{{ قصيدة : مواساه لكل أخت ،،

{ مواساة لكل أخت }

فـضَّـة تعـالـي قـرّبـي عـنــدي كـــلام ،،
قبـل استخيـر وبعـض مابـيّ يحتـويـه ،،

البـارحـة نـادمــت صـمـتـك بالـمـنـام ،،
وأشعل ضمير البوح مـن جـذوة فقيـه ،،.

كـنّه بعث بي صوت من تحـت الركـام ،،
مـرَّت عليـه سنيـن واحساسـي نسـيـه ،،

قمـت استعيـد الذاكـرة فـي كــل عــام ،،
واسكب مداد الضيق وأرجع واحتسيه ،،

شفتـك وأنــا بالمـهـد نظـراتـي حـمـام ،،
تخطـب وداد وجـيـه وتـغـادر وجـيـه ،،

طـفـلٍ علـيـك يـلـد عيـنـه يـــا حـــرام ،،
كنـه يـقـول بصـمـت يـاروحـه خـذيـه ،،

وأنـتـي تمـديـن الـغـلا بكـفـوف خــام ،،
يسـتـر مشـاريـه الصـغـيـر ويـرتـديـه

وإن حـس بـرد الخـوف لديتـي هـمـام ،،
حكتـي دفـاك لحـاف وأضفيتـي عليـه ،،

حـتـى كـبـر وأشـتـد عــوده واستـقـام ،،
وأصبح يكيل الطيش فـي راحـة يديـه ،،

مــا كـنَّـه إلا ينـسـج خـيـوط الـظــلام ،،
لأفكـار مــن سـالـف زمـانـه تعتـريـه ،،

واقـع مريـر وضعـف حيلـه وانهـزام ،،
غـربـة تسـافـر فــي مــداه وتحتـريـه ،،

مـا بيـن نهـج الديـن وأفكـاره خـصـام ،،
عجـزه لقـى التبريـر فـي مبـدأ سفـيـه ،،

حــوّل حيـاتـك هــم وظنـونـك هـيــام ،،
ترجي سحابة صيف مـن عـذرٍ وجيـه ،،

واخـر مطـاف الحلـم تهتـي بالـزحـام ،،
في مشهدٍ ما لـه سـوى ضعفـك شبيـه ،،

حصة ومريم .. ريم وأشـواق ومـرام ،،
يـا هيـه مـا احسـه دخيلـك حـس فـيـه ،،

وصـيـة الطـاهـر إلـــى وردن حـيــام ،،
خلـك لهـن مزبـن علـى الـعـدّ النـزيـه ،،

وأخفض جناح اللين حشمـه واحتـرام ،،
وأفـخـر بكـنـزٍ فــي حـيـاتـك تفـتـديـه ،،

مـن يعتـزي بأختـه ليـا ســلّ الحـسـام ،،
عيـد النـظـر بالعـلـم وأفـهـم يــا نبـيـه ،،

لـو تنشـد التاريـخ عــن سـيـرة هـمـام ،،
يمديـك فـي بعـض المـواقـف تحتـذيـه ،،

مـن لقـّن الفـاروق عـن طَــهَ الـسـلام ،،
مـن خلّـدت صخـرا بصخـرا نستقـيـه ،،

مـن قـال نـورة واعتـزى ذروة سـنـام ،،
حـتـى بـنـى للمـجـد صـرحٍ يعتـلـيـه ،،

فضة .. تعالـي وأسمعـي ملـح الكـلام ..
قـدرك علـى راسـي رفعتـه وأحتميـه ..

للشآعر : إبراهيم البلوي .