ثورة اثبات للذات

تقسى ,, وتجفا ,, وتمادى عليه
وتزيدني تعذيب وتزيد طعنات

حتى ليا قربت حوض المنيه
تسعفني بهمسه ولمسه ونظرات

وارجع مشتت بين روحه وجية
آروح لاراحت واعوّد لْيا جات

متلذذه .. باللي تسويه فيه
وشلون تلقى في عذابي ملذات

الغيري من الناس غيمة ندية
كلن لقى منها من الطيب زخات

لكنها ـ ـ لي كنها النار حية
تحرق ولا ترضخ لهمال الآهات

ياصادقة < ياعادلة < ياوفية
إلا معي هيهات توفين هيهات

انتي الحكم وانتي الخصم والقضية
لاتظلميني دون برهان واثبات

ولاتنكرين اني عطيتك عطية
قلب ومشاعر حب واحساس وابيات

وشوفي بعينك وش حصل فالبرية
ثارت شعوب الارض ضد الحكومات

وانا ترى ما باقي الا شوية
واثور ضدك ثورة اثبات للذات

وسلامتكم
.