعامل بالاحسان همه رصيده والبنوك احتكرها يادارنا عذرا نبي وقفة انسان صادق وحازم والبلاد يعمرها يحاسب المخطين باخلاص وايمان عينه لاجل داره يطوول سهرها اما كذا ولى ترى مابه امان دام الخيانه كلبونا سترها [/align][/size][/color][/color]
__________________
\7
|
|
#28
09-13-2012, 05:02 PM
|
||||
|
||||
|
رد: ديــوان الشاعر:ابراهيم السلمي
حافز من حافز البارح وصلني رساله مضمونها حدث بياناتك الحين سجل دخولك كل لاله ولاله واحذر ترى نخصم من الفين ميتين ياحافز شروطك تراها نذاله ذليت فيها الشعب من شان الالفين باقي تزيد شروط شرط الكفاله والختم والتوقيع مع بصمة العين سويت في ذا الشعب حاله وحاله ما كنهم يا حافز الا مجانين تلقى الولد في بيت ابوه وخواله ينشد عن اخبارك ويقراالعناوين في صفحة الموقع يشوف الاحاله كمل بياناته وينظر لبعدين والبنت مشغوله وفي كل صاله اشغلتها عن بيتها والمواعين تقول يمه حافز ارسل رساله باروح يم البنك يمه وذالحين افتح لي حساب وبليا وكاله واحط لي رقم وعنه ما تدرين والشايب اللي راح حاله وماله طمعان بالالفين بيسدد الدين باتلى الشهر تلقاه حاجز عياله ويصيح في بنته يقل حافزك وين يالعنبو حافز غناه وريااله ويالعنبو من حدنا فوقه سنين نبغى حلول عاجله للبطاله تفتح وظايف في جميع الميادين والا ترى حافز وفكرة مجاله خلا جميع الشعب مثل المجانين [/align]
__________________
\7
|
|
#29
12-01-2012, 08:16 PM
|
||||
|
||||
|
رد: ديــوان الشاعر:ابراهيم السلمي
يانصيبي
يضيق صدري واتذكر حبيبي ويزول همي وابتسم من خياله وانا اعرف انه دوم ماهو نصيبي غير الهوى والعشق هو راس ماله ياوجد حالي وجد شايب صويبي خلوه ربعه بالملاقى لحاله وياوجد حالي وجد منهو غريبي جاه الخبر ثم العزا في عياله وجدي على اللي من خفوقي قريبي الغالي اللي مابخل في سؤاله مافيه يوم يمر عني يغيبي دايم معي مثل الشجر مع ظلاله بالليل يسكني خياله واطيبي والصبح عندي صوته ابلغ رساله يبعث مع الارسال قم ياحبيبي صوته صباح الخير واحلى جماله متى على الله يانصيبي تصيبي واعيش طول العمر وانا قباله [/align][/color][/size]
__________________
\7
|
|
#30
12-17-2012, 03:28 PM
|
||||
|
||||
|
رد: ديــوان الشاعر:ابراهيم السلمي
هاجس الشوق
ياهيه لا تسئل وشف حبر الاقلام غطى على بيض الورق بالنياحه حبره يسطر لك معاناة واوهام بحروف شاعر خطها بالصراحه يسرد معاناته على عض الابهام في بحر وقته ما يجيد السباحه عقبك تغير واقعه واصبح احلام تجري على عكس التمني رياحه ليله سهر واهات وجروح وهيام والتيه والحرمان موجز صباحه خده روى من دمعته عبر الايام حتى غدا خده لحزنه سياحه والنوم عقب فراقك اللي من العام غايب عن عيونه ولا فيه راحه واليا غفا في غفوته هاجسه حام واهتز جوفه وابتدا في صياحه غفوة صويب تزعجه كثر الالام وده ينام ومبتلش في جراحه وشلون انام وهاجس الشوق مانام وسط الحشا يحجز لطيفك مساحه الشوق حكم من اصعب احكام الاعدام يفقد به المشتاق كل ارتياحه وانا بعد فرقاك شوقي والاحلام ضيف قلط وسط الحشا واستباحه ضيف ثقيل ولا عرف قدر الاكرام عكر مزاج الفكر والنوم ازاحه هذي معاناتي وشف حبر الاقلام سطر حروف الشعر بوح وصراحه
__________________
\7
|
«
الموضوع السابق
|
الموضوع التالي
»
العرض العادي
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
|
الساعة الآن 01:36 AM.
