الأربعة اللذين أكرههم

الشوق والذكرى وزفرات الغلا وإيا الحنين
تردني للي مضى من وقتنا وأسترجعه

هين عليك حسابها لامن جيتي تحسبين
لكن ما تحصين ما سوت بي ذيك الأربعه

الأربعة سوت سوايا فوق ما تتوقعين
تفننت فالجرح لين أمست وصارت مبدعه

الأربعة في كل يوم وكل ليل وكل حين
تجيب لي طيفك وخدي ينجرح من مدمعه

أعود للي قد مضى وأسترجعه في لمح عين
وأروي ضمايه منه ذكرى ثم أجوع ولا أشبعه

أحيان لك طاري يسلي خاطري لو هو حزين
وأحيان لك طاري يضيق خاطري لو في سعه

أعود للي قد مضى وسأل ترى هالحين وين
يا هل ترى هي وحدها أو ياترى من هي معه

ماهـو بشك وأتهام إلا أنا ميقـن يقين
ولا هـو بلغـز وكل واحـد له برمعـه يرمعـه

لكـن مـالك فيـه يـد ولا أنـا ليـه يدين
مـا فيـه أحـد يعمي عيــونه بغـزة أصبعـه

الحـظ عيا لا يجمـع بيننا حنــا الثنين
حـول على خيـط الأمـل من بيننـا ثم أقطعـه

لو أنها بالكيف ما أخليك لحظة تبعدين
والقلب ما يمدي ظـروف الـوقت عنك تمنعه