تسجيل دخول

العودة   منتدى سليم > المنتديات الأدبيـــــــة > دواوين شعراء بني سليم
دواوين شعراء بني سليم (( خاص بشعراء وشاعرات بني سُليم ))

إضافة رد
 
أدوات الموضوع إبحث في الموضوع انواع عرض الموضوع
  #191  
قديم 07-17-2016, 11:59 PM
الصورة الرمزية حمدان بن مقحص
حمدان بن مقحص غير متواجد حالياً
مشرف منتدى روائع الشعر وميدان الشعر الشعبي
 
تاريخ التسجيل: Oct 2008
الدولة: جــدهـ
المشاركات: 3,402
إرسال رسالة عبر مراسل MSN إلى حمدان بن مقحص
افتراضي رد: ديوان الشاعر حمدان بن عامر الشكري (ابن مقحــص)

صد عن وجه اللئيم وصد عن وجه السفيه
وكل باب إيجيك منه الريح سده واستريح

وافتح إلباب المواصل باب ودٍ ترتجيه
والليالي تكشف القلب العليل من الصحيح

واحترص واحذر ترى نصف البشر ماهو نزيه
يوم يكشف وجهه الطيب وفي يوم القبيح

ولاتقول إن ذا رفيق وَذَا خويٍ بانتخيه
كم هقاوي فالاوادم روحت مهب ريح

وبالمواقف والظروف أتبِيين لك كل الوجيه
تعرف الوجه الغشيش وتعرف الوجه النصيح

والزمان يخبّرك عن وجه ابن فهره وأخيه
والمجالس تظهر الرجل الكذوب من الصريح

والبشر صنفين واتبع من يباك ومن تبيه
صنف من قوم الفلاح وصنف لبليسه طريح

حمدان بن مقحص
__________________
رد مع اقتباس
  #192  
قديم 08-05-2016, 04:47 AM
الصورة الرمزية حمدان بن مقحص
حمدان بن مقحص غير متواجد حالياً
مشرف منتدى روائع الشعر وميدان الشعر الشعبي
 
تاريخ التسجيل: Oct 2008
الدولة: جــدهـ
المشاركات: 3,402
إرسال رسالة عبر مراسل MSN إلى حمدان بن مقحص
افتراضي رد: ديوان الشاعر حمدان بن عامر الشكري (ابن مقحــص)

قصيده وردها
لقب لأبن مقحص ومركز أماره
ماهو موقت وقت رحله وكشتات

أنشهد إنه مستحق بجداره
رجل على الهقوه بكل المهمات

وخوياه ماتلقى وراهم سباره
يانعم فيهم كلهم فالحسابات

ودي بخوتكم ورهن الأشاره
لكن تمنعني بحور ومسافات

في دار مانعرف لها من حضاره
فالهند ياكثر البشر والعبادات

أحد يعبدون البقر والحجاره
وأحد عبد رب البشر والسموات

ماعاد لي فالهند شف ونظاره
بارجع لدارٍ تشتهر بالمنارات

أخوكم / نفاع الربيقي

حي الكلام المتقننٍ بالعباره
من شاعرٍ ما يكتب ألا الجزيلات

نفاع راع الاوله والصداره
اللي علاه من التواضع علامات

شهادتك لي عز تاج ومناره
ولقب ربوعي لي تاج ووسامات

الاسم يكفي واللقب والاشاره
والحمل يشتاله زبون الثقيلات

وانا لربعي ليل والا نهاره
ومكملين لبعضنا كل الاوقات

وانتم سند بالسلم وألا بغاره
قوم الفخر واهل اليمان الطويلات

وعسى تعوّد من سفرك ومساره
للدار وربوع الوطن بالسلامات

واليا بغيت أستقبلك في مطاره
آمر أمر واجيك في ظرف لحظات

اخوكم حدان ابن مقحص
__________________
رد مع اقتباس
  #193  
قديم 08-06-2016, 05:39 PM
الصورة الرمزية حمدان بن مقحص
حمدان بن مقحص غير متواجد حالياً
مشرف منتدى روائع الشعر وميدان الشعر الشعبي
 
تاريخ التسجيل: Oct 2008
الدولة: جــدهـ
المشاركات: 3,402
إرسال رسالة عبر مراسل MSN إلى حمدان بن مقحص
افتراضي رد: ديوان الشاعر حمدان بن عامر الشكري (ابن مقحــص)

هذه قصيدتي شيله في زواج الشابين
ماجد ومحمد ابناء العميد/ فيصل ساعد القرشي
ليلة الخميس الموافق/1437/10/29

عند آل ساعد مدهل الضيفان وزحول الرجال
اهل الكرم والجود واهل الطيب واهل الاوله

واهل الوفا والسلم واهل المذهب اللي لايزال
واهل الاسم واهل المكانه والفخر والمرجله

يامرحبا في ليلةٍ تسوى كثير من الليال
ليلة فرح توافدت فيها الجموع المذهله

في محفلٍ نوره كما نور القمر ليلة هلال
يامرحبا ترحيب بالضيفان قدرٍ نحمله

باسم الكريم ابن الكريم الكفو شيال الثقال
فيصل وكل اخوانه اللي باللزوم إتجمله

وباسم العضيدي والوعيلي مرحبا في كل حال
ترحيبة قريش الرجال أهل الوفاء والمنزلة

يامرحب على الشحم والبن في صفر الدلال
رحب الكرم عند الكرام اللي تقول وتفعله

في حفلة محمد وماجد ياهلا والطيب فال
فال الرجال اللي لفوا والطيب هذا منهله

يامرحبا ترحيبة التقدير بجموع الرجال
اللي لفونا مقبلين وللوجوب مكمله

ليل اجتمعتوا فيه يسوى عندنا كل الليال
حفل وفرح وحضوركم زاده سرور وجمله
__________________
رد مع اقتباس
  #194  
قديم 09-01-2016, 01:07 AM
الصورة الرمزية حمدان بن مقحص
حمدان بن مقحص غير متواجد حالياً
مشرف منتدى روائع الشعر وميدان الشعر الشعبي
 
تاريخ التسجيل: Oct 2008
الدولة: جــدهـ
المشاركات: 3,402
إرسال رسالة عبر مراسل MSN إلى حمدان بن مقحص
افتراضي رد: ديوان الشاعر حمدان بن عامر الشكري (ابن مقحــص)

قصيدتي بمناسبة زواج الشابين ماجد ومحمد ابناء العميد فيصل ساعد القرشي

خيالي سرى والفكر ساري على قافيه
مع الهاجس اللي يعشق الفن والابداع

من البارحه واللي قبل جلت في صافيه
وبنات الفكر قامت توافد علي أتباع

وسيع الخيال ومنبع الفكر من راعيه
ليامن رسم لوحة شعر ذوق واستمتاع

يقولون جيد البيت من ساسه وبانيه
نعم صح والانفس لها غايةٍ وأطماع

على طول الايام ومدي الوقت من باديه
كُثر من تكسب واشترى بالثمين وباع

وانا ناوي أشري كل غالي شعر والقيه
واسمعه للجمهور لحظة صفا وامتاع

ليامن صفا جوي جزال القصيد أبنيه
بيوتٍ لها الجمهور يسمع صدى وايقاع

وانا اكتب جزال الشعر واجوز عن باقيه
وجوي هذا الليله صفا للهجوس وطاع

بعدها سلامي للمطاليق شعر أهديه
من الراس للي يستحقه وله مرباع

مثل فيصل اللي كل واحد شهم يغليه
ابو خالد اللي له مكانه وصيته ذاع

رجل يدرك الطِيب ويمده على باغيه
ولاله ورى فعل الجمايل غرض واطماع

رجل كل ماذكروا رجال الفعل نطريه
كريم وحليم وطيّب النهج والاطباع

فعوله تشرف ربعه وبين العرب تكفيه
كبير المقام وللمراجل طويل ذراع

ولاهانوا اخوانه وربعه ومن يليه
هل المجد والافعال والعرف والاسناع

لهم مجد وافر بالكتب والعرب تحكيه
من قريش سادات العرب للرسول اتباع

قبيله لها صيت وذكر ما احدٍ ناسيه
بساداتها واشرافها والفعول انواع

وانا من سليم اللي بطون الكتب تثريه
بتاريخ عز وفخر فعلٍ لنا ماضاع

لنا فعل واضح ماجهل من بغا يرويه
على قمة العليا لنا منزل ومطلاع

وكل القبايل فعلها قد ذكر طاريه
على ارض الجزيره صيتهم بالمدايح شاع

هذه مجمل الموضوع والطيب من راعيه
وكلمة نعم يستاهل اللي لها طماع

وقبل الوداع وقبل ا ختم/الشْعِرْ وانهيه
ابارك لراع الحفل فيصل طويل الباع

ابارك واشارك معه ذا الليل واهنيه
على حفلة أعياله عساهم سند واذراع

وابختم بشكر الله وانا عبده وراجيه
يغفر الذنوب ويرحم المذنب الملتاع

واصلي على سيد البشر سيدٍ نغليه
رسولٍ نحبه حب في داخل الأضلاع

حمدان بن عامر بن مقحص
__________________

التعديل الأخير تم بواسطة حمدان بن مقحص ; 09-01-2016 الساعة 01:09 AM
رد مع اقتباس
  #195  
قديم 09-12-2016, 07:56 PM
الصورة الرمزية حمدان بن مقحص
حمدان بن مقحص غير متواجد حالياً
مشرف منتدى روائع الشعر وميدان الشعر الشعبي
 
تاريخ التسجيل: Oct 2008
الدولة: جــدهـ
المشاركات: 3,402
إرسال رسالة عبر مراسل MSN إلى حمدان بن مقحص
افتراضي رد: ديوان الشاعر حمدان بن عامر الشكري (ابن مقحــص)

إنصا الرفيق اللي رفيعٍ قدره
اللي يقدرك ويحسب إحسابك

ذراك عن حر الزمان وغدره
في ساعةٍ لاجيت له حيابك

وإبعد عن اللي كلمته في صدره
أللي ليا قفيّت عنه إغتابك

اللي نضر عينه قريب وحدره
واللي ليا جات اللوازم سابك
__________________
رد مع اقتباس
  #196  
قديم 09-22-2016, 08:40 AM
الصورة الرمزية حمدان بن مقحص
حمدان بن مقحص غير متواجد حالياً
مشرف منتدى روائع الشعر وميدان الشعر الشعبي
 
تاريخ التسجيل: Oct 2008
الدولة: جــدهـ
المشاركات: 3,402
إرسال رسالة عبر مراسل MSN إلى حمدان بن مقحص
افتراضي رد: ديوان الشاعر حمدان بن عامر الشكري (ابن مقحــص)

( يالله )

يالله يالله بالاسلام تجبرنا
وتكتب لنا النصر والتمكين والخيره

أنصر جنود الوطن يالله وانصرنا
على العدو الخبيث وخاين الجيره

عدو شعب اليمن والدين يسبرنا
علي ولد صالح المخلوع ماغيره

اللي نوا بالخفا يطعن ويغدرنا
عز الله إنه خبيث الاصل والسيره

ياما عطيناه واكرمناه وانكرنا
جحد معاريف دولتنا وتقديره

من غدره وحيلته الله نورنا
لانا على الحق والدين وتباشيره

حزم على الامر سلمان وتباشرنا
وحنا فدا للوطن والدين والسيره

لحماية الحد جندٍ لنبغا سرنا
على حدود الوطن مافيه تأخيره

والشرع والدين والاسلام يامرنا
إنطيع للامر واحنا تحت تدبيره
__________________

التعديل الأخير تم بواسطة حمدان بن مقحص ; 10-08-2016 الساعة 10:22 PM
رد مع اقتباس
  #197  
قديم 10-07-2016, 04:02 AM
الصورة الرمزية حمدان بن مقحص
حمدان بن مقحص غير متواجد حالياً
مشرف منتدى روائع الشعر وميدان الشعر الشعبي
 
تاريخ التسجيل: Oct 2008
الدولة: جــدهـ
المشاركات: 3,402
إرسال رسالة عبر مراسل MSN إلى حمدان بن مقحص
افتراضي رد: ديوان الشاعر حمدان بن عامر الشكري (ابن مقحــص)

إنصا الرفيق اللي رفيعٍ قدره
اللي يقدرك ويحسب إحسابك

ذراك عن حر الزمان وغدره
في ساعةٍ لاجيت له حيابك

وإبعد عن اللي كلمته في صدره
أللي ليا قفيّت عنه إغتابك

اللي نضر عينه قريب وحدره
واللي ليا جات اللوازم سابك
__________________
رد مع اقتباس
  #198  
قديم 11-06-2016, 09:51 PM
الصورة الرمزية حمدان بن مقحص
حمدان بن مقحص غير متواجد حالياً
مشرف منتدى روائع الشعر وميدان الشعر الشعبي
 
تاريخ التسجيل: Oct 2008
الدولة: جــدهـ
المشاركات: 3,402
إرسال رسالة عبر مراسل MSN إلى حمدان بن مقحص
افتراضي رد: ديوان الشاعر حمدان بن عامر الشكري (ابن مقحــص)

وين الصديق اللي يشد إبه الظهر
إليا قسى وقتي علي أشكي عليه

وليا تشكا من همومه والسهر
أشيل همه فوق همي واحتويه
__________________
رد مع اقتباس
  #199  
قديم 11-08-2016, 10:02 PM
الصورة الرمزية حمدان بن مقحص
حمدان بن مقحص غير متواجد حالياً
مشرف منتدى روائع الشعر وميدان الشعر الشعبي
 
تاريخ التسجيل: Oct 2008
الدولة: جــدهـ
المشاركات: 3,402
إرسال رسالة عبر مراسل MSN إلى حمدان بن مقحص
افتراضي رد: ديوان الشاعر حمدان بن عامر الشكري (ابن مقحــص)

( دخيلك يارفيقي )
دخيلك يارفيقي لاتنشدني عن اللي صار
تراني محتزم بالصبر والعزم القوي والحيل

رحل عن ذاكرة فكري وجيه أتدور الاعذار
توارت واختفت مثل الغبار اللي غسله السيل

تعشمت وتأملت إبزماني والزمن غدار
وصارت ذكريات أمسي تشابه مع حلوم الليل

طويت بعالمي ذكرى أليمه والحياه أسرار
وجرحي ماوقف نزفه ونبضي بالعروق يسيل

أعيش وكل لحظه في خيالي ترسم الافكار
شعوري شعر واحساسي يسامر للجدي وسهيل

أنا مهما حصل لازلت شامخ والطموح اكبار
وعيني للبروق وللسحاب اللي بعيد أتخيل

صحيح أتمل الماضي وصوره مالها تذكار
لكن آمالي أكبر والمناكب للحمول أتشيل

دخيلك يارفيقي لاتغارب شي مهما صار
مادام إنك تعرف إن الزمن هذا يهد الحيل

ودخيلك لاتلحقني ملامه والعقول أصغار
ترى مالي عتاب ألا القصيد وكيف بن وهيل

وشرهاتٍٍ على درب المراجل تلفت الانظار
ماهي شرهات خبلٍ مايدور غير قال وقيل

مابين أعتابي وشرهة مواقيفي بحر وانهار
بها تبحر سفينة هاجسي والوقت عدل وميل

أبمشي واتوكل والخُطا للطيب ما تحتار
وميلاد السنين اذبح تمايمها قعود وحيل

ألا ليت الاوادم فاليمين ولاتروح ايسار
وعلى درب المراجل تعقد العزم وتشد الحيل
__________________
رد مع اقتباس
  #200  
قديم 11-16-2016, 03:10 PM
الصورة الرمزية حمدان بن مقحص
حمدان بن مقحص غير متواجد حالياً
مشرف منتدى روائع الشعر وميدان الشعر الشعبي
 
تاريخ التسجيل: Oct 2008
الدولة: جــدهـ
المشاركات: 3,402
إرسال رسالة عبر مراسل MSN إلى حمدان بن مقحص
افتراضي رد: ديوان الشاعر حمدان بن عامر الشكري (ابن مقحــص)

‏احدٍ سهر ليله لربه يناجيه
‏واحدٍعلى الحوم البشر يسهر الليل
‏واحدٍ تبع سنة نبيه وطاريه
‏واحدٍ مع العالم على الحط والشيل
__________________
رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:32 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع


دعم وتطوير استضافة تعاون