الحب في الله

ابيات تشرفت بألقائها في حفل تكريم

الاستاذ / مصلح بن حبيب الله النقريني السلمي

وذلك قبل اسبوع في في فندك رمادا

آمل ان تنال استحسانكم

هذا المساء ماله شبيه وبالوفاء ماله مثيل

انا سعيد وكل من جاء للوفاء مثلي سعيد



يالله عسى أيام المحبة فيك وأيام الجميل
بين الاحبة كل ما امسينا وجاء فجرٍ جديد


تبقى ونحفظها وهذ شئ ماهو مستحيل
وعسى المحبةِ بيننا فالله ماتنقص تزيد


واللي محبتهم من أجل الله في ظلٍ ظليل
يوم التغابن وأقتراب الشمس من روس العبيد


يا ابو سعد يا ابو سعد شكرا عسى عمرك طويل
انا اشهد انك من هل الطالات والرائ السديد


يا ابو سعد سيرتك بين الناس هيل وزنجبيل
لو الزمن يكفي وقفت الى الصباح امدح واشيد


أديت دورك في الحياة وقمت بالحمل الثقيل
كم جيل علمته من الاجيال ( للأمة رصيد)


كم واحدٍ علمّت قبل سنين واصبح لك زميل
حبك بقلبه صار مثل الدم يسري فالوريد

انتِ وريث الرسل صاحب علم لم تأرث قليل
عنهم ورثت الدين والأخلاق والعلم الرشيد


تستاهل التقدير والتكريم والشكر الجزيل
مني ومن غيري من الأقراب والناس البعيد


ولله در العلم وأهل العلم جيلٍ بعد جيل
ولله در اللي يجالسهم ومنهم يستفيد