درب الغوايه

ياعقولٍ تسلك دروب الغوايه
لاتخلطون الغوايه بالجهادي

الجهاد أبلج وله فالدين رايه
مابها لو خيط من لون السوادي

ياعقول مغسله من غير غايه
إسمعوا صوت المناصح والمنادي

ذبحة المسلم خطاء وأكبر جنايه
مايقره شرع في دين العبادي

بدلوا نهج الغوايه بالهدايه
قوة المسلم ترا فالإتحادي

والعبر للي تمادى فالنهايه
السيوف المرهفات اللي حدادي

مالقيتو خير ياوجيه الزرايه
يامطايا بليس وركاب الأعادي

أنتم الشعب السعودي له جبايه
ظاهره ندرق بها دون البلادي

علمونا بالمسلسل والحكايه
وش هدفكم يامثورت الرمادي

عندنا بالدين من ربي وقايه
فوق شرع الله ولا عنه إنحيادي

روسنا شمخ ولا فيها إنحنايه
جاكم العلم الموثق والوكادي

وياولي الأمر خذ مني وصايه
لأيضيع إبنك ولانه عنك غادي

الفكر يحتاج له صون وعنايه
لو يضيع الفكر ضاع الإجتهادي

ماعندهم غير الشبهه اللي يهدينا لصراطه المستقيم

صح السانك يابوثامر

قصيدة رائعة كما عودتنا

لافض فوك

صح الله لسآنك وطاب منطوقك
👏👏👏💫 ِ⁕ ᷂ويَعطيّكۡ ᷂آلعَآفيٓٓـہۡۡ ()
ِ