يا صاحبي

[frame="2 50"]

أنته على درب المصاعب وش حداك
مادام ما تقوى علي جمـح الجنون

طلـبتـهـا خـيـره ووامـيـت بيـداك
جات الحسايف والتولول والظنون

دام احتما غليون هـمـك ثـم كـواك
اصمل وذر الكحل في وسط العيون

مانع اخو دواس ما يخفا علاك
قطع رجاء دواس والسبه فتون

حدد هدفك ولا تعود في سراك
ترى العرب للي تسوي ينظرون

تفكيرك الجيد يطور مستواك
أتقن وخطط صح حتى تاصلون

اليا نويت بحال لا تنظر وراك
واصل على دربك يكون اللي يكون

بعض البشر دايم تتبع في خطاك
وأن عثرة اقدامك تراهم يفرحون

وليا تسلط فوقك الدهـر وولاك
أصبر ولد العين للرب المنون

ربك كفيل برزق خلقه يا هذاك
والرزق ما يضوي لكم كما تبون

وأنكان ربك من عطاء الدنيا عطاك
أحفظ عطاء ربك وهونها تهون

البارودي

[/frame]