ديوان الدرر الثمينة : للشاعر | مشعل بن مسنع الصادري السلمي

اخواني اعضاء وزوار منتديات سليم بن منصور

السلام عليكم ورحمة الله وبركاته

اقدم لكم | ديواني بعنوان| الدرر الثمينة |وأتمنى من الله ان تحوز على استحسانكم

وسأعمل جاهدا لما يكون مرضياً للذائقة ان شاء الله
مع تحيات اخوكم :الشاعر:
مشعل بن مسنع الصادري السلمي

ينشاف دمه من وراء الساق لونه

(1)

ايفوح ريح الطيب من كم راعيه
ابـو جــدايـل فــايـتاتٍ متـونــه

ياليـتنـي قمرا مع الليل وأضـويـه
واغيب في حضنه عن الناس دونه

ابو رموش مسـلهـمه يوم احـاكيـه
وليا مشى مشيه على الارض هونه

دمه خفيف اعروق دمه ســواقيه
ينشاف دمه من وراء الساق لونه

الله عسى مـن لامني فيـه يبـليه
وتشوف ماشافت عيوني عيونـه

مـن لهـفتي يـانـاس ودي اداريه
واخــفيه بعيـوني عـن اللي يبونه

يشـتـاق قـلبي كـل ماسـمـع طاريه
يهتز في صدري من اقصى ركونه

يـفـرح ليا مـنه سـمـعنـي انـاديـه
وافرح انا من فرحتي طحت دونه

ياناس وش يبقى علـيه واسـويـه
ويصير في كوني وانا وسط كونه

اقـسـم بربي كـل شـيٍ لسـويه
لو يحرق العالم وانا اموت دونه

في ذمتي ماعاد يلحقك مشروّه

(2)

أجل وش اللي ترتجي فيّ وارجوه ؟
مادام قربك لي مساوي بعادك !

غيرك كثير الناس قربي تمنّوه
ماقادهم حلمٍ لعب بك وقادك !!

ناسٍ تفي بالعهد ماعمر خانوّه
ياخاين العشره على ويش فادك

كنت اتغاضى يوم يقفاك مشروّه !!
وابرراعذارك من اول مهادك

لاعاد تذكرني ليا جاك مكروّه !
جاهد عن احوالك بقوة جهادك !

مشاعري تقوى على قلب قووّه !!
واصبر على حرٍ مبدد برادك

اللي توجّد ماتوجّد على ابوّه !!
لآ والله الّا من توجّد فؤادك

الليل تسري به هواجيس سروّه
يوم انت متهني وبأحلى رقادك

كل ماتذكر ماضي الوقت واتوه
يومٍ مـاغيـري توسّـق شـدادك !

في ذمّتي ماعاد يلحقك مشروّه !!!
مادام قربك لي مساوي بعادك

الفقر يجتاحني وانا فقير

(3)

يوم ابيع من الدبش بعض الكلام
الفقر يجتاحني وانا فقير

المشاعر غش والدنيا سلام
يوم انا وياك يالقلب الأسير

صرختي للناس من غير احترام
من شديد الجوع لا ماني بخير

دمعتي تنثر على كف المقام
منعمي شوفي وانا رجل بصير

كل ماناديت رفرف ياحمام
طعنة السكين في صدري تحير

من يلوم الوقت لا لامايلام
وقتنا مجنون والظالم ظرير

البلاء والوقت تكسير العظام
والفقر والجوع للرجل الفقير

يوم ابيع من الدبش بعض الكلام
الفقر مجتاحني وانا صغير

شفني هماليل السحاب ورشاشه

(4)

شفني هماليل السحاب ورشاشه
وشفني ظما نفسٍ معاند هواها

ماعشت من دخل الفقير ومعاشه
رزقي على من فوق سبع و بناها

ياعاذلي عطني من العلم كاشه
قبل العيون اتهل مكنون ماها

الصدر والهاجوس ينبض رعاشه
يوم الظما للأرض مخفي ثراها

لو من سحابة صيف يروي عطاشه
تاقف عن اخدودٍ دموع اتغشاها

صدرً يظم العلم يترك قشاشه
لا يامن الدنيا ويامن رحاها

الليل يظلم بالسواد وغطاشه
والنفس ماتتبع بوارق هواها

اللي يعز النفس من مجد حاشه
يرقى الجبال ولا يجي في وطاها

لو للمشاعر قلب مبدي غشاشه
تترك غشاش القلب يبقى وراها

ماتجتمع قلبين ظفرً ولاشه
والدرب يفرقها ويفرق خطاها

والجرح مايبرى ليا شي ناشه
اتلوّثه دنيا مغبر سماها

الليل يسري والصباح ابغباشه
والشمس تشرق والخبر من وراها

شفني هماليل السحاب وعطاشه
وشفني دوى نفسً معاند هواها

هذه القصيدة بمناسبة اعتداء الشيعه على اهلنا في المدينة المنورة بتحريض من اسيادهم في ايران


شيوخ قم العن عيال الخسارة

(5)

--

------------------------------------------------------------------------------

يافتنةً جتنا من الشرق ترعب
والفرس ناوين العراق بدماره

نعلن جهاد القادسيه ويثرب
ويموت راس الشر فـ اول نهاره

فرعون كم ارهب من الناس وارعب
واصبح مصيره محترق وسط ناره

حنا هل العوجا والاجسام كهرب
تكتيكنا فـ الحرب فن وشطاره

يومٌ عبوسً قمطريرً ومتعب
ويموت راس الشر مآ اخذ بثاره

ايران شيعه مالهم اي مذهب
وحنا على درب الرسول ومساره

نجاد كلب اليا لعب لعبة الكلب
وشيوخ قم العن عيال الخساره

حنا سعوديين الامثال مضرب
ماعاش راسً مااحتمى عز داره

حنا هل العوجا والاجسام كهرب
عدونا مايهتني وسط داره

الخـوف يعـمل زلزلة بعض القلوب امزلزله
وانا ترى قلبي يزلزل داخل الصدر الفسـيح

مـدي يدينك بالوفاء حبل الوصال امـوصـلـه
ولـيـا قـطعتي للحبل اِبكي وانا ابكي واصيح

والـيـا قريتي في الكـتـاب اقري ايات الزلزله
ايلين قلبك لو حجر ماقلت انا غير الصحيح

ولـيـا نـويـتي مـشـكله مـثلك نويت المشـكله
اعقد حبال المشكله وانا على كرسي مريح

ترى العـنـاد اللي براسي مـاوصلتي مــوصـله
وليا وصلتي موصله أبني على قبرك ضـريـح

دقت نواقيس الخطر منك السبب وانا اجـهـله
تكـفيـن يابنت الحلال انا مـعـك رجل صـريح

لاتـفـرح الـمـتسـوقه اهـل الغـثـاء والجـلجـله
اللـي طبـايـعـهـا قـشـر مـتسـابـقـه عـلى قـبيح

انـتـي كـريـمه والكرم طـبـعـك يابنت المرجله
وانا وفي بس الظروف اليوم مـاتـمـشي صحيح

وانـتـي وفـيـه والــوفـي لـلـي وفـي مــايــخــذلـه
يـوم الحيـاه ابـطبـعـهــا ماترحم انسـانٍ جريـح

احكام لظـروف الزمـان مسـكت ثوبي باسـفله
وصـلت للـطايف وانـا مـدري مـرض ولا صـحيح

احيان اقول اني سليم اقراء خطوط البـوصـلـه
واحيان انا ماني سليم مادمت بفراشي طريح

تـدريـن يـابـنـت الحـلال اقـري عـلي البـسـملـه
احس في راسي وجع واخاف من طولي واطيح

--------------------------------------------------------------------------------
الســـالفه
السـالـفـه مـاهـي ترى سـالـفـة امـس
لـلـســالـفـه بـاقـي بـقــايا طــويــلـه

مـاتـسـتوي دلـه بلا جـايد الحمـس
ولاأحـدٍ يـقـدم كيـف من دون هـيلـه

لو يرمس الساري له الليل بالرمس
ولو تـسـدل الظـلـمه على طول ليله

اشتاق للخوه على رامـس الهمـس
واقـطـع بها وادي ليا سـال سـيله

اللي قبل يومـين واليوم والامـس
يـدري بها اللي مـابـعد شـد حيله

وليا تمكن صاحب الخمس بالخمس
تشبك مسـاحـات الفضاء بالمخـيله

اشتاق للخوه على رامـس الهمـس
واشـتاق لعـيون الفضاء والمـخـيله

سواقي عروقك


يـروي عروقـك مـن ثرى الارض ساقـيك
ولـيـا امـطــرت تـسـقي سـواقي عـروقــك

ولـيـا كـتـب ربـي مـع الـوقـت الاقـــيــك
اتـشـوفـنـي عـيـنـك ويـرضــيـك ذوقـــك

انـا لـيـا جـيـتـك تـرى جـيـت شـاريــك
اغـلـيـك لو يرخـص مـع الوقـت سـوقـك

مـاهــمـنــي زود الــغــلا فــيـك نـاويـك
مــادام زانـت فـي عــيـونـي بـــروقـــك

ولـــيـا لفـى طـيـفـك عـليّ بـحـراويـــك
أسـهر طـوال الـلـيـل حروى شـروقــك

اعــروق قــلـبـي لـك تـنـادي وتـرويـك
حــتـى تــروّى بالـروى لـك عــذوقــك

انـا حـبـيـبـي لو جـفـا الوقـت مـغـلـيـك
يرقـى بي اكـتـوف السـمـاوات شـوقـك

جـيـتـك وانـا كـلـي أمـل فـيـك راجـيـك
اتـغــيـب بـي وتـردنـي مـن شــروقــك

منجم البترول


أثر الغشش طبع الغـشيـش الناس يوم ايغشها
لابـس ثياب من الغشش ماعاد يلبس غيـرها

الله يـاكـبـر ؟؟؟؟؟؟ يـوم جـاهـا وقـشـهـا
احـيـان يـحـفـر بـيـرها واحـيان يدفن بيرها

تفرح بها بعض العرب مسـتوطنه في قـشها
مـاكـنـها الا مـنـجم البـتـرول يـوم ادّيـّـرهــا

يـوم الصـقـور اِلـهـا مـواكر والحمام اِلعشها
ويـوم المـكـيـنه مـاتسير الا ويدهن سـيـرهـا

الوقـت ضيّق خـاطري فـوقه عصاي اهشها
وضاقت معي بعض العرب عُرافها واميرها

اسـليم مـدادت وفـاء مـاتـقـبـل اللـي غـشــها
ولاتـقبــل اللـي مـايـأنبها غــشـش ظـمـيرهـا

ولا تـقبـل الهـرجـه من اللي يـسوقها ويد شهـا
لو بـيـّن اسـنون الـبيـاض اللي تـخفى جـيرهـا

يابو سـعـد بعض الـعـرب اليا لفت قم عـشـها
ثم سـرها مـن خـوف لاتـبـقى اليدين اسـيرها

يابـو سـعـد هـذي نـصيحه والنـصيحه اقـتشـها
وان كـان فـاتت خـيرها ياصاحبي في غـيرهــا

الهـرجـه اللي مـاتـجـمل في طـريـقـك طـشـهـا
من خـوف ان تزرى عـليـك النـاس مـن تأثيرها

سـوق الـعلـوم الطـيـبـه فـوق الرجـال ورشـهـا
خـل العـقـول التـالـفـه تـبـقى عـلى تـحـجـيرهـا

هـذي عـلومـي كــلها لـك جـبـتـهـا مــقــتشــهـا
وفـسـرت لك كـل الـعـلوم اللي تـبـي تـفـسـيـرهـا

أثر الغـشـش طـبع الغـشيـش النـاس يوم ايـغـشها
لابــس ثـيـاب مـن الغشش ماعـاد يـقـبـل غـيـرهـا