محاورة بين الشاعر عبدالله بن عتقان والشاعر صياف الحربي

#1 07-25-2007, 10:11 PM

عـبــدالله بـــن عـتـقــان
سلامي على اللي شرفوا حفلة الاستاد ***** فهد راعي الوقفات والمذهب الوافـي
تقابلت مع صياف صدفه بـلا ميعـاد ***** وأنا بنتهزها وأخـذ أخبـار صيافـي

صــيـــاف الـسـحـيـمــي
هلا مرحبا مليون يالطرقـي النشـاد ***** ياراع العلوم البيض والمنهج الصافي
تقابلت مع صياف كنـك ولـد عـواد ***** تبا تقضي المشوار وتـروح متعافـي

عـبــدالله بـــن عـتـقــان
بعد قاعدوك الربع ياريـس الأفـراد ***** أخير إلك تال الوقت تسعى وتطافـي
ولو مت في شعبان وألا بشهر جمـاد ***** ترى يفرح العتبان موتك والأشرافـي

صــيـــاف الـسـحـيـمــي
الا واخسارة من ركبها بغيـر إشـداد **** تحول به الغبـه ولا عـاد ينشافـي
أنا معتبرهـا هرجـه ودلـه وبـراد ***** ولا اسري ظلام الليل بالمشعل الطافي

عـبــدالله بـــن عـتـقــان
ألا واخسارة قـل صيـاف مايـزداد ***** أشوفه يقدمها على أرباع وأنصافـي
إذا ثوب اللي لابسه يالسحيمـي بـاد ***** على البنك ماتصلح ياصياف صرافـي

صــيـــاف الـسـحـيـمــي
بلش في قرون الثور عنتر ولد شـداد ***** يواذيـه قعـادي ويوذيـه وقـافـي
بدف العرب من قدم وأدفهم من غـاد ***** وكـلٍ يـدور قبـره البـارد الدافـي

عـبــدالله بـــن عـتـقــان
أشوفك نويت الشر ياطاغيـة بغـداد ***** ياكافي من اللي يبعث الشر ياكافـي
تهرج وسولف ياجوديٍ من الأجـواد ***** وانا يالسحيمي منك ماضاق محرافي

صــيـــاف الـسـحـيـمــي
ثلاثين بندق ثوروهـا بـدون أزنـاد ***** وأنا جيتهم دكتور مير المرض خافي
تراني بسولف معك لجل الملح والزاد ***** لعلك يأبن عتقـان رجـال وسنافـي
منقوووووووووول

#2 07-25-2007, 10:23 PM

بيض الله وجهك يالسراب على نقلك للمحاورة الرائعة بين اكبر الشعراء على مستوى الخليج .......

والله يوفق أبو هذال دوووووم ....

ورحم الله الشاعر الكبير / صياف الحربي . واسكنه فسيح جنانه ...

ننتظر جديدك الرائع ..... وتقبل مروري ....