ديوان الشاعر / فهد بن غازي بن هجيان المحمادي البقيلي السلمي

أخواني أعضاء وزوار منتديات سليم بن منصور

السلام عليكم ورحمة الله وبركاته :

يسرني ويسعدني أن أقدم لكم ديوان احد رموز شعراء بني سليم تميز بالشعر النبطي

إنه الشاعر | فهد بن غازي بن هجيان المحمادي السلمي

وتعالوا معي لنستمتع بهذا الفن الراقي .

أقدم لكم قصيدة
الشاعر/ فهد بن غازي بن هجيان البقيلي السلمي : في مدح احد مشايخ قبيله حرب الشيخ / مقبل الصاعدي الحربي



هاجسي لامن دعيته ماعصاني
وقفته وقفة شجيع(ن) لادعيته

نصخر بيوت الجزاله والمعاتي
لجل شيخ(ن) ذاع بين الناس صيته

مقبل اللي لانطق بسمه لساني
قالو العالم ونعم اليا طريته

حاتمين من عريبين المجاني
ماقفل من دون ضيفه باب بيته

من عوارف حرب خطلان اليماني
صيرمي(ن) فالمواقف لانخيته

اله بين القوم تقدير ومكاني
ماتظام ولا تخيب اليا نصيته

يوم دارت بي دواليب الزماني
ماقصر عني يمينه يوم جيته

قال تامر وانت واحد من خواني
وانجلا هم(ن) بصدري ماقويته

جعل يفداه الضعيف ابن الهداني
واحد(ن) يعقد حجاجه لا لقيته

مايثمن جية اللي جاه عاني
الردى والبخل طبعه لا لفيته

وموقف الشهم الكريم ابن الحصاني
والله ان اموت وانا مانسيته

المراجل ماهي بمال ومباني
فعلن وقولن ليا قلته حميته

وكل شيآ فوق وجه الارض فاني
والبقا للي ومرنا حج بيته

أقدم لكم قصيدة
( ياهيه ) لشاعر/ فهد بن غازي بن هجيان البقيلي السلمي .

واليكم القصيدة ::

ياهيه كانك تسمع العلم ياهيه
اسمع كلام(ن) يعرفونه هل الكار

لاتحسب ان المرجله بشت تطويه
على يسارك كل مارحت مشوار

المرجله رجم(ن) صعيبه مراقيه
ماياصله ياكود وافين الاشبار

رجل(ن) يسد النوب لاجيت ناخيه
يقضي لزومك مايدورله اعذار

ورجل(ن) ربوعه كلها تعتزي فيه
وقفاته تنومس اليا صار ماصار

ورجل(ن) على الفزعه سريعه خطاويه
مطنوخ راس وله مكانه ومقدار

ورجل(ن) طويل اذراع محد(ن) يجاريه
ماضاق جاشه فالمواقف ولا احتار

ورجل(ن) حكيم الراي يدرا المشاريه
نظراته ابعد من بعيدين الانظار

ورجل(ن) كريم وذاع صيته وطاريه
بين العرب ياهيه في كل الاقطار

له مجلس(ن) بابه مشرع لناصيه
مدهال لاقرابه وللضيف والجار

راع الوفا والطيب هذي مواريه
ولا انت مانت من الرياجيل الاخيار

هذا كلامي كان تفهم معانيه
الطيب لاهل الطيب عنوان وشعار

أقدم لكم قصيدة لشاعر/ فهد بن غازي بن هجيان البقيلي السلمي .




الله على اللي لاشهر كنه الطير
حر(ن) ينومس في نهار الهدادي

جيب(ن) مصمم للسفر والمشاوير
فكسار لونه مثل لون الزبادي

ماتسمع بلوفه ولا حنة القير
قيره توماتيك(ن) ولاهو بعادي

لاضاق صدري يازبون المخاسير
من وقتي اللي مستمر في عنادي

ماياقف الا راس قمه شمنصير
والجو يامرزوق رايق وهادي

واشعلتلي نارآ حطبها مزابير
في ليلة(ن) قمرا بها النور بادي

وسويت كيف(ن) فالدلال المباهير
فنجالها يشفي عليل الفوادي

واصخر بيوت الشعر ياخوك تصخير
سوات ابن لعبون وابن المهادي

قصايدن لالقيتها للجماهير
يسمع صداها في جميع البلادي

لو يطمع الناقد على النقد ويغير
ماهو محصل فرصتن لانتقادي

وحولي نشاما فالمواقف مشاهير
قوم(ن) من اهل المعرفه والمبادي

اهل السيوف المرهفات البواتير
لطامة العايل كعام المعادي

ايمانهم تفني الذهب والدنانير
اليا نصاهم من حدته الحوادي

شرواك ياذخر الرجال المناعير
ياشاعر السلمان راع الشدادي

ارتحت من جور الزمن والتفاكير
وهذا هوى نفسي وغايه مرادي

أخواني أعضاء وزوار منتديات سليم بن منصور

السلام عليكم ورحمة الله وبركاته :

يسرني ويسعدني أن أقدم لكم قصيدة بعنوان ( عندي ميول ) لشاعر/ فهد بن غازي بن هجيان البقيلي السلمي .


عندي ميول اني اصير ارهابي
واقضي على منهو لعب باعصابي

اللي هويته وامتلكني حبه
واقفى وخلاني وانا منصابي

واللي بنيته لجل عينه هده
يانعنبو حيه عليه عتابي

وشلون يتركني وهو موعدني
انه ماينساني ولو بغيابي

دايم اليا جيته يقول احبك
وحبك لمرقاب الهوى يرقابي

ولالي بهالدنيا وليف(ن) غيرك
انت الوحيد اللي يثير اعجابي

وقول اله آمر تدلل وطلب
لعيونك اقدم للخطر ماهابي

لو تطلب نجوم السما ياخلي
اجيبهالك والقمر ماغابي

ابشر بعزك دامني حي لك
اتعب علشانك واسج اركابي

كنت احسب انه صادق(ن) مايكذب
ماكنت اضنه خاينن كذابي

اثره يابو غازي يبى يجرحني
جرح(ن) يبى يبطي وهو ماطابي

لكن ياقلبي سئلتك بالله
دور عن دروب الهوى مجنابي

أخواني أعضاء وزوار منتديات سليم بن منصور

السلام عليكم ورحمة الله وبركاته :

يسرني ويسعدني أن أقدم لكم قصيدة
( ياوجودي ) لشاعر/ فهد بن غازي بن هجيان البقيلي السلمي .

واليكم القصيدة ::



ياوجودي كل مالاح براق السحاب
وجد من حده وضامه زمانه يابدر

ضاق صدره من عنا الوقت وسنين العذاب
ولامعه حيله يكود التوجد والصبر

والسبب يوم(ن) خلي عن الميعاد غاب
من بعد ماطاوع اهل الخيانه والغدر

فرقونا وافرحو ياعساهم للذهاب
جعلهم مايطعمون الهنا طول العمر

من فراقه اسهر الليل واعد الوجاب
لين مرت كم سنه لاجواب ولا خبر

فرحتي به لو يعود بعد طول الغياب
مثل فرحت فاقد الشوف برجوع النظر

ومن تولع في هوى البيض تلعات الرقاب
يعرف ان البعد ياحوك احر من الجمر

قول للي لامني في جروحي والمصاب
كم عاشق من قبل درجوبه للقبر

والله انه لو يكثر ملامه والعتاب
مانسيت اللي هويته ولو طال الدهر

ياعسى خلي يعود ويرجع للصواب
وترجع الفرحه لفلبي وينزاح الكدر

وياوجودي كل مالاح براق السحاب
وجد من حده زمانه وضامه يابدر

أخواني أعضاء وزوار منتديات سليم بن منصور

السلام عليكم ورحمة الله وبركاته :

يسرني ويسعدني أن أقدم لكم قصيدة
الشاعر/ فهد بن غازي بن هجيان البقيلي السلمي .

واليكم القصيدة ::

سج القدم وابعد عن دروب الانذال
ناس(ن) على شين السواليف ولها

دايم مجالسهم على القيل والقال
هرج القفا بين الخلايق عملها

ولاتبدي اسرارك على كل رجال
خوف(ن) من اللي لاسمعها نقلها

بالشر بين الناس راحل ونزال
هرجه يحرفها وهرجه دبلها

ولاتستشير من العرب غير عقال
ولا تعرض الجزله على غير اهلها

واحذر تجامل كل مخطي ومحتال
عد الصحيح وكلمة الحق قلها

مافالحقوق مجامله يابن الابطال
لو كلمتك راع الخطا ماقبلها

وادمح خطا عزوتك ياطيب الفال
ادرا خواطرها وجنب زعلها

خلك لهم طول الزمن درع وضلال
مال الحمول ان ثقلت الا جملها

واصبر على جور الليالي والاهوال
بالصبر والحكمه تداوي عللها

ولاتطلب الميقاف من هافي الخال
اللي مواقيف النشاما جهلها

احرص على من خوته تشرح البال
رجﻵ فعول الطيب كفه فعلها

حاز المراجل كلها قول وافعال
حاله وماله دون ربعه بذلها

المرجله ماهي بتجميع الاموال
قمة جبل ماكل واحد وصلها

ولاهو باكيد ان قولة الكبر عدال
ياكم ناس(ن) كبرها ماعدلها

تم الكلام وكلمة الحق تنقال
وارزاقنا بيدين منهو كفلها

أقدم لكم قصيدة بعنوان (لاتامن الدنيا)
لشاعر/ فهد بن غازي بن هجيان البقيلي السلمي .

واليكم القصيدة ::



لاتامن الدنيا ترى الوقت دوار
حتى ولو ان الليالي صفت لك

دنياك مثل السيف صارم وبتار
مادامت لغيرك ولا دايمة لك

اغنم زمانك واعبد النافع الضار
سبحان من يملك حياتك وقتلك

خلك على وقتك عزوم(ن) وصبار
واحذر تطيع النفس لاوسوست لك

وابعد عن دروب المشاكل والاخطار
واترك علوم اهل الردى لاعرضت لك

واحرص على خوة هل الطيب والكار
اللي ليامن انتخيت انتخت لك

واكمل وجوب الضيف لاجاك والجار
لاتبخس حقوق العرب لا لفت لك

ومن لايشيرك لاتدور معه شار
ومن لا يودك جنبه لا لتفت لك

أقدم لكم قصيدة بعنوان (ياموتري)
لشاعر/ فهد بن غازي بن هجيان البقيلي السلمي .

واليكم القصيدة ::


ياموتري دايم وانا منك بلشان
مافيه راعي ورشتن ماعرفنا

تمسي نشيط وتصبح الصبح خربان
وياما عليك امن الدراهم صرفنا

ابعد مشاويرك ليا اطراف عسفان
وان طالت الطرقه بدريك وقفنا

معاد بك شده ولا تقضي الشان
غربلتنا واشقيتنا لين عفنا

ودي على فرقاك والصبح مابان
لكن جور الوقت يمك حذفنا

الله على اللي يطوي البعد يافلان
فكسار من بد المواتر هدفنا

ماكنه الا طايره دون جنحان
هذي اقل وصوفه اليا وصفنا

ماهي خساره فيه غالية الاثمان
لو كان من كل البنوك استلفنا

ولو كانت الارزاق بيدين الانسان
يمدي من ابحور الدراهم غرفنا

لكنها بيدين خلاق الاكوان
الواحد اللي بمره الناس تفنا

ومنهو لجا لله ماهو بخسران
والدين عن علم الوفا ماكتفنا

أقدم لكم قصيدة بعنوان (ياصديقي)
لشاعر/ فهد بن غازي بن هجيان البقيلي السلمي .

واليكم القصيدة ::




ياصديقي خل صدرك شمالي لايضيق
لاتهمك هرجة اهل الوجيه الكالحه

الردي لاشافك بخير شبتبه حريق
حسده لقوم الوفا والمراجل ذابحه

والله انك لو على الخافي بصدره تويق
كان تقصر عنه يمناك قبل تصافحه

خالي(ن) عقله ولا يمكن يدل الطريق
كل مايلقى جبل من غباه يناطحه

شغلته نقل الحكي من فريق ليا فريق
ذا فريق(ن) يهجده ذا فريق يصابحه

يحسب(ن) فعله رقابه ليا قمة طويق
مادرى انه بين كل الخلايق فاضحه

مثل هذا لاتعده صديق ولا رفيق
ولا يجي عليك تجلس معه وتمالحه

النحاس نحاس ياخوك لو جاله بريق
ماهو بمثل الذهب تختلف ملامحه

اشقر الجنحان حام السما حر(ن) طليق
يكفخ ولا يلتفت فالكلاب النابحه