القلوب الرقيقة

بسم الله الرحمن الرحيم

اخواني واخواتي اعضاء منتديات بني سليم قصيدة مرسلة من الشاعر /
مبروك بركة ابن شويش الزبالي وردي عليها...
آمل ان تحوز على رضاكم وإستحسانكم....


الشاعر/ مبروك الزبالي

سر ياقلم واكتب حروف ن منقاة

ل بو سعيد اللي سلومة عريقة


الطيب اللي ف المواقيف تلقاة

والطيب والمعروف دايم رفيقة


من عزوتن بين القبايل مرقاة

واسم ن تشرف فية حتى الوثيقة


ومن بعدها يا شاعرن طال مرقاة

في عالي ن ماكل شاعر يويقة


وشهو ولد ماتقبل الخلق فرقاة

مفطور ودة في جميع الخليقة


كل البدو من شان شوفة مشقاة

وان زاد بعدة حل ف النفس ضيقة


مايكرة الا اهل الحسد والمحاكاة

ولو شافهم قدمة يغير طريقة



الردمن / عبدالعزيز سعيد


حي الكتاب وطارشة عد ممشاة

حي الله اهل الطيب حق وحقيقة


انتم رجال الطيب والصيت والجاة

والمجد عقب الفعل ماهو سريقة


مابين اهلنا الطيب مذهب ومجراة

في ماضيات من السنين العتيقة


ومن بعد ذا مبروك مرسل غباياة

وحنا علينا حلولها في دقيقة


نوء الحياء يوم الهبايب تقفاة

وقامت تسوقة للديار المحيقة


وانهل وبلة ب المطر وانتثر ماة

والسيل جالة ف المسايل دفيقة


احدن يسوق ابلة وضانة ومعزاة

يمة واحد يم القلوب الرقيقة

وسلامتكم

صح لسانك ولسانه جزاله في البدع والرد
وماهي غريبه على الشعار اللي مثلكم
والغبايا صعب حلها
ولكنها ماصعبت
عليك
فأنت إبن سعيد بن مغلي
وهو غني عن التعريف
تقبل تحيتي
وتقديري

صح لسانك يا ابن مغلي وصح لسان الزبالي بدع ورد كلاهما راتئعين

جعلكم على القوة

صح لسان من بدع

وصح لسان من رد

وبيض الله وجيهكم

صح لسانك ولسان الشاعر الزبالي ..

يعطيكم العافيه مبدعين ..

تحيتيـ ..

لكل من قراء او شارك بتعليق
اجمل تحية واطيبها

محبكم/عبدالعزيز سعيدالحليلي