يا قلب لاتحزن ولا تكثر اللوم

ياقلب لاتحزن ولا تكثر اللوم
أيامنا اللي ماضيه ماتعودي
والله لو تعود لاأغليلها السوم
وأدفع لها مال الولد والجدودي
أيام عشناها على حبه خشوم
ماحافنا فيها الردي والحسودي
وأيام نتقاسم بها كل مقسوم
ونرقى بها في عاليات السنودي
وأيام فيها بيننا الطيب ملزوم
ما فكته يمنى كريم تجودي
وأيام فيها نزرع الطيب بالكوم
ناخذ ونعطي والمحبه تزودي
نلقى بها طيب البخت دايم الدوم
فيها القلوب اخوان صدق الوعودي
وفيها الفرح نلبس به ثياب ورسوم
ولاعكرت صفوه كثير النقودي
واليوم جانا وقت طيب ومحشوم
وقتا عليه من الاوادم شهودي
وقتا تعالت فيه خبلان ورخوم
اللي من اول ماتنوش الزنودي
واللى منول عاش سيد ومخدوم
مايشرب الا من غزير العدودي
قالو زمن ولى وحنا من اليوم
نتبع هل الموضه بليا قيودي
وقت المواصل بين الارحام معدوم
شي تفطر منه حمر الكبودي

[center]مع تحيات اخووووووووووووو ك ابو[ فا ر س/center]