الكلب ينبح لو صعد قمة طويق ....

قصيدة الكلـب ينبـح لـو صعـد قمة طـويق ..والعلم ياصـل لـو عـرض مـن يحـفـا

. : .

. : .

. : .

. يضيق في جوفي كلام المخاليق
وانسج خيوطي بالقصيد المقفا .

. واسرج خيول الفكر في اوسع الضيق
وارسم صور فيها الخيال المصفا .

. والناس تسعا دايما ً للتفاريق
والا مدحوا رجال لامن توفى .

. هذي الحياة اقولها دون تعليق
الصحف رفعت واخر الحبر جفا .

. واناظر البيبان دايم مغاليق
والحظ ابعد عن حياتي وقفا .

. وانا اشهد ان الرزق كله توافيق
باللي ظهر منه وباللي تخفا .

. واقعد افكر بالجهال المطافيق
محد ٍ بهم كفا بأهله و وفا .

. وقعدت افكر بالرجال الملافيق
جعله مهف مقيط دايم مهفا .

. اللي ينمون الحكي دوم تلفيق
ما فكر بيوم الكفن به يلفا .

. والكلب ينبح لو صعد قمة طويق
والعلم ياصل لو عرض من يحفا .


منقـــــــــــــــــــــــــول