خلوني ابكي ونتدب ياعذالي

بسم الله الرحمن الرحيم
السلام عليكم ورحمة الله وبركاته
نقدم قصيدة مرثية في الشيخ/حميدان ثويبت الترجمي السلمي
رحمة الله رحمة واسعة

[poem=font=",6,chocolate,bold,italic" bkcolor="transparent" bkimage="" border="ridge,4," type=1 line=0 align=center use=ex num="0,black""]
خلوني ابكي ونتدب يا عذالي=على عديمن شاله الموت وقفى
ترى دموع العين ماهن غوالي=من حق أبو عياد بالدمع يوفى
شهمن كريم الوجه زين الرجالي=لاو خسارتنا عقب ماتوفى
عمودنا وسنودنا والظلالي=وبلاه بيت آل الشبيري تهفى
امقفل أبوابن بحكم القفالي=له هيبةن عند العرب ماتخفى
في موقفه راسي كمرسى الجبالي=مازعزعه فالحق قول المطفى
اليا ارتك للحمل شال الثقالي=ماقال أنا مقدر ولاقال تكفى
يفزع ويجزع فالرفيق الموالي=عوايده لاشاف فالدرب لفى
من عقبه الدنيا ماتسوى ريالي=ولاعاد فيها طعم حلون مصفى
مرحوم أبو عياد حام التوالي=عساه للجنة وفيها يزفى
والله يعوض ربعنا والعيالي=في شمس ولت غرب والنور طفى
[/poem]