يا صاحبي لو دموع الهم غلّابة!!

#1 04-30-2013, 03:54 AM

بسم الله الرحمن الرحيم

أعتذر عن الغياب الطويل الذي كان سببه (السنة التحضيرية)

مدخل: >>>

اختبارات وسهر ليلٍ طويل**وحيرة التفكير في أصعب سنة

يا نجمّلها ونلفي بالجميل**يا تعاتبنا جميع الألسنة

أقول:

يا صاحبي لو دموع الهم غلابة
الوقت ماهو على كيفه يودينا

لو كل جرحٍ يجينا نحسب حسابه
ما كان عشنا ولحدٍ جاب طارينا

خل العتب والتعب قلبك توصا به
حذراك قلبك يسوقك للمقفينا

اللي هجرنا وش ندور ورا عتابه
تبقى السفينة على ضفة موانينا

ياما كسبنا بوقت الشدة ذيابه
تفخر بنا يوم بعض الناس ناسينا

ابني علاقتك دون عتاب ومجابه
وانسى الالم والعنا اللي قد تعنينا

لو كل جرحٍ يجينا نحسب حسابه
ما كان عشنا ولحدٍ جاب طارينا

#2 04-30-2013, 06:31 AM

لو كل جرحٍ يجينا نحسب حسابه
ما كان عشنا ولحدٍ جاب طارينا

صح لسانك ي هشام وبيض الله وجهك قصيده جزله ومعبره وفيها بعض النصائح لاعدمناك وفالك النجاح الله يوفقك في دراستك يالغالي وننتظر جديدك

#3 04-30-2013, 06:40 AM

اقتباس:

المشاركة الأصلية كتبت بواسطة هشام بن بريك

بسم الله الرحمن الرحيم

أعتذر عن الغياب الطويل الذي كان سببه (السنة التحضيرية)

مدخل: >>>

اختبارات وسهر ليلٍ طويل**وحيرة التفكير في أصعب سنة

يا نجمّلها ونلفي بالجميل**يا تعاتبنا جميع الألسنة

لا والله كفو يا ابن العم مدخل رائع

أقول:

يا صاحبي لو دموع الهم غلابة
الوقت ماهو على كيفه يودينا

لو كل جرحٍ يجينا نحسب حسابه
ما كان عشنا ولحدٍ جاب طارينا

خل العتب والتعب قلبك توصا به
حذراك قلبك يسوقك للمقفينا

اللي هجرنا وش ندور ورا عتابه
تبقى السفينة على ضفة موانينا

ياما كسبنا بوقت الشدة ذيابه
تفخر بنا يوم بعض الناس ناسينا

ابني علاقتك دون عتاب ومجابه
وانسى الالم والعنا اللي قد تعنينا

لو كل جرحٍ يجينا نحسب حسابه
ما كان عشنا ولحدٍ جاب طارينا

الله الله الله

هشام بن بريك

صح لسااااانك وسلم بنانك ومن طول الغيابات جاب الغنايم
وعذرك مقبول يالنشمي
واسمح لي ابدي اعجابي بقلمك وتميزك واسلوبگ الراقي وتالقگ المستمر
الله يعطيك العافيه
تقبل مروري وتقديري
اخوگ
{{عبدالله العطافي}}