مـحـــاورة بـيــن ســـويــــعــــــد الــرزمـــي وصـقــر ســلــيـــــم

سويعد
مـرحـبــــا وزهـمــو لــي صقر والنار حيه
عــد ماقال لي شاعر سليم ابشر ابشـر
الـبـقـيــلــي نـخـيـتــه يوم ذيك القضية
قـال لي لو تبي روضة خريم ابشر ابشر

صـقــر
الــبـقــاء يـاسـويـعــد جـعـل مالك منية
دامــت انـك بدرب مستقيم ابشر ابشر
أنت كــنـــك بـعــدهـــا فـاقــد المعنويه
كان ونك تبا الحق المقيم ابشر ابـشـر

سويعد
لـــي حـقــوق عــلاك ولك وجوب عليــه
شوفني جبت لك عبدالكريم ابشر ابشر
ابشر ابشر بـــدون افعــول هــذي قويه
يـاصـقـــر قول والله العظيم ابشر ابشر

صـقــر
أنت قـدمــــك ســعــود أول نطلعك زيه
ثــم بـعـديـن يالقلب الفهيم ابشر ابشر
الــفـتـــاوي كـثـيـــرة والأمــــور محميه
كــان بـكـرة يسوقن الحريم ابشر ابشر

سويعد
كــلــنـــا يـالـبـنــاتـــي من رجال الحميـه
مالنا شف في حقوق اليتيم ابشر ابشـر
صــاحــبـــك عسكري مايجهل العسكريه
امس ساقن مع الخط القديم ابشر ابشر

صـقــر
وين راع الشداد اللي في ظهـر الـمـطيه
كان وانك تبا النـار الجحيم ابـشـر ابـشــر
ذيــك فيها سـعود صميل وانتـه في ذيـه
كلها ياسـويـعــد سيم سيم ابشر ابشـر

سويعد
اذكــروه الـعصــر مع صـقــر دون الظبيه
ودك الرد ياقع فى الصميم ابشر ابشـر
انـتــه اتـحدنـي ودك نجيب الـخـطــيـــه
مير ابشرك أنا ماني غشيم ابشر ابشر

صـقــر
آه يــالــراعــي اللي ماتحفظ الرعــيـــه
كان ودك نـوديــك الـقـصـيـم ابشر ابشر

هههههههههههه

جميله جداً .. من شاعرين مميزين..

يعطيك الف عافيه ولاتحرمنا جديدك ..

تحيتيـ ..

محاورة رائعة جداً بين شاعرين كبيرين استطاع كلاً منهما مجاراة الآخر .
لك من الشكر اجزله
اخي عايش الخضيري على النقل المميز لمثل هذه المحاورات الشيقة والتي ذات معنى سامي وهادف يستمتع بها القاريء

http://www.youtube.com/watch?v=uA_SmWgfyK8


مقطع المحاورة ..

بيض الله

وحهك شاعرين اكفاء