آخر قتيل معمر القذافي

سعود العاصي



الليل ياخالد هذا ياطوله .. بينـي وبينـك سالفـه سريـه
صدام مات وقصته معروفه.. واخر قتيـل معمـر القذافـي
اللي حصل قصه ماهي معقوله .. ياكم سمعنا فالزمان ضحيه
اكثر ضحايا الشام والا الكوفه .. واخر قتيل معمر القذافـي


خالد




اللي معه علم ٍ جديد يقوله .. مار اطلب الله في صلاح النيه
كل ٍ يشوف الموت وانت تشوفه .. وآخر قتيل معمر القذافي
الوقت يصنع قصة ٍ مجهوله .. اما بحد السيف والشبريـه
يقص راس الطاغيه بكتوفه .. وآخر قتيل معمـر القذافـي


سعود العاصي



النقل عيا لا يشيل حموله ... وازرا يعدي طلعت الجديـه
ماهوب حوف الناس هذا حوفه .. واخر قتيل معمر القذافي
والمصري اقفى مابقى الا فوله .. حتى عياله خلو الطعميه
والخلطه اللي حطها مكشوفه .. واخر قتيل معمر القذافـي


خالد


النقل والسواق واللي حوله .. لو يمسكون الخط ابو حدريـه
ابرك من الدرب الخطر وجروفه .. لا يلحقون معمر القذافـي
لا والله الا انحلت الصاموله .. حط الك وسط القاهره محميه
تسلم من ضروف الزمن وصدوفه .. وآخر قتيل معمر القذافي



سعود العاصي



مالك ومال العالم المهبوله .. خلك مابين المزح والجديـه
لا تلحق اللي راح ماله شوفه .. اخر قتيل معمر القذافي
سرعتك هاذيه ماهي معقوله .. مار انتبه لا هنت للدوريه
وساهر ترى مافيه شي يطوفه .. اخر قتيل معمر القذافي



خالد



ماهمنا جور الزمان وهوله .. ناطا على راس الحنش والحيه
مانلتفت للعالم الملقوفـه .. واخـر قتيـل معمـر القذافـي
ساهر يبا ياخذ علاك اعموله .. سيارتك لوحاتهـا مخفيـه
سعود بيًن لي خفاه وخوفه .. واخر قتيـل معمـر القذافـي









منقول


وسلامتكم

الاخ \ السيف البتار



يعطيك العافيه على هذا النقل الرائع

رديه جزله ورائعه صحت السن الشعراء

وبيض الله وجهك على النقل

موضوع حلو يعطيك
العافيه على النقل

أشكر لكم حضوركم

رووووووووووووووووعه

صحت السنتهم وتسلم يمين من نقله

تحيااااااااااااااااااااتي

أشكر الجميع على التكرم بالمرور هنا



ســـــــــــــــــــــــــــلمتم ولا هنتم

ذوق اكثر من رائع اخي السيف البتار

تسلم على هذا التألق

دمت بحفظ الباري

تسلم أخوي / أحمـــــــــــــــــــــــــــــــــــد


على تفضلك بالمرور هنا سلمت ولا هنت