ديوان قصائد الشاعر : محمد فهد الزعبي

السلام عليكم ورحمة الله وبركاته
---
بسم الله الرحمن الرحيم

ديوان قصائد شاعر قبيلة زعب المميز
محمد فهد بن وافي الزعبي

اتمنى ان تنال على اعجابكم

تحياتي

مبارك محمد الوافي

بسم الله الرحمن الرحيم

الماء مع الخضره مع الوجه الحسن
مع ذايــع الغربي مـع ســاعة صفا


والمهــره اللي ما تــلوت فالــرسن
وأم البكــار اللي دررها لــه شــفا


في خايع ٍ جاله مـن الوسمي مسن
وتزبــر بقــاعه وســـر اللي لــــفا


ورفقت مناعيــر ٍ على رمــح ٍ وسن
اللي لهــم مع صــادق الخــوه وفـا


وجر الفــراش وشـب ضــو ومحتسن
من كيــف بريــه وماهــا من صـــفا


وبهــارها هــيل ٍ ومسمـــار ٍ حسن
في وســط رســلان ٍ تجليــك الجفا


هــــذا دوا للــــي عروقـــه يبــــس
وصــدع وربــك عالــم ٍ باللي خــفا


وسوالــف وسجــات فكر ٍ هوجسن
وضحــك ومزوح ولابهـن هرجة قفا


أشهــد شهــادة حق ما عنهن مسن
وأنهــن طراة الروح والباقي هــفا


وأنهــن بلا حسبه وقيــس يحسسن
الرجـــل في طعــم الحيــاة المترفا


والماء مع الخضره مع الوجه الحسن
تبقـا غنـاة الروح في ســاعة صـفا

بسم الله الرحمن الرحيم
[poem=font=",6,black,normal,normal" bkcolor="transparent" bkimage="" border="groove,5," type=1 line=0 align=center use=ex num="0,black""]

مع قلة الوالي وشح المصاريف=كل ٍ عرف للبورصه وأحترفها
وكل ٍ يشوف إنه مع الوقت حريف =ويفهم ولا يدري وش اللي أقترفها
ما يدري إنه باغتوه العواريف =وخلوه يجني صرفة ٍ ما عرفها
دسوله المعسول وسط المظاريف =وقالوله إلحق من عرفها صرفها
وخلك مع أول من تعلا المشاريف=وأبشر بجني أرباح مالك وشفها
شفها بعد فتره تجيلك على الكيف=ومن دون تتعب ضعف الأضعاف صفها
إصرف ومثلك صرف المال تصريف=وإدبل سهم وإشتر سهم من طرفها
باكر يبين وابل السحب والطيف =وتنعم بنعمه ما تعبت بشغفها
مسكين ما يدري وبعض الملاقيف=إنهم ضحية ناس باعت شرفها
يومين والثالث هبط سوقهم كيف ؟=اللي بناها ثم رفعها نسفها ؟
يعني حلاله راح يا حيف يا حيف =وين الوعود وين طيب غرفها
إغرف خساره من كبار المغاريف=وإشبع من زلال الوهم وإرتشفها
يا بوي خذها دون شك ٍ ولا زيف =ماكل من جاله تجاره عرفها
البورصه ماهي دعاوي تخاريف=مثل السمك ياكل قويها ضعفه[/poem]

بسم الله الرحمن الرحيم


[poem=font=",6,black,normal,normal" bkcolor="transparent" bkimage="" border="double,4," type=1 line=0 align=center use=ex num="0,black""]
يوم ٍ دعاني على حلو النبا داعي=أبا أكتب اللي يبيه ولا يعاتبني
أخاف أقصر بماجوبه وأنا الساعي=ماجيب شي ٍ يهد اللي معه مبني
لأني أحبه وحبه هو دوا أوجاعي=وحتيش لوه بسهم الحب صايبني
ما دام شاري غرام الود ما باعي= وشلون أبيعه وهو فالقلب كاتبني
حرام ما أرخص غلاه ولا أطوي شراعي= وحرام ما أرضى بداله لو يناشبني
هو ما درى أنه يزين خد مرباعي=وريح النفل والخزامى فيه حببني
وفياضه اللي بها ريح الزهر شاعي= متخالط ٍ فيه كل الورد ناهبني
أي والله أنه نهبني وخسبق أوضاعي=وأنا من أول ما أحد يقدر يحاسبني
من أول أضحك على من قال ملتاعي=واليوم أشوف الهوى والشوق غالبني
يا شوق رحله وقله لاعني لاعي=وأرجوك بالله رجا قله يخاطبني
قله ترى صاحبك ما عاد له راعي=الا أنت رد البرا لعيون طالبني
وقله ترى حالته يا زين الاطباعي=من قل وصلك يشوف الهم والغبني
أفزع دخيلك قبل تسمع به الناعي=يقول جاه الوعد والموت ما يبني
يهدم ملذات ويفرق تجماعي=والموت شافه ولا جنب وجنبني
وهذي وصاته وخذها بطوي شراعي= وأرجع لمن يمكم وجه ونادبني[/poem]

يقول أنا مشرف للشعر في أحد المنتديات وحصلت على المشرف المتميز

لهذا الشهر وكانت هذه القصيدة التي أتمنى أن تحوز على رضاكم

يقول
[poem=font=",6,black,bold,normal" bkcolor="transparent" bkimage="" border="outset,4," type=0 line=0 align=center use=ex num="0,black""]
مشرف ومتميـــز وشاعــر وموهوب= موهـوب خلقـه والغـــرور أحتــوابي
يعني أنا في صـــوب والعالم بصوب= ويحــــق لي دام القصيــــد إعتـــلابي
مغرورأدري بـــس مانــي بمغصــوب= أبرر إغــروري مــــــع مـــن حكــابي
ما دام بيتي من حجر والحجر طـوب= والبيت مبني فوق روس الهضــــابي
ماني بناشــــد عـــن شقي ٍ ومتعــوب= وحكي البشر يبقـــى سوات السـرابي
لا بل ريـــق ولا ملى قـــاع في كوب= يعني حكي فاضي وودا وجابي
مثل القصيــد اللي يقولــــون بأسلوب= ولـــو تبحثــــه كـــله لقيتـــه هبـــــابي
الا الــيا من جيـت شاعـــر وله نـــوب= نوب الحمام اللي علــى الــدوح رابـي
هــــذا أعــزله غيــر عــن كل مسيـوب= مثلـــي وخـــل اللــي يبـــابي يبــــــابي
لحظه أنــا وشقلـت شــاعر وموهـوب= وأخطيــت في حــق القصيـــد بكتـــابي
ونضمت عشر أبيـات في أول النــــوب= ومدحــت نفــسي ثــم سعيـــت بخـرابي
لا والله الا أستغفــــــــر الله وأتــــــــوب= مــن كــل ذنــب وكـــل حكي ٍ غـــــدابي
ذنــوب ماني قــاصر أخــــطاء وذنــوب= والله يرحمــــــنا فــي يـــوم الحســــابي
يوم البشـــر تصـــلى على حـــر لاهوب =لا واعذابي منه لاواعذابي
وتسقى بماء المهل والمهل مشـــروب= عطشى بجوف النــار تطلــب شـــرابـي
وكــل ٍ مقــدرله من النـــاس مكتـــوب= أمــــا في بــــرد إجنــان وألا عــــذابي
وأرجع وأعدل ما كتبته من عيوب= وأصلح خطأ بعض القصيد بخطابي
الشعر وهبه والبحــــر ما يجي روب= ولاهو هبــاب ولا أندفــن بالتـــرابي
الشعر ورث أجــــداد حق ٍ وماجوب= موروث من عصر النبي والصحابي
ومن قبلهم والشعر سيف ٍ ومجروب= ويبقى الحكم والمدح سيف و نصابي
والشعر يبقى بيت مبني ومنصوب= بيــت ٍ وله مفــــتاح قفـــل ٍ وبابي
واللي كتب له بيت محبوك بأسلوب=يلقى صدى بيته مع الناس طابي
واللي هزل في بيت فالبيت محجوب=محجوب عن كل الجزال العذابي
ويبقى الشعر ماهوب نهبه ومنهوب=وهبه وفصل فوق جسمه ثيابي
أما يجي قاصر ومثني ومشذوب=والا يجي هندام ضافي ونابي
هذا وأنا شاعر مميز ولاهوب=مغرور والمعنى قفل وأنتهابي[/poem]