من ديوان ابن نمير ( سؤال وجواب )

بسم الله الرحمن الرحيم

من ديوان ابن نمير
بعد الغياب الطويل اقدم لكم قصيده من ديواني ( ابن نمير )

[poem=font="arial,6,black,normal,italic" bkcolor="transparent" bkimage="" border="none,6," type=1 line=0 align=center use=ex num="0,black""]
قالو يابو جابر تمشيت وتروح = نبغى خبر كل العرب يسمعونه
قلت أبشروا لكن للسر مابوح = السر عندي وسط ستر ومصونه
قالو تغزل قلت في باب مفتوح = باب لمجلس شيخ ثبت ركونه
فيه الوجار ودله هيلها يفوح = كيف على مطاب للي يجونه
في وسط ربعه دايم الصدر مشروح = إذا دعاهم كلهم يفرحونه
هذا يجي بالطيب والثاني يروح = الرأس هو؟وخيار ربعه متونه
شيخ حكيم وعدل بالصدق ممدوح = من حل ذكره عندهم يمدحونه
مايستبد برأي وحده. ومفضوح = من يستبد برأي وحده يخونه
يسمو عن الجاهل وبه عزة الروح = في السلم سلم وحرب للي يبونه
سوات فارس بارق للحيا يلوح = كل البشر برق الحيا يمتنونه
وحسين هندي رجل عرف وشحشوح = كل الرجال الطيبه يعرفونه
وسوات ابن فايد مثل ضلع طحطوح = ضلع مريف ويحتجي في حصونه
وعايض وهادي وابن مسفر وابو نوح = دخيلهم بأغلى الثمن يحتمونه
وسوات ابن صبحي حكيم ولحلوح = بالمعرفة وربعه يطاوعونه
وعبدالحميد وسالم وإحزام وشبوح = وعامر حكيم الرأي يفتل متونه
وسوات ابن بادي رجل عرف وطموح = وابن حصن بالمعرفه يذكرونه
وابن معيوض زند بالنار قادوح = عيد الضيوف وربعه يشجعونه
والمرشدي وابن الحسيني هل اللوح = قلب الدير منزالهم في رزونه
والعامري كيف به أبهار يفوح = والسالمي وراه ماهو بدونه
وربعي سليم تقدم المال والروح = دون الدخيل وضيفهم يكرمونه
واختم كلامي باسم من ينبت الدوح = اللي عباده كلهم يعبدونه[/poem]

دمتم سالمين