موسوعة حدايا الشاعر المرحوم [ رويشد البنوي ] ..

السلام عليكم ورحمة الله وبركاته

رفع الله قدرك على هذا الموضوع الرائع .... في حق شاعر اعتبره من الكثر المظلومين اعلاميا هو واخيه راشد .... ولي هذه الملاحظات البسيطه التي لا تنقص من روعة هذا الموضوع ولعلها اخطاء املائيه وهي :ـ
1ـ ميقاف الزوماله رقم (3) الاول...يشهد له التاريخ يوم تحوز خندف عن شبابه..وردت يوم يحوز
2ـ ميقاف الزوماله رقم (7)الثاني.... مايصلح الطيب الاجرب فالقدح ياكل ويشرب.. وردت تاكل ويشرب

المشاركة الأصلية كتبت بواسطة ابو نواف البنوي

السلام عليكم ورحمة الله وبركاته

رفع الله قدرك على هذا الموضوع الرائع .... في حق شاعر اعتبره من الكثر المظلومين اعلاميا هو واخيه راشد .... ولي هذه الملاحظات البسيطه التي لا تنقص من روعة هذا الموضوع ولعلها اخطاء املائيه وهي :ـ
1ـ ميقاف الزوماله رقم (3) الاول...يشهد له التاريخ يوم تحوز خندف عن شبابه..وردت يوم يحوز
2ـ ميقاف الزوماله رقم (7)الثاني.... مايصلح الطيب الاجرب فالقدح ياكل ويشرب.. وردت تاكل ويشرب

وعليكم السلام ورحمة الله وبركاته

حياك الله اخي الكريم , وهذا اقل مانقدمه لشعرائنا ورموزنا رحمهم الله رحمة واسعه , شكراً لك على الملاحظات ..

جاري التعديل , لاعدمنـاكـ ..

تحيتيـ ..

[1]

سلام يا قصرين مبنية حجر صافي وصبه
ربي عمرها ساسها مبني على جسر المحبه
حكامها كلن مولم قوته لن جات نبه
واللي يطبح فالغلط خنقت شريف وعند جاحد

والثانية وش فكركم في واحدن ملزوم قبه
وليا نصحته قال اقوس اللي معه فالراس ذبه
ضلى يبيع ويشتري يوم للافراح شبه
واليوم راس المال والمكسب غدت في يوم واحد

للعضو المبدع ابو ليان السلمي على هذا الرابط :
http://www.solaim.com/vb/showthread.php?t=43275



[2]

سلام يابدن قديم الوقت يشري ويتخيّر

واليوم سيّر له سواير فالقدايم ما تسيّر

واليا نشدنا الناس قالو وقتنا بدّل وغيّر

والحق والباطل تبارى مار ما ادري من يفوز


والثانية من ينصح اللي شايل الشيك المجيّر

امجيّره مجهول ما هو كاتب اسمه ما ينيّر

والبنك ماصادق عليه وصاحبه فامره تحيّر

هذي نهاية فاعلين الخير والشيك امحجوز

للعضو المبدع الهدابي على هذا الرابط :
http://www.solaim.com/vb/showthread.php?t=43274



[3]

"]الاولة
سلام ياللي واجبه غالي على اسم بقيل كله
وليا نصاه الواجب الغصاب دايم ما يزله
وليا اشعلت روس الفتائل يحتمي صيره وحله
يشهد له التاريخ يوم تحوز خندف عن شبابه

الثانية ( لغز )
والثانية وشو ولد غالي ثمن عالي محله
يرمي سهوم الموت واللي ياصل الحروة يتله
قضوه من روس العلالي ما رضي باللي حصله
ياسرع دورات الفلك ياسرع لفه وانقلابه[]

للعضو المبدع ابو ليان السلمي على هذا الرابط :
http://www.solaim.com/vb/showthread....626#post351626



[4]

سلام ياقصرين مبنية على رسم الكروكي
في روس مال أصحابها ماهي بتقصيد البنوكي
مشرف على تصميمها لجنة ولا فيها شكوكي
على ضمان مراقب المشروع قدام الخطر
الثانية
العام يوم ان المعلم للبنى مد السلوكي
حجزت معدات المباني وأصبحت بين الشبوكي
قالو لزوم تحضر الكوشان وتجيب الصكوكي
والا تراجع مكتب التخطيط في صرف النظر

للعضو المبدع ابو ليان السلمي على هذا الرابط :
http://www.solaim.com/vb/showthread.php?t=43076



[5]

الاولة
سلام يا قصر على دفة جبل ملموم حاجي
بين الجبال النائفة دايم عليه الظل داجي
فيه الامام المعتكف عن لجة العربان لاجي
قالوا تدرج للمسيد وقال أصلي في محلي

الثانية
العام جت سيرة خطيرة من خطرها يا مناجي
وانتم عوارف والظما ما يقطعه شرب الهماجي
ضلع الهيل قضوه في سوق الحضارم للحراجي
هذا يشيل وذا يخلي با حكيم وبا مجلي

للعضو المبدع ابو ليان السلمي على هذا الرابط :
http://www.solaim.com/vb/showthread.php?t=43041


[6]

سلام ردة والدهر ميال ياصائم مصلي
وأنته تفكر فالليالي كم تشيل وكم تخلي
واللي يعرف الرشد لا يتعب وراء المال المولي
لاكنً لايسمع ولاياحي معاصي والديه

والثانيه ياريس البحرين سافر وأستقلي
عون الشريف يقول شد اليوم وأبعد عن محلي
قدام أتل القفل والمفتاح من يمناك تلي
واللي يبي يطمع حقوق الناس تؤخذ من يديه

للعضو المبدع عوض البنوي على هذا الرابط :
http://www.solaim.com/vb/showthread....D1%E6%ED%D4%CF


[7]

الاوله

ســـــــــــلام والمكيال لو يزيد عن مليه تكفى
والنـــــــور والع في بيوت العز دائم ما يطفى
والهرج شوك كبود واللي راح راح ولا يوفى
بعـد قربتك والله اقرب لو معك فالجيب عقرب


والثانيه

والثانيــــــــه ما بيح الاسرار ستر الله مضفى
لاكن ابنشدكم عن اللي ضاق في صدره وقفى
وانتـم رجال العرف والمغشوش لا بده يصفى
ما يصلح الطيب والاجرب فالقدح يأكل وتشرب

للعضو المبدع محمد زويد البقيلي على هذا الرابط :
http://www.solaim.com/vb/showthread....D1%E6%ED%D4%CF


[8]

يوم العلوم مصلبه تصليب ماهي شد قووش
اللي ينوش الناس اشوفه مايبي للناس نوش
واليا مزح جاره معه عصب ورد المزح هوش
سلام لو جار الوفاء ماينعرف مزحه وهوشه

الثانية:
ليه عميل حال دونه باب قصر وباب حوش
قدمت له فنجال صيني قال ابي فنجال بوش
له قدر فوق النار يوم تزيد ناره زاد غوش
ومعاونينه يمحشون النار لين يزيد غوشه

هذه الحدايه من حفظي ولاادري عن مناسبتها ..


[9]

سلام والأيام هذي مشيها ماينعرف له
تأخذ بصاحبها ليا نص الطريق وتنحرف له
اوما توديه المقامات العلا والا تقف له
والمسعد الي ماتقف له عند بيبان الرجا

الثانية:
وش تاجر يشكي وحاله ينوسف له
محجوز ماله في بنوك سويسرا من ينتصف له
محجوز عن الدوله العظماء وشيكه ماصرف له
وان كان راح مصادره مأجور لو سافر وجاء

هذه ايضاً من حفظي ولاادري عن مناسبتها ..

[10]

الزومالة هذه للشاعر رويشد البنوي رحمة الله عليه والخصم للشاعر المرحوم بأذن الله مخضور بن صاحي الراشدي البقيلي ..

الزومالة:

سلام باسم الله عظيم الشان علام الغيوب
ردة وفاء تنصى هل الماجوب والوقت محسوب
لو فيه حادي ما حادني يوم تنصاني الوجوب
مشي على القانون لو بعض العرب وده يحرفه


ليتك تفكر في نهار العرض يا راع الذنوب
اتخذ سبول الحق يوم الحق صابون القلوب
قدام تصدفلك نهار ٍ فيه غالب ومغلوب
والحق واضح للعوارف مير ما كلا ً يعرفه


الخصم


يا مرحبا عدّة خيال الصيف وتهب الهبوب
بالي ليا جت فاقته وانه ورا وقمه ينوب
ابشر بتكميل الوفاء انكان شاكيلك عزوب
والحق يرضي طالبه للي بمغرافه يغرفه


ان جيت افكر فالمعاني وافرة كل الجنوب
لكن لا تشره عليه يوم ادور لي ذهوب
امشي معك من حيث تمشي في سهل وألا نقوب
والحق في بيت الامانه ما يعاوز من يخرفه

[11]

جينا على ساير سليم اللي على الوجه النقي
مـانــي مــدّور غيــر سـايـرهـم ومن دوّر لقــي
عــداد نــوٍّ مــن خيــالــه كــل ظــامي يستقـي
ســلام ياقــصريــن كانفها حـرس لابــس مناظر

----------------------------------------------

والثـانيــه لــولا وجــوب الله وقلبـــي مشتقـي
لاقــول يانيــران شبّــي فالفتــايــل واحــرقــي
بعــديجــازى راعــي الحسنـه بسيّـه وش بقي
مـعــاد فيـه الا نبيــع ونشتـري حاظــر بحاظـــر

[12]

للعضو المبدع ابو ليان السلمي ..


زومالة رويشد وراشد رحمهم الله تقريبا عام 1380ومناسبة الزومالة تقابلا مع الشاعر سعيد العلياني رحمه الله في محاورة وهما شباب حتى زعل الشاعر سعيد وترك المحاورة وذهب للامير يشتكي منهما قال الامير الشعر مباح رد على الشاعر والا اجلس وفي الصباح اتو بهذه الزومالة المبنية على ثلاثة احرف في كل بيت

الاولة
سلام والبابور فالبحر الغزير ازرى يدرج
واليوم ابن منصور ماله لا شوير ولا مهرج
مال البحور بلا سفير بتجرته وازرى يخرج
حالق عليه البحر دونه باب ما ينفك قفله

والثانية نجمه يدور ويستخير ان كان ما جاله مفرج
مرضى بزايدة الحكور تسير والتاجر يحرج
واهل البرور امضوا الامير ونور اماقتهم يسرج
والمزن صدق فالسحاب نعلم الغافل بغفله

للعضو المبدع دائماً ابو ليان السلمي , وله كل الشكر والتقدير لتعاونه معنا في جمع موروث شاعرنا الراحل عليه رحمة الله ..

[13]


سلام يا قوم الفرح والحاضرين من البلد
رديتن تضفي عليكم كل ابوكم بالعدد
واللي ينادينا نجاوب له ويبشر بالسعد
واللي يفكر في غروب الشمس لا ينسى الطلوع


والثانية جينا كما نو يزلزل بالرعد
خيل خياله بين رابغ والمدينة واستند
شبت بروقه في رقاب المزن وانهل البرد
نهار ست من الشهر ومصادفه يوم الربوع

عند قبيلة ذوي علي , المصدر أرشيف منتديات بني سليم
http://www.solaim.com/vb/archive/ind...**************

[14]

سلام ردية وفاء لاهل الوفاء ما هي ريازه
والدرب فيه علوم مشتبكه على خط المحازه
والناس تمشي بالصحيح وذمة المسلم قزازه
واللي يبي دربه سليم يقص دربه ويتوطى


والثانية ياهل الفرح من دون عازه جات عازه
والارض جاء فيها اهتزاز وفالبحر جات اهتزازه
والقبر سواه القبوري مير ما غطا الجنازه
دوبه يغطي راسها والجسم برا ما تغطى

رحمة الله عليهم كانو الرواشده ثنائي بحر من بحور الشعر سوا كان حدايا او شعر قلطه ويستاهلون ان يكرموا لو بذكرهم بما اثرو به ساحة الشعروتاريخهم الحافل اشكرك اخي عوض على هذه الخطوه المعبره عن الوفاء والتقدير سلمت******

^

فعلاً شعراء كبار وقد ظلمو اعلاميين , وهذا اقل مانقدمه لهم وهو حفظ ونشر نتاجهم الشعري الجميل ..

شكراً لك استاذي القدير ..

دمت بخير ..

السلام عليكم ورحمة الله وبركاته

تقرير عن شاعرنا الكبير رحمه الله رويشد البنوي السٌلمي في صحيفة المدينة , ونشكر الأستاذ الأعلامي القدير عبدالله السٌلمي على هذا العمل الرائد وبارك الله فيه وفي عمله ..

http://www.al-madina.com/node/444520

[15]

سلام من قلب ٍ يفكر ويتخير فالمعاني
يبني على المعنى وما في القلب يبديه اللساني
ورد الجزاء ماهو عضا واليا نويته ما عصاني
والحر تكفيه الإشارة والوفاء مده نزيده


والثانيه يا قصر مبني منه خوف وفيه أماني
ومعلّمه في كل دوله له رصيد وله ضماني
حاجز رصيده في البنوك يخاف من دور الزماني
ومداولات الين والدولار ما تخلف رصيده