رديت عز العرب

#1 04-12-2015, 05:45 PM

رديت عز العرب
قصيدة للأستاذ مقبول مبارك العرابي 7-6-1436هـ
1 - يالله تعز الوطن وتذل عدوانه = وأهل الفتن والغدر يالله تذهبها
2- وسلام يافارس الهيجا وفرسانه = يامن سيوفه بعد حلمه يخضبها
3- سلمان سلمان فوق العز سيسانه = حر(ن)ولد حر كل الغر كاسبها
4- يمناه بالخير لأهل الخير مليانه = وشلفا ه لحماه في يسراه قاضبها
5- ليث(ن)عرينه مهاب وكل حدانه = وأرض العروبة بهيباته مهيبها
6- وإن حيف والا نخي وأشر لجنحانه = الويل لأعداه والعلة يطببها
7- إيه إيه ياغيث ناخينه وجيرانه = يامن ليا كبرت الحملة ينوض بْها
8- حلمك وصبرك بعد ما أشرعت بيبانه = مطية الفرس جاها مايناسبها
9- رديت للعرْب عز(ن)خيف نسيانه = ومن حولك العرْب عقبك جت بواجبها
10- ما عاد لأهل الفتن والغدر وأعوانه = رحمة بعد بثت الدنيا تجاربها
11- وإن شيف بأعضا الجسد سوسة وخرمانة = نجتثها قبل ما الشيطان يركبها
12- وعاش الملك والوطن والشعب وأخوانه = والموت لأعدا السعودية وأقاربها

#2 04-13-2015, 09:09 AM

صح لسانك وأعتلا شانك يالعرابي وطنيه شامخه بيض الله وجهك

#3 04-13-2015, 10:05 PM

صح لسان العرابي

وسلم على هذه الوطنية الرايعة

#4 06-07-2015, 12:28 AM

_‗ـ-ะǁ¦[ مقبول العرابي ]¦ǁะ-ـ‗_

صـح لسانـك ويعـطيـگ العــافـيــہ
لـگ منـي أجـمــل و أروع تـحـيـــہ
لآحرمـنـي الله تواجـدگ وقصائدگ

ܢ܌ރ_‗ـ•−ـ‗_•−ـ‗_ •−ـ‗_ܢ܌ރ

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

تسجيل دخول