على غير ميعاد

كثيرة هى المواقف التي تحرك هجوس الشعراء

وما اجمل القصيدة اذا اتت عن موقف

هذه المقدمة ليس مدحاً لقصيدتي

فقصيدتي انتم من يحكم عليها

وهذه هي امامكم بأنتظار احكامكم فرفقًا بها

دقيت باب البيت ياساكن البيت

لا يبطي السامر على باب الأجواد


دقـيـت حـتى كـل متــني وملـيـت

وانا ابدوي ماني على الصد معتاد


كنه جزاء وانا على طول حسيت

انه لمن يأتي على غير ميعاد


في قلوبنا تعرف غلاك وتغليت

والا بداية سالفة صد وعناد


ياليتني ماجيت والا تعديت

لكن عيا > بعدك الدرب ينقاد

ليتك فتحت الباب ياليت ياليت

وأطفيت نارٍ تحتها الجمر وقاد


والا بديت وفي ثواني تواريت

والا سمحت لذيك الايام تنعاد



في داركم ياما جلست وتقهويت

مهيـلــة بــن وســوالــف وبــراد


العام يوم اني وراء الباب ناديت

جاوبتني واغضبت حاسد ونقاد


واليوم اشوفك في عنادك تماديت

مثل تمادي بوش في حرب بغداد

اخوكم/ عبد الله العطافي السلمي


الاخ الشاعر \ عبدالله العطافي


نص يتميز بألتقاط المفردات

والالفاظ الجميله الراقيه

صورشعريه جماليه

للموضوع سلمت

وسلم منطوقك