ديوان ( همـس السلسبـيـل )

مدخل

[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
تعال ارقص على انغام القصيد اللي كتبته فيك=أنا لولا غلاتك ماكتبت الشعر وابياته
زرعتك في بساتين الأمل نهر الوفا يسقيك=بنونك هادم اللذات وبنظرتك بصماته


[/poem]



[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]


ياربْ عفوك . ياغفور . ويارحيم . ويا ودود=يسألك من يعلم بأنه يوم لاقي مصْرَعِهْ
يسألك حُسن الخاتمهْ . موتةْ شرف . لحظةْ سجود=متمتع بعمرهْ لحج العفو غايةْ مطْمَعِهْ
وإلا بساحات الوغى . ضد النصارى واليهود=رضاك غايةْ مطلبه وحُبْ الشهادهْ يدَفعِهْ
رباه من للمذنب العاصي بظُلْمَات اللُحُود=رباه مَنْ يقْدَرْ بعد موته بدونك ينفَعِهْ
الشعر ديوان العرب والناس للجزلهْ شهُود=لكن نذكر باختصار اثنين من أصل أربَعهْ
شاعر يغُوص البَحْر يستخر درر ينظم عقود=وشاعر كما قال المثل ماودك إلا تصْفعِهْ
بسم الغلا ظبي الفلا مايرحم قلوب الأُسود=والعاشق المغرم ترى قلبه ماتحميه أْظلعِهْ
الغالي اللي لاغلا صافي ولا كله صدود=اهديت له قلبي وطن واقفى وشوقي يتبعِهْ
مدّيت له حبل الوصل والعُود في عين الحسود=مدري زعل وإلا جهل في كل مره يقطعِهْ
وحدايق الصبّر الجميل اسقيتها غيث العهود=وبنيت له بيت الأمل مادري وش أخرها معِهْ
في غيبته بيض الليالي حالكهْ بالحزن سود=وليا حضر لو دوم عيني تنظره ماتشبعِهْ
أحيان يقفي واعتقد جازم بأنه مايعود=لكن في لمح البصر يرجع وتنْهَلْ ادمُعِهْ
فيه الحيا فيه الوفا فيه التواضع والركود=جمال طاغي دين واخلاق وأدب مُتْجمعهْ
الطرف والمبسم هلاك القبر مابين النهود=سحر البيان ليا تكلم والسوالف مُمْتعهْ
جمر الشفايف سالفهْ عنوانها ورد الخدود=وليا انتثر شلال ليله بالأنامل يرفعِهْ
يهدي لي أشواك الفراق وينتظر صبري ورود=والحلم قبل يصير علم أعمى عيونه باصْبعِهْ
قصةْ غلا ماعشتها واقع خيال بلا حدود=عند المنام استقبلهْ وليا صحيت اودعِهْ
قلت العواصف ماتهز النايفات من الحيود=ازرع لأنك في النهايهْ تحصد اللي تزرعِهْ
يارب سترك . يارحيم . وياغفور . وياودود=لطفك . وعفوك . قبل أبو هايل يلاقي مصْرعِهْ

[/poem]

قصيدة الشاعر الكبير / عبدالله الصالحي(أبو محمد)

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
الشيب حاربني على شعر راسي=وعيت ترده عني سيوف ورماح
قلت التجاهل يطرده والتناسي=والا يروح لا رأى زنودي صحاح
لكن شمل راسي بوقتٍ قياسي=واليوم في دقني وفي عارضي لاح
واكثر مايطرد عن عيوني نعاسي=علم اخذته من حديث بالاصحاح
ماخطيت في فهمه ولاني بناسي=الشيب مرسول الفنا مابه مزاح
واليا بدى طلع الثمر بالغراسي=جاها الحصاد بليل والا بالاصباح
افزع عليه يالرفيق السياسي=قدام جيش الياس للقلب يجتاح
وانته اظنك شاربٍ نفس كاسي=واهل التجارب ابخص بطب الاجراح
اشوف لون الليل للراس كاسي=ماكن زاره شيب ولا حطه مراح
اجليت عنك الشيب بامرٍ رياسي=والا طردته با شهب اللال ياصاح
والا توصلتوا لحل دبلوماسي=علمني وسرك بقلبي ماينباح
لعلي اطرد بالرجا جيشّ ياسي=واعيش باقي العمر ياخوك مرتاح

[/poem]

\7

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]

أهلاً عدد نبت السهل والرواسي=وعد النجوم وعد ما الراعبي ناح
بالشاعر اللي مالبحره مراسي=حكيم متواضع وعاشق للاصلاح
يصرف ذهب صافي ما يصرف نحاسي=وحرفه من الألماس بالنور وضّاح
ياصاحبي دنياك فصلٍ دراسي=والاخره فيها الخساير والارباح
وعُمر الفتى قوه بعدها انتكاسي=لابد نقضي مابقى صبر وكفاح
وأنا أعلم إن الموت له يوم قاسي=وماللفتى إلاماكتب له بالألواح
ماني مفصل ثوب ماهو مقاسي=أقضي حياتي بين سجده ومسباح
الله عليك أشعلت فيّ الحماسي=سبحان من يجمع على الحب الارواح
والشيب ذكّرني بلعب الكراسي=والحُر لرموز الإشارات لمّاح
الشيب مايجلاه باسك وباسي=ومااظن باقي فالعمر كثر ماراح
سهمه خطير ولايفيد احتراسي=وله بين كل الخلق مسّرى ومسْراح
والشيب بعضه من هموم ومآسي=طير السعد كنه مركب له جناح
نذير مابه ظن والا إلتباسي=هيبه . وقار . ولرذل العُمر مفتاح
وأنا لشيبان العوارض مواسي=ابشر بعزّك ياعسى أيامك أفراح
نهزم جيوش الشيب وابليس خاسي=والدين والتقوى لنا ضده سلاح


[/poem]

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سلام الله سلام الله عدد حب العُنب والتوت=وعدد نبت الفلا . والرمل . والشهب السماويّه
سعوديين . حب أغلى وطن بقلوبنا منحوت=سعوديين . في كل المواقف نارنا حيّة
كتبنا المجد بحروف الذهب والدر والياقوت=حقايق ثابته . ماهي قصص وافلام هنديّه
نحرك قوة العالم . ليا جا الجد بالريموت=بحكمة قايد الأمّه . لنا نظره سياسيّه
قرارك ياقمم تلك الأمم . فيتو يشوته شوت=لأن العولمه ما حوّلت لهجتك عبريّه
نقيم الحد فالمرتد جاك الموت ياسربوت=هنا مهبط وحي . دين . وقيّم . ودروس علميّه
شبيه ابليس قيده فِتر . ماهو فالبلد مفلوت=بلدنا منبع الإسلام . والاحكام شرعيّه
كفايه طِيب زايد . يجعل المجرم رفيع الصوت=كفايه غدْر علماني ولبرالي وشيعيّه
كفايه ياغراب البين تسعى في خراب بيوت=كفايه نقبل أعذارك لجل كلمتك سحريّه
كفايه صمت والارواح لعبه في يدين الموت=ماحد يشعر بهول الكارثه غير السعوديّه
كفايه دمعة المحزون تذرف والعباد سكوت=كفايه يعبث الغدّار في عرضك ياسوريّه
كفايه بالعراق . ومصر . تونس . قبلها بيروت=كفايه ليبيا . السودان . والارض اليمانيّه
كفايه صرخة الصومال جوعى بانتظار القوت=كفايه والهدف تفكيك وحدتنا الخليجيّه
كفايه قدسنا يصرخ ينادي جوف بطن الحوت=كفايه لعبة الشطرنج بيدين اليهوديّه
كفايه هجر للقرآن والاخلاق في تابوت=كفايه والمشاعر بيننا صارت تجاريّه
كفايه ياشباب أمة محمد . كوره وبيلوت=كفايه مهزله . سهره على نغمه موسيقيّه
مظاهرنا . مراكب فارهه . سكبة غتر وبشوت=وجواهرنا . بقايا انسان . عمره جاوز الميّه
متى نرجع نصحح وضعنا قبل القطار يفوت=ترى العالم بحاجتنا رسالتنا إلاهيّه
وترى دور الفتاه الجوهره لو صوتها مخفوت=مثل دور الخفوق . كنوز محفوظه ومحميّه
وصلى الله على الهادي عدد حب العنب والتوت=وعدد نبت الفلا . والرمل . والشهب السماويّه[/poem]

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

الحمدلله ديننا دين الاسلام=من صد عنه ومات خسران خايب
ليل العنا يختال في حضن الاوهام=وليل السعد جفّنه من الظلم شايب
مات الطموح الغض بعيون الأيتام=وملّ الصّبر حبس الصّدور الرحايب
على ضفاف الجرح بصّمات الإبهام=وبين الضّلوع العوج عالم غرايب
وبين الأمل والياس تحّتار الأقدام=وبين الرجا والخوف شفّنا العجايب
شرياني التّاجي طوحات وأحّلام=وخدّي سقيته دمعة عيون تايب
ياكم ينوب الدم عن حبر الاقلام=بانفاس صدق العشق بين الحبايب
حب الشهاده يعشقه شبل ظرغام=بالتضحيه للدين والفال طايب
يرسم لنا البسمه على ثغر الأيام=بالعدل والحكمه يفك النّشايب
تطوي بطولاته مسافة مية عام=بين السّراب وبين صمت السّحايب
حب الشرف ماهو حكايات وافلام=عطْره كسر خاطر رسول الهبايب
القادسيه قادمه حظّنا قام=والنصر عشقي والمحبه وهايب
مسقيك نهر الترك ياوردة الشّام=أمك حجازيه ورمشك كتايب
طعْنات غدر الحقد بالخنجر السّام=في قلبك الطاهر وحنّا السّبايب
لو شوّهو صورتك في وجه الإعلام=يشهد لك التاريخ سلْم وحرايب
لاتحزني لو ينقطع وصل الارحام=ولاتحزني لو صدّ عنك القرايب
نصّرك بصَبّرك ليل الاحزان ما دام=استبشري والله يحلّ الصّعايب
يحميك بامر الله سلاطين حكّام=والنّذْل يرحل طيِيب وإلا غصايب
دستورنا القرآن والوعْد قدّام=والطاغيه يبشر بمرّ الغلايب
لابدّ مانسقيه حسّرات وآلآم=ويهلْ دمعه فوق خده سكايب
مهما تغطرس مابلغ خف صدام=جبان يسبح في بحور المصايب
اسم وجسم لكن ماهي بالاجسام=ماله عقل ملحد نشا فالخرايب
سفّاح ظالم محترفْ فن الاجرام=خبيث واسود قلب والعدل غايب
حقايق أهل الشرك عُبّاد الاصنام=جليدهم من شمس الاسلام ذايب
كلمة جهاد اشدّ من حكم الإعدام=في قلب مستسلم من الذل هايب
والمسأله وقت وحسابات وارقام=من شان تحديد الثمن للجلايب
لادين فالدنيا بعد دين الاسلام=من صد عنه ومات خسران خايب
[/poem]

(كــــشــــــف الـــــــقــنــــــآآآع)

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

سلام ياهل الصدق . واهل الطيب . والذوق الرفيع=تحية الاسلام . للي مايعرفون الخداع
من مهبط الوحي . الملك قال : الأمانه ماتضيع=حنّا لها . حان الوعد . مافيه مُهله واجتماع
تبينوا . وانتبهوا . إن جاءكم فاسق لكيع=ثم اعلموا علم اليقين . إن النصيحه ماتباع
صبراً جميلاً سوريا . لرضك وعرضك مانبيع=طوبى لكم . ياثورةْ الأَحرار . والشّعْب الشُجاع
سحايب الرحمه يصافح غيثها زهر الربيع=وتقضي على جيش العطش . تسقي وتروي كل قاع
ياصاحبي . ماضاقت الدنيا . ترى العالم وسيع=مانلتفت للجاهلين . صدورنا دايم وساع
انقولها . وانطولها . وتقولها . ماتستطيع=تلعب على الحبلين . أبو وجهين . لابس لك قناع
من دق باب النّاس . لو بابه حَسَب رايه منيع=يبشر بدق الباب . وزياده على الدق إقتلاع
عمّك وهمّك ياغراب البين . مالك من شفيع=قبل تفكّر فالهجوم . احذر . وفكّر فالدفاع
بعض الرجال أجسام . لكن يشبه لحال الرضيع=محدود تفكيره بشهواته . وعايش في ضياع
ريشه . ليا هب الهوى من حيث ميّلها تطيع=ماهو من اهل الخير . يَمْ الشّر عَجْل الاندفاع
يامحمد الصّحَّاف . شرّفت الإذاعه والمُذيع=وينك ؟ بعد صدّام ماشفناك !!! واصحابك جياع
لو عِزّةْ الدُوري . تفلسف واعتذر واصبح مُطيع=ما صار بعد العِزْ . عند الناس من سقط المتاع
يبكي على حال الوداعه . بعد ضيّعْها الوديع=والمالكي بسم المصالح فالعراق أمره مُطاع
لكن بشّار ابتدى تطْوير تدْمير الجميع=واحمد نجاد يساعده ويقول : ماحِب النِزاع
والغرب وامريكا ماترضى حلّ للأزمه سريع=أهم حاجه . تخْدِم اسرائيل حسْب المُستطاع
ومن مهبط الوحي . الملك قال : الأمانه ماتضيع=حنّا لها حان الوعد مافيه مهله واجتماع[/poem]

يقول أبو محمد :

[poem=font=",6,,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]
روحوا أصحابنا مع التطوّر=مابقي غيري أنا واقف لحالي
قلت أبركب معهم الموجه وأدور=مركبن ليه ومجداف وحبالي
وادخل تويتر وبالعلم أتنوّر=والشراء والبيع يزود راس مالي
وبعض الأحيان أعتبر هذا تهور=وعيب مثلي يمشي الدرب الهيالي
واسمع إن العلم فتويتر مزور=زندقه والحاد مافيها جدالي
وانت بالإسلام ياقلبي منور=ولابعد نور الهدى غير الظلالي
ياهليل مااكتمل عندي تصور=غارقن في بحر شكي واحتمالي
من نتاج التجربه بالشك ثوّر=علم يرقى بالحقيقه راس عالي[/poem]

رد أبوعناد :

[poem=font=",6,,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]
عالم الإبداع والوقت المطوّر=في بحور العلم للموج اجتوالي
من بناها للعلا والمجد نوّر=ورافق أصحاب السعاده والمعالي
ومن دخل بالجهل للخط المدوّر=ضاع عمره لاجنوب ولاشمالي
اصبح العاقل دمه دايم مفوّر=مامعه فالأمر حيله واحتيالي
انكشف للعالم الكنز المسوّر=واختلط لاهو حرام ولاحلالي
ومن تعثّر في تويتر لو تعوّر=أشهد إنه طاح له في سوق خالي
والفتن تزرع وبتويتر تثوّر=لجل نسف الراسيات من الجبالي
وكل ماحولك وماعندك مصوّر=يعني احذر لاتسوي لي مثالي[/poem]

( كـــسـيـــــر الـخـآآآآطـــــر )

[poem=font=",7,darkblue,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]
ألا يالله سألتك يالعظيم الواحد الخلاق=سألتك باسمك الأعظم من الفردوس عاليها
كسير الخاطر أصعب فالحقيقه من كسير الساق=ومحيطات التجارب تسحر العاقل شواطيها
إذا مافيك دين ولا على صدرك وسام أخلاق=حياتك ضايعه وامرارها تغلب حلاويها
على طاري فراق أحباب عين وفلسفة عشّاق=أسلي خاطري واجرح شراييني واداويها
أحب أمسح من خدود اليتيمه دمعها الحرّاق=واضحّكها وادلّلها وابكّي من يبكّيها
سقاك الوصل ياروض الغلا بامر الله الرّزّاق=ولعيونك بنات أفكارشعري طاب ساقيها
نقشت اسمك بحرف من الذهب في صفحة الخفّاق=وزرعتك في بساتيني ونهرالحب يسقيها
لأنك فارس أحلامي ولك تدفعني الاشواق=بقلبي لك مدينه ماسكن غيرك مبانيها
جمال الورد مايكّمل بدون الغصن والأوراق=دخيلك كيف تقدر تقطف الورده وتهديها
ينابيع الوفا عذر السحايب والجمال أذواق=كفايه خنجر الساعه ماترحمني ثوانيها
طموحات وحكايات وسوالف لحظة الاشراق=على جمر انتظار أفراحها ماتت أمانيها
وعصافيرالغرام وسدرة الأحلام والمشتاق=وهمسات الوداع ودمعته ماني بناسيها
على ثغر الأمل بسمه خجوله بانتظارعناق=تترجمها مشاعر صادقه باسمى معانيها
أسافر مع عناقيد السحاب وساري البرّاق=وحالي مثل من حاول يكحّلّها ويعميّها
حفرنا فالصّدور قبور لجل العهد والميثاق=وقتلنا أسرارنا لايمكن الأيام تحييها
متى نور الفرح يكتب على ليل الهموم فراق=ويمسح ذكريات الحزن حاضرها وماضيها
ألا يالله سألتك يالعظيم الواحد الخلاق=سألتك باسمك الأعظم من الفردوس عاليها[/poem]

أبيات الشاعر الكبير / عبدالله الصالحي(أبو محمد)

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
البرق يبرق من فلاشات ساهر=وغيثه يجي وبله من مزون جيبي
سيلٍ تحدر ماه من مزن طاهر=ياما ذخرته للزمان الصعيبي
روح بجيب اللي بنصبه مجاهر=وعيني تشوف ومنه قلبي عطيبي
وطول السهر أصبح لعيني مصاهر=والهم كنه أصح لقلبي قريبي
يا ابو عناد اخبرك فالعذل ماهر=وياكم جرحٍ بالمعاذل يطيبي
بتأثرك من صعب حالي تظاهر=ان كان مالي من شعورك نصيبي


[/poem]

\7

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]

شعر وشعور وفن نظم الجواهر= من شاعرٍ يعمي عيون الحريبي
ينظم حروف الشعر باسلوب باهر=ويقول من ساهر بقلبي لهيبي
ساهرنظام لحجب بعض الظواهر=حوادثٍ منها رموشك تشيبي
لكن هدّ شوي والعهد زاهر=جرحٍ يطيب وجرح ماله طبيبي
ولاتجعل الأرقام خافي وظاهر=وأعلم بأن الله علينا رقيبي
وانظر حوالينا ترى الوضع قاهر=مظلوم يصرخ مالقي مستجيبي




[/poem]

( يـــــآآآ رآآآآويـــــة )

[poem=font=",7,darkblue,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]


لله درّك رآويهْ من شفشفة غيم وضباب=لوتسمحين أقطف من أنفاسك شذى السحر الحلال
يارآويهْ يارآويهْ لي قلب في مبْسمك ذآب=ولي طرّف يسبح في جمالك قلت له : روووح وتعال
أسير حُبك ياعظيمهْ بينك وبينه عتاب=تواضعي للعاشق المُغْرم لا يطغيك الجمال
يارآويهْ يافاتنهْ حُسّنك فتح للشعر باب=وفجّر ينابيع الغلا حقيقهْ أشبه بالخيال
من يعشقك لو يحْرسك جيش المنايا ما يهاب=ياجنّة الدنيا رفعك الله على كفوف الجبال
بين ابتسامات الورود وبين همسات السحاب=قصة وفا نظرة غلا صحيح لله الكمال
على حدود المستحيل يذلل المال الصّعَاب=والصيف يحلا في وصالك ما حسبنا للريال
وعلى ضفاف الجرح من ألآمنا شاب الغراب=لكن على صدرك نسيت الجرح مع عذب الوصال
وبمصافحك يارآويهْ هزمت جيش الإكتئاب=وحررت قلبي من سجون الحزن وهموم الليال
وبمعانقك سجلت لي ذكرى بصفحات الكتاب=عشق سلمي يارآويهْ لن حَبْ ما يعرف مُحال
يارآويهْ من صدّ عنك أكيد يطرد له سرآب=يارآويهْ عِزْ وفَخَرْ يالابسه تاج الدلال
لو يعشقك شايب رجع كنّه بريعان الشباب=يعني دخل عالم جُنُون الحُب مافيها جدال
الصبر مفتاح الفَرَجْ والبُعد للعاشق عذاب=يحْفظك ربي يالسعوديهْ وتحْرسك الرجال
يارآويهْ بيني وبينك عَهْد لو طال الغياب=اسقيك من نهْر الوفا صدق الغلا صافي زلال
أودْعِك وأشوف بعْيونِك سؤال بلاجواب=وقبل الوداع بخاطري يارآويهْ نفس السؤال
[/poem]

[poem=font=",7,darkblue,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]

الله يصبّرنا لأن الصّبْر مفتاح الفَرَجّْ=وليا انقفل باب الفَرَجْ قلنا على الدنيا السلام
الصّبر بعض أحيان مُرّ أَمَرّ من طعم الحَدجّْ=لاكن تنال أجرك بغير حساب في مسّك الختام
النصّر بالصّبر الجميل أقبل صباحه وانبلجّْ=دستورنا القرآن والقدوه لنا خير الأنام
أحفاد أبو بكر وعُمر نمشي على نفس النهجّْ=والحدّ للمرتدّ فالاسلام ضربه بالحُسام
حُبّ النبي المصطفى بالدّم فالقلب امتزجّْ=أحبّ من كل البشر مَحَبته تاج ووسام
ودنياك بين الحزن والافراح وايامك درجّْ=والموت بالمرصاد لك صايدك مافيها كلام
مفقود للبرزخ رَحَل مولود للدنيا خرجّْ=والمُنتظر لويعتبر فكّر بيوم الاستلام
حتى متى نطرد سراب أيام وشهور وحِججّْ=آسفْ متى نَصْدُق بكلمتنا يا ساده ياكرام
كلمه على مبنى لها معنى وللمعنى وهجّْ=دُره ثمينه ما كسبها إلا رفيعين المقام
ياللعجب !!! كيف العرب ترضى بذلٍ مزْدَوجّْ ؟=والغرب ضد الحرب يشعلها ويدعو للسلام
صرنا نكَذِبْ صادق النيات ونصدْق همجّْ=ما همّنا الجوهر وللمظهر عظيم الاهتمام
كم شخص فلته فيلسوف ويغلب أصحاب الحِجَجّْ=لاكنه أعمى قلب مايعرف صلاه ولاصيام
مال وجمال وجسم واسم وتنبهر به لن هرجّْ=مشرك قليل احسان واسود قلب عايش في ظلام
أعمى الخفوق نقول له ليسى على الأعمى حرجّْ=والعقل دايم صاحبه يفْرض عليك الاحترام
رفيق وقت الضيق يُسْأل عنه لو إنه عوجّْ=ورفيق لازاغ البَصَرْ بالمُخْتَصَرْ مثل النعام
الله يصبّرنا لأن الصّبْر مفتاح الفَرَجّْ=وليا انقفل باب الفَرَجْ قلنا على الدنيا السلام

[/poem]