زومالة السلمان ذوي عضيب للشيخ /ضيف الله بن صقر الهباني المعبدي

زومالة ذوي عضيب الوركان من قبيلة بني سليم في زواج ابن الشيخ / ضيف الله بن صقر ابن وارد المعبدي شيخ قبائل هبانه بطن من قبيلة معبد من حرب في يوم الخميس الموافق 19/5/1430 هجري بمحافظة الجموم بالقصر الذهبي .


الاوله سلام من قاضي سليم لحرب وتخص الهباني
الشيـــخ ضيف الله جويـد الســـــــاس مايشناه شاني
هــــــــــذاك ابن وارد ورد لطيب من قاصي وداني
تعارفوا جـــــدي وجـــــــدك يوم كــــلاً وله صنيعه

والثانيه جيتك وانا ابن عضيب للواجب ولاشي حداني
بيت القضـــــاء المبني وجــــــوه قضاه زادوا بالمباني
عراف نفسر فــــالوجيه وفالسلــــــــوم وفالمعـــــــاني
ورثة جــــــــــــدود وكسب يمنى حطها المولى طبيعه

والثالثه وش شي مــــــــــاهو شي لكنه يشاهد للعياني
موجـــــــــود في ارض الله وما تقــــدر تحددله مكاني
يظهر ولكــــــن مــــــاتشوفه فـــــــــــالظلام ولايباني
اول سعى ثاني جــــــــرى ثالث قــــــــرأ ثاني ربيعه

الرد

يامــــــرحبا ترحيب وافي مــــــــن عزيزين المباني
باسمــــــــاء معبد كلهم عداد من صــــــــام رمضاني
النـــــــاس مــــايغوى عليها الجـــدي وسهيل اليماني
الله ليهدينـــــا ويهديكــــــــــم على نهـــــج الشــريعه

جيتوا على سبل الوفا ياصحابنا مــــــــن غير شاني
القصر مبني فوق ساسه مــــــــن على هاك الزماني
عرفت جدك وانت علمي مايغرك مــــــــــــن لساني
الله يعز الدين ويعز الرجال اهــــل المقامات الرفيعه

والثالثــــــــــــــــه ياللي بنيت اللغز حله ماعظـــاني
هذا الســـــــــراب ولاغويته يالرياجيل الذهـــــــاني
يرهيبه الضميـــــــــــــان لكنه يغــــره في ثــــواني
قد غر هاجر مير ربك عاضهـــــــــــا شربه نضيفه




وسلامتكم

ونعم فيهم جميعاا ماقصرو بدع ورد وافي

كل الشكر لك اخوي على النقل الجميل لها

ننتظرجديدك