مرثيه في الامير سلطان بن عبدالعزيز رحمه الله

بسم الله الرحمن الرحيم




السلام عليكم ورحمة الله وبركاته




هذه قصيده متواضعه في صاحب السمو الملكي الامير سلطان بن عبدالعزيز رحمه الله




الله مـن حـزن(ن) لفى تـالـي الـليـــل ---------- حـزن(ن) مـاهـو بيات قلب(ن) يشيله

حزن(ن) لفانا عقب جات المراسيــل ---------- نـص الـخـبر سـلـطان يُعـلـن رحــيـلـه

من بعدها فاضت دموعي كما السيـل ---------- وروحـي بـعـد فـرقـاه صـارت عـلـيلـه

والـحـزن خيـم فـوق مثـل الـمخايـيـل ---------- والـدار صـبحـه صـايـر(ن) مثـل ليـله

فـقـدان ابو خالـد ترى صعب بالحيـل ---------- راع الـوفـاء سـلـطـان راع الـفـضيلــه

سلطـان سلطـان الـكـرم وافـي الكيـل ---------- تـعـد وقــفـاتــه مــزون(ن) مـخـيـلـــه

وابـرز مواقـيـفه تـراهـا الـمواصـيـل ---------- يـصـل الـفـقـارى كــل هـم(ن) يـزيـلـه

ابـو الـيـتـامـى كـلـهـم دون تـفـضيـل ---------- يــاجــعـل تــفــداه الـيـديـن الـبـخـيـلــه

يـالله يامـنـزل عـلى عيـسـى الانجيـل ---------- يـالـلـي مـن الـنـيـران نـجـى خـلـيـلــه

تـرسـل على قـبـره صدوق الهماليـل ---------- وتـعـظـم اجـر الـمـملـكـة فـي رحـيـلـه




وسلامتكم



اخوكم



عبدالرحمن النقريني