بعض جيل اليوم

اخواني أسمحولي بهذه الأبيات أن أضعها بين أيديكم لو إن فيها قسوه على البعض من جيل
اليوم وهم قله جداً والحمد لله الله يصلحهم ويهديهم


الجيل الاول راح ماعاد من جيل
ماغير جيلٍ مثل فلم الأشاعه

ياليت يرجع وقت هاك الرجاجيل
ويشوف جيل اليوم ماله مناعه

اللي ورا التقليع دل المهابيل
ماذاقوا الفاقه وطعم المجاعه

من يوم واحدهم يفتح فتدليل
بارع وفالتقليد عنده براعه

ما يألفون طيور شلوى المصاقيل
يبي يجالس من يوافق طباعه

وإن صِب له دله مع البن والهيل
قال أبي كافي وأستمع للأذاعه

وإينام طول اليوم ويساري الليل
وإن نام طول في فراشه كراعه

الراس حاشه مايعود كما الذيل
كود السباع تدل طبع الظباعه

لاوالله ألا إنكان ماريع الجيل
ماعاد للتاجر طمع فالبضاعة

وماعِم جيل اليوم لو ملت بلحيل
فيهم من اللي يحفظون الوداعه

لكن ماودي يجي فالحمل ميل
وترا يد الله مع لزوم الجماعه

وأبي السموحه لو زودت فالكيل
ومالي على العربان سمعٍ وطاعه

نفاع الربيقي

الاخ المشرف والشاعر\ نفاع الربيقي


صح لسانك على هذه القصيده

التي تلامس شي من الواقع

والشباب فيهم الخير الكثير

وهم انشاء الله رجال المستقبل

وعليهم تعلق الامال

سلم منطوقك

الشاعر الكبير

نفاع الربيقي


صح لسانك وسلم بنانك

قصيدة تحاكي الواقع

نعم جيل اليوم فيه اختلاف عن. الجيل الذي قبله

وقد بينت بعض من العادات الدخيلة على المجتمع

نسأل الله ان يغير الحال الى الافضل. وجزاك الله خيرا

وتقبل مروري وتقديري

صح لسانك أبا ثامر فعلاً قصيدة تحاكي واقع بعض جيل الأمة الأسلامية والعربية الذين إنجرفوا خلف بعض العادات والتقاليد الدخيلة على تلك المجتمعات .

الاخ نفاع الربيقي
صح لسانك مدد بلا عدد
قصيده جزله من راس جزل
دمت مبدعاً ولاعدمناك

الشاعر الكبير والقدير/ حمدان بن مقحص
صح بدنك وبارك الله فيك وشبابنا مانضن فيهم إلا خير ونأمل أن يكونوا عند حسن الظن بهم ووجهة نظرك محل تقديري لاعدمتك يالغالي

المدير العام والشاعر الكبير / عبد الله العطافي صح بدنك وبارك الله فيك يالغالي وأشكرك على مرورك ورحابت صدرك الله لابهينك تحيه

المشرف القدير سليم الربيقي
صح بدنك وأشكرك على مرورك العطر تقديري لك

المشرف والشاعر القدير/ مصعب الدميحي
صح بدنك ملايين وللإبداع أنت من أهله مانعدمك يالغالي

\7