محاورة بين الشاعرين سويعد الرزمي و صقر سليم

سويعد
مـرحـبـــا وزهـمـولـي صقر والنار حيه
عد ماقال لي شاعر سليم ابشر ابشر
الـبـقـيـلـي نـخـيـتـه يوم ضيك القضية
قال لي لوتبي روضةخريم ابشر ابشر
صقر
الـبقـاء يـاسـويـعــد جـعـل مالك منية
دامـت انـك بدرب مستقيم ابشر ابشر
أنت كـنـك بـعــدهـــا فـاقــد المعنويه
كان ونك تباالحق المقيم ابشر ابـشـر
سويعد
لي حـقــوق عـلاك ولك وجوب عليـه
شوفني جبتلك عبدالكريم ابشرابشر
ابشر ابشر بدون افعـول هـذي قويه
يـاصقر قول والله العظيم ابشر ابشر
صـقــر
أنت قـدمــك سـعـود أول نطلعك زيه
ثـم بعدين يالقلب الفهيم ابشر ابشر
الفتــاوي كـثـيـــرة والأمــــور محميه
كان بكرة يسوقن الحريم ابشرابشر
سويعد
كــلـنـا يالبنـاتـي من رجال الحميـه
مالناشف في حقوق اليتيم ابشرابشـر
صاحبـك عسكري مايجهل العسكريه
امس ساقن مع الخط القديم ابشرابشر
صـقــر
وين راع الشداد اللي في ظهرالمطيه
كان وانك تباالنار الجحيم ابشر ابشــر
ذيك فيها سعودصميل وانتـه في ذيـه
كلها ياسويـعـد سيم سيم ابشر ابشر
سويعد
اذكروه العصر مع صـقــر دون الظبيه
ودك الرد ياقع فى الصميم ابشرابشر
انته اتـحدنـي ودك نجيب الـخطـيـــه
ميرابشرك أناماني غشيم ابشرابشر
صقر
أنت ياالراعي اللي ماتحفظ الرعـيــه
كان ودك نوديـك القصيم ابشر ابشر

صحت ألسنت شعراء سلييم

وأنت شاعر مبدع يا أستاذ عايش الخضيري
نتمنى رؤيتكـ في الساحه الشعريه,,,,

صـح لسان الشاعرين الكبيرين محاوره جميله

واتمنى ان يكون هناك مقطع فيديو

شكرا لك على هذا النقل