محاورة بين سيف خندف و ضيف الله العضياني

عبدالله بن عتقان:




سلامي عليكم يالشيوخ المسميـن
هل المرجله وأهل السيوف الصقيله
وللشيخ غازي منزله داخل العيـن
يامال السلامه يازبـون الجزيلـه



ضيف الله العضيــاني:




هلا مرحبا حييت ياعاشق الزين
ارحب بكم باسمي وباسم القبيله
يسلمك ربي والسلف باقيٍ دين
وغازي علومه كلبوها جميلـه



ابن عتقان:




وألا ياعتيبي ماتضيع القوانيـن
ومن يعرف دروبه مايبغى دليله
فقدتوا ثلاثه من خيار البعارين
وقلنا يامكثرها وقلتـوا قليلـه



ضيف الله العضيــاني:




وألا ياسليم اللي ورى الضلع وازين
تبـون الامانـه والامانـه ثقيلـه
بخير وعوافي مافقدنـا عزيزيـن
ولا كـل خيـالٍ يعـن الكحيـلـه



ابن عتقان:




عبارتك هذي حطها (بيـن قوسيـن)
أبي منـك هيـل ودلتـك جنزبيلـه
بعيده عليك سليـم مثـل القحاطيـ
نولن طعت شوري شوف شجرة ظليله



ضيف الله العضيــاني:




كلامي على معناه والناس دارين
ترى كل شاعر يعرف اللي قبيله
نزلنا بنجد ونصف ربعك معيين
ولا جالهم يوم الفعايـل عقيلـه



ابن عتقان:




اليا صارت الاعلام حبحب وسكين
ياربي طلبناك العـوض والعقيلـه
أبذكرك وش صار في يوم حطيـن
وبعدين تفهمها على أحسن وسيله



ضيف الله العضيــاني:




...(ترانا عن دقاق السوالف غنيين)
وراع الفحم باعه ويلقـا حصيلـه
قرينا الحقايق في كتاب الصحيحيـن
ولانرجي اصحاب اليديـن البخيلـه



ابن عتقان




تباها فالاقصين وبدت لك فالادنين
وعندك خبر مافالمقاديـر حيلـه
أنا خايف الشيشان تلحق فلسطين
وتصبح على الاسلام غبن وفشيله



ضيف الله العضيــاني:




أنا جبتها فالجرح وحده بثنتيـن
بعد ماشربت الجم أكب النثيلـه
ويافكرتي فالداب من دون رجلين
يحاول بضلع طويق وده يشيلـه