ياسيدي سلمان

شاعر من الجنوب يفتخر بالسعودية ويؤكد جاهزية ابناء الجنوب...
يقول
سلم على الجيش السعودي وسلمان
قل له جنوب المملكه دون عاره
احسب عسير الهول لازلزل الشان
واحسب ذيابه يام وقت الشراره
واحسب على الموقع صناديد قحطان
واحسب رجال الحجر في كل غاره
واحسب مقاييس الخطر قوم شهران
واحسب مع بالحارث اعلى مناره
واحسب مع بالقرن في الموت شجعان
واحسب مع شمران اهل الجساره
واحسب رجال الموت غامد وزهران
واحسب قبايلنا مع اول اشاره
واحسب قبايل ماطرت لي بالالحان
من طول هامتها وقصر العباره
حنا جنوب المملكه شاننا شان
الموت يسكنا ونسكن دياره
والله لو يامر على الموت سلمان
نحرق له الحوثي وجيشه وداره
......
من الطائف جاوبة عبدالعزيز الربيعي...


من غرب موطنا صناديد عتبان
رجالهم ماينتظر للإشارة
برقا وروق الي لهم في الوطن شأن
متجهزين الكل غارة وغارة
وثقيف جمعا فعلهم طول الأزمان
تحمي منازلها بفن وشطارة
وفينا بني الحارث قيا وهل ميسان
الحرب لعبتهم ليا دق طارة
ونذكر لك السبعان والاسم سبعان
دون الوطن مايحسبون الخسارة
وفينا للبقوم الي فعايلهم ازمان
يشهد لها التاريخ وثبت قرارة
وسجل بني مالك موثقت الأركان
أصغر ولد فيهم يحرك وزارة. .
جنوبنا مع غربنا طول الازمان
ماقف رجل واحد وطنا شعارة
وجاء رد الشاعر جميل معوض المسعودي الهذلي
وحدود مكه دونها قوم شجعان
دون الوطن تاقف وتحمى شعاره
عزوة هذيل اللي حمت كل ميدان
يوم الفتيل يثور وتشب ناره
في صفحة التاريخ مكتوب عنوان
في عسكر البارود موجز عباره
الفضل لله قاضي الامر والشان
والبيت بامر الله حمينا جداره
وارض الوطن لو مابقي فيه سكان
يكفي هذيل العرب تحمى دياره
هذي فعايلنا على طول الازمان
هذا الوطن ماعندنا فيه باره
قلت الحقيقه كلبوها على شان
ماعاد تطمع فيه قوم المكاره
ياسيدي دام الوطن فيه هذلان
ارتاح واستامن على كل حاره




رد الشاعر/ طليان الجحدلي


من حد وادي الليلث الى ابن سريحان
جيش الذخاير جاهز اف كل غاره
جحادله وان عج للحرب دخان
دون الوطن ناقف بعز وجساره
امجادنا ماهي بزورا" وبهتان
ولا خذيناها من الناس عاره
امعاهدين املوكنا والوعد حان
نعطي على يوم المواجه بشاره
ياسيدي سلمان شعبك من الآن
حطه في وجه اللي تقادح شراره
والله لا نسقيه علقم وينهان
وان عودت للسلم حنا شعاره
يوم القبايل تفتخر سر واعلان
حنا الجحادل واسمنا في الصداره
جنوب مكه ازهله عند شجعان
لو قرب الحوثي نغير مساره
مندون قاصر في القبايل ولاهان
راس الملك سلمان نسل الحراره


مجاراه الشاعر
عبدالعزيزسعيدمغلي السلمي


ياسيدي سلمان


ياسيدي سلمان للطيب عنوان
يومن الاشياء تنعرف بالاماره


المملكه ياسيدي دار الامان
الله ممنها واسوق البشاره


الله ممنها بكم ياهل الاحسان
يوم اتخذ صقر الجزيره قراره


نادى على توحيد ربه والايمان
وبرايه الاسلام رافع شعاره


يالين وحدها على سنان وعنان
حرٍ عزم رايه بحزم وجساره

وكل القبايل بالعدل صار اخوان
والشعب من بين الامم فالصداره


والشعب يعطيكم على الصدق برهان
من بعد نجم سهيل غير مساره


القوا على الحوثي عقوبه ونيران
من قاذفات الجو شبت بداره

مسكين يامصدق اكاذيب ايران
هذا جزاء الجاحد ليا خان جاره


من هول مما شاف فيكم بالاعيان
قاطب على راس المجوسي غباره


واصبح علي صالح كما شي ماكان
الفار عنا منزوي وسط غاره


وياسيدي سلمان ياصقر شيهان
ياحر زادت هيبته من وقاره


ساعه وصل هادي الى مسقط عمان
وكلم ملكنا واستجاره واجاره


ربعي سليم امسوا ورى دار خولان
عدوهم كادوه واعلن صغاره


وكل القبايل من ذريبين الايمان
على العدو مالو وشقو ستاره


هذا جزيل القول من قلب ولسان
من هاجسٍ جوف الضمير استثاره


ياسيدي سلمان للطيب عنوان
يومن الاشياء تنعرف بالاماره


عبدالعزيز سعيد مغلي السلمي