شاعر الأسبوع يعود لكم بعد طول انقطاع .

قصيدة بحر جدة ....

حزين اي والله ان قلبي حزين وخاطري مكسور

لو اضحك و اتظاهـر بالسعـاده يابحـر جـده

وانا يا بحر يوم اصد و اخفى دمعتـي معـذور

لك الله يا بحر صديت و الصـده هـي الصـده

اخاف تقول عني يابحر ضيدان بـن منصـور

وقف في يوم من الايام ودموعـه علـى خـده

وانا ماني بحي الله بشر يكشف لـك المستـور

انا رجل ٍ يموت ولا درت الامواج عـن سـده

و لا اقاف ماقف ماهوب قدي لا طغى المغـرور

انا قـد الكـلام و ماقفـي قـدي و انـا قـده

اباقف وابتسم لواني حزين وخاطري مكسـور

اليـن الله يفرجهـا علينـا يـا بحـر جــده

[poem=font=",5,blue,bold,normal" bkcolor="coral" bkimage="http://www.solaim.com/vb/mwaextraedit2/backgrounds/2.gif" border="double,4,red" type=0 line=0 align=center use=ex num="0,black""]
[poem=font="al moharib anbopi ibrahim,6,green,bold,normal" bkcolor="skyblue" bkimage="" border="solid,4," type=0 line=0 align=center use=ex num="0,black""]
البارحـة وأهـل البـلاد النـائـي=آراءهـا مــا تتـفـق وآرائــي
وصديت عن صوتٍ يحس الخاطـر=والله بغايـات النـفـوس ادرائــي
وعديت في راس الطويـل النايـف=بيـن المدينـة والـبـلاد النـائـي
وذكـرت قـول الغيهبـان المـري=راع القنـا والمهـرة الصفـرائـي
بليـت بابليـسٍ ونفسـي والهـوى=كيـف النجـاة وكلهـن اعـدائـي
و أخـذت أمليهـا لنفسـي كـنـي=لم استبيـح الشعـر فـي ارجائـي
و غنيت من بدعي علـى طاروقـه=قصيـدة ٍ مـن فكرتـي وايحائـي
الشعر شعـري والبحـور بحـوره=والجـد جـدي والشيـوخ ابـائـي
انـي لمـن قـوم ٍ يعـز عليـهـم=قتـل الرعـاة ودمعـة الحسنائـي
و مـا أنـا بالمـدح رافـع نافـخ ٍ=مهمـا بلغـت بصنعتـي و أدائـي
ومن منبـر المجـد التليـد الخالـد=ابـدي ولا يبـدي بريـق اضوائـي
وابـدي بهـا فالمبتـدى ذكــر الله=قصيـدة ٍ صنفتـهـا عصـرائـي
يممتهـا للـي علـيـه الشـكـوى=تبدا عليه ليامـن كبـرت البلوائـي
الملتجـى بعـد الولـي سبحـانـه=ريف الخـوي لا ضاقـت البيدائـي
اللي ليـا منـه نـوى لـه طرقـه=لا هونـت بـه كنـت الجـوزائـي
تركي و إذا طاب القصيـد لتركـي=فهـو بغـر الغانـيـات أولائــي
السـاس راسـي والمبـادي علـيـا=والطيـب فطـره والكـرم تلقائـي
جـده فهـد والجـد الآخـر نايـف=تبـارك الرحمـن فيـمـا شـائـي
اليا فـزع جـده فهـد بالفزعـه=واليا عطى سلطان والا الطائـي
حليـه اللـي حـالـف صـقـاره=ما يرخـص البيعـه ولا الإهدائـي
حر ٍ عريـض المنكبيـن وصـدره=كتـف زعيـم يعتلـيـه ردائــي
كنـه جـلـود صـخـرٍ ابـيـضٍ=صنـع الرواقـب طريـق المائـي
اذ رأى بعـيـن وعــث قـيـده=فمـا لهـا مـن عمرهـا الربدائـي
الا مسافـة انقضاضهـه نحـوهـا=فـإذا هـي مـن مخلبيـه اشلائـي
يا سيـدي تركـي وأنـا مملوكـك=اللـي خذتنـي فالحيـاة أهـوائـي
الا عن ارضاك وارضى من حولـك=لو مالمحت أحد ٍ يحـب ارضائـي
احـد نفسـي واجتلـد واصرفـهـا=لو حاول ابليـس اللعيـن اغوائـي
و مـا لنفـس ٍ عـن هواهـا رادع=إلا بـعـزم ٍ كـائـد الأعـبـائـي
فإن جنـت نفسـي علـي خطيئـة=فعفوكـم أكبـر مـن الأخطـائـي
وإن كـان لا هـاذي و لا هـاذيـه=وش عاد هو ذنب الوعـود الهائـي
وأنا الذي لـإن عاش راسي لابقى= بـدر الدجـى فالليلـة الظلمائـي
و إن مت .. مني يارثون أصحابـي=حبـي .. ومنـي يارثـون ابنائـي
ديني و مرجلتـي و حـب بـلادي=و حب الملك و الرايـة الخضرائـي
طاعة ولـي الأمـر حـق الطاعـة=و لا طاعـة الا الطاعـة العميائـي
اميرنا الشيـخ الصحيـح الواضـح=لو جيت ادور عن خطائي اعفائـي
أنا الوفاء و أنا الـولاء و المحـزم=و أنـا الصديـق الصـادق البدائـي
أوثـق الخـوه بصـدق الـصـادق=اللي أخلـف الخـوه ريـاء الرائـي
فإن كنت تنظرني كأنـي غيـري=رجوت إمعـان نظـرك إيزائـي
فإن شئت تنظرني بمانـي أنـا=فذاك هو مدحي و هو غطائـي
وإن شئت تصرف شبح عينك منـي=فإبداء عينـك مـن لـواء ابدائـي
يـا سيـدي عزيـز ينـوي ذلــي=حرمـت معـه فالحيـاة بقائـي
و أنا وريث أهل الشـداد و شاعـر=يصعب على وجه الحيـاة اخفائـي
أفنـى و يبقـى للـورق قصيـدي=هـديـة الأمــوات للأحـيـائـي[/poem][/poem]

(العــــــزيـــزه)


بانت نجوم الصبح واللي في عيوني من عصر
ماهوب دمـع لاتضايقـت آتنّهـت واسكبـه


لاوالله الا حلم شيخٍ عـن طموحـه ماقصـر
لو قصرت سود الليالي مـن يمينـه وشنبـه


وانـا لـو ماتعلّمـت الهزيـمـه والنـصـر
ماكان ذقت من الهوى القتـال مـرّه واعذبـه


شاعر وعصري فاتني واعيش في اغرب عصر
لاالوقت وقتي والزمن مابينـي وبينـه شبـه


لكن هنوفٍ مثلت دور العزيـزه فـي مصـر
قدّت قميصى واسرفت في وصلها قبـل انتبـه


يوم انتبهت استشهدت ضدي بحـراس وقصـر
قلت ارحمي عزيز قـوم ذلّ وارخـى منكبـه


ماني نبي الله اقاوم حسن خصـرك لاانهصـر
انا بشر..عبدا ضعيـف وكـل بـرقٍ يجذبـه


قالت وهي توّي تثنّـى كـن مافيهـا خصـر
الشعر ياضيدان ورث جـدود والا موهبـه ؟؟


قلت الشعر سحرٍ يسخَر لي القلوب ويختصـر
عمر المسافات الطويلـه والسنيـن المجدبـه


والحب شيٍ لو حصرته في ضلوعي ماانحصر
يطغى على حدب المعاني لين ابيحـه واكتبـه


وان علّمتني الفاتنه وشلون اسير بـلا بصـر
علّمتها الفنجـال وشلـون اتحـدى واشربـه


وعلَمتها اني كـذا طـال الزمـان والا قصـر
وان اعذب الحب اصدقه وان اعذب الشعر اكذبه

(حــــنا بـــــدو)


ياللي على وجهـي قريتـي كـل صفحـات الشقـى
اقري وانا بكتب قصيـده واشعـل الساحـه حريـق

باقي كثر مـاراح واللـي راح نصـف اللـي بقـى
وان ماوصلتْ لغايتي بمـوت فـي نصـف الطريـق

يابنت يوم امطر غلاك فـي قلـب ضيـدان وسقـى
تدرين وش سبـة شقاهـا وسبـة الجـرح العميـق

شقاها مـن يمنـاه واسـم الشيـخ والنفـس امحقـى
والجرح منك يا أعـذب العذبـات يالمـوت الرقيـق

يابنـت مـادام البـدو تخلـف هقـاوي مـن هقـى
وانا بدوي متنـي يشيـل مـن الزمـن مـالا يطيـق

ابى افتخر حنـا بـدو نعشـق علـى وضـح النقـى
حنـا بـدو فينـا الولـد للقمـه العلـيـا عشـيـق

حنـا بـدو فينـا الولـد لـو شـاف موتـه مااتقـى
حنـا بـدو فينـا الولـد يرقـى ولومالـه رفـيـق

حنـا بـدو فينـا الولـد لامـن رقـى رقـى رقـى
الين يوصل غايتـه لـو كانـت فـي قمـة طويـق

يابنـت جيتـك والثمـن عمـري ابـي ليلـة لقـى
يامّـا كـذا ولا بـلاش مـن الصداقـه والصـديـق

وساعة تبسمتـي وشفـت الجمـر والثلـج اصدقـى
قلت ان شهد ان الموت حق وصحت لك صيحه غريق

واعتقت دمعي والزعل والحـزن لرضـاك اعتقـى
وقفـه عيونـي فـي عيونـك ياعسـاهـا ماتفـيـق

وآمنت باللـي سخـرك تقريـن صفحـات الشقـى
واشعلت بردي في دفـاك وشبـت الساحـه حريـق

\7

\7

\7

الله عليك يافهد
مبدع دائما ..
موضوعك هذا يستهويني كثيرا
وشاعرك هذ الاسبوع تعجبني جميع قصائده خصوصا (يابحر جدة)
وهذي قصيدة اخرى رائعة لضيدان



[frame="13 10"]
سبحانك الله لا اله ألا أنـت ياكـرم الأكرميـن
يـا عالـم أحـوال الأوادم ياكفيـل أرزاقـهـا
أستغفرك يارب وأسجد لـك سجـود الخاشعيـن
سجـود عبـد" دمعتـه مـن خشيـة الله راقهـا
وفي جلسته من سجدته صلى على طـه الأميـن
وأهـل المبـادي حبهـا وأيمانهـا بأعماقـهـا
وعلى رسـول الله خاتـم الأنبيـاء المرسليـن
أفضل سلامي مابدت شمس الضحى با شراقهـا
والبارحه يا رشيد وين النوم ويـن النـوم ويـن
وسمر السحايب في سماها مـا فصـل براقهـا
يـا رشيـد قـل للطيبيـن المؤمنيـن الغافليـن
الايـام فالدنيـا شــوي ويتكـمـل غلاقـهـا
وأصحاب الأمس اللي نسونا الغايبين الحاضرين
علمهـم أنـي مـا لتفـت لغصنهـا وواراقهـا
علـم وقـل للحاضريـن يعلمـون الغايبـيـن
ان الأمـم أخـلاق تبقـى مـا بقـت أخلاقهـا
والله لـولا الله ثـم حشمـت وجيـه الطيبيـن
اللي على الشـدات ترخـي للحمـول اشناقهـا
لعلم الغاوين كيف العـب علـى بليـس اللعيـن
لاكني أكبـر مـن جـلال علومهـم و ادقاقهـا
و ان سادت الفوضى المدينه في عيون الحاسدين
هديـت لعبـي والمدينـه عامـره بـا سواقهـا
يا رشيد قل للشاعر اللي كان مين وصـار ميـن
اللـي بـدا يعـرف بعيرتهـا ويعـرف ناقهـا
لو يجتمع شعر الفرزدق مـع ادب طـه حسيـن
مـا ترتفـع روس" تلفتهـا سـبـب دناقـهـا
وقل لليتيم اللي يطالبنـا علـى غـزوة حنيـن
اللي يحسـب أن كـل غفـوه لا غفاهـا فاقهـا
لا يحسـب انـا لا تجاهلنـا الجهالـه جاهليـن
الجهل جرين فـي نحـاء الدنيـا لشلـة ساقهـا
واللي جهـل لابـد يتعلـم علـى مـر السنيـن
ولا يميـز طعمهـا يارشيـد مــن لا ذاقـهـا
وانا ترى يا خيك ما عنـدي يسـار و لا يميـن
وأن كذبـة علقتهـا يارشيـد فــي معلاقـهـا
عرفـان معـروف أعتـرف وسيـد العارفـيـن
ما فيه داعـي أفتـح الشاشـه وعيـد أغلاقهـا
يارشيد انا عذري مثل تكرم مدينه لجـل عيـن
ولفت انتباه الناس عنـدي غيـر لـف اعناقهـا
وذكر الحيا والطيبين يبيـن واللـي مـا يبيـن
ما لا حدث او صار في الدنيـا علـى أطلاقهـا
وإسلـم وسلـم والسلامـه ياعشيـر الغانميـن
والله يخلـي للـبـلاد إحجابـهـا و رواقـهـا
[/frame]

مشرفنا الغالي فهد العبيدي

الله يعطيك العافية

ومجهود تشكر عليه ياذيبان

طبعا الشاعر ضيدان غني عن التعريف وانا احد المتابعين لهذا الشاعر العملاق

وهذي مشاركتي

يامرحبا ترحيبتن كلها لش

تكسيش من راسش لي حد ماطاش

من قلب مهيوم بحبه صفالش

يلعب به الغربي لا سمع طرياش

يفرح لامنه قالش كيف حالش

ولولا غلاش وحشمتش كان ماجاش

وان قلتي انه غايتش شف بالش

كنه ملك ياعرب من الطاش للطاش

الا يابري حالي وين مالي ومالش

لا والله الا لي ولش نعنبا اللاش

من هامتي لمحزمي لش حلالش

بيتش فديتش واسكني بأوسط الجاش

واما بلشتي بي وانا فيش بالش

غديت مثل اللي شرى علته كاش

انا في وجه امش وابيش وخوالش

ماجيت لي حاجه واعود على ماش

وتقبلوا سلامي واشواقي

أخوك
مرسي البقيلي

قصيدة برج العاج ...


الدلو والميزان والقوس والحوت
ماغير برج العاج تغري وصوفه

وبرج بقلبي برج لولو وياقوت
لا يا بعد برج الحمام ورفوفه

ما يسكنه غيرك من السيف للكوت
لو ينتحي راس الولد عن كتوفه

علم وكيد بالمواثيق مثبوت
ما هو عذر اللي يفرك كفوفه

والله لا سافر لك لو ارجع بتابوت
وانا من اللي ما ربوا في مروفه

على الشقا لاع الهوى كل شفلوت
وانتي تلوعين الحشا بالطروفه

والوقت للجاحظ والايام هاروت
والقلب حاتم وانتي اغلى ضيوفه

يا مرحبا ترحيبة عقاب يا نوت
والحي يلحق لو تحده ظروفه

صوتك يكفيني عن الشرب والقوت
وشوفك غناتي والحياه مخلوفه

يااقوى من اللوعات واسخف من التوت
وابلغ من البيت الاخير وحروفه

رجل تنادينه ولا يسمع الصوت
خسارة سمعه وصوته وشوفه

ورجل يضمك بين اياديه ويموت
والله ما يلحق حياته حسوفه


أشكر جميع الأخوان الذين شاركوا في الموضوع .. حضورهم على الموضوع
دليل على نجاحه ... اسعدتني زيارتكم والله .

يقول من عدى على روس الطوال النايفات
من ضيقة بالصدر ثانيها وحزتها عصير

يالله يأعظم الاسماء واجل من الصفات
يالله ياغفور وياسميع ويابصير

يارب أجرني من عذاب القبر مابعد الممات
واغفر لابي وابيه واخوانه وأجرهم يامجير

يارب انا عبد خلقته من تراب ومن طيب ذات
ونفخت وفيه الروح وانت الي على ذلك قدير

يارب انا ماخترت اكون الشاعر الي قاصيات
الطرق يطرقها وتصبح له ارق من الحرير

انت الذي خلقت كائن حي غير الكائنات
الحمدلك والشكر والمنة وفضل الله كثير

يارب انا شاعر واهيم بكل وادي من شتات
وأقول مالافعل وانا مؤمن ولي قلب وضمير

شاعر ويتبعني من الغاوين كثر الغاويات
ذبنهم من غروربي صرت اقل من الغرير

والشعر مثل السيف بو حدين وعيون البنات
يالتها كانت مدى الشعار ومرسها الاخير

ما كان جبت العيد والعذر البنات المترفات
والعالم الله وش نواقي بالمقدر للضرير

البارحه هبت علي الريح من كل الجهات
حتى عرفت ان الليالي غير والوفات غير

قمت اتلفت بالسنين الي غدت مني فوات
وامنت ان لالعمر مهما طال فالدنيا قصير

كلا يموت وينتهي والوقت يمضي هات هات
ولاعاد يبقى الا الذكر ان كأن شر أو كان خير

والشاعر ابقى بعد موته بالعلوم الطيبات
او عكسها والوقت يأخذ والقصائد تستخير

اقرب الي لهم بالبيت سبع معلقات
راحوا ولازالت قصائدهم كما البدر المنير

الاعشى وعمرو وطرفه بن العبد والعبسي ثبات
والنابغه وابن ربيعه وابن ابي سلمى زهير

والشعر فضل شاعره عمن سواه فضل وله سمات
ابو الطيب وهو سقى وابي فراس امير

والشعر مهمافضل الشاعر مقام ودرجات
مافضله بالفعل فاليوم العبوس القمطرير

اقولها وانا اعرف انها ماتلحفني العباة
التي طرفها في يدي وأكمامها في يدي الوزير

لكن على الله يامتم الصوم ومقيم الصلاة
تدفئ الكفوف الباردات ويجبر العظم الكسير

ياصحابي ياحظي المكتوب ياغلى الامنيات
ياجمل الصدفات لو ماجات يالسهل العسير

من صيف عام ماخذاني بعد ولا سبات
وانت تجاهلني وانا وضعي من اسبابك خطير

والحب ذنبا ماكيفره التجاهل والسكات
واجهه فديتك واحسم الموقف يصير الي يصير

ولاتعلقني على امل نجوم ساريات
وابقى على قول البدو لولا العمل مات الفقير

ياصحابي ياغلا السنين المقبله والماضيات
ياعز واغلا من على رجلينه يسير

لاتحسب اني جاهل بعض الامور الخافيات
الي الي تحدك وانت مالك عن قلبي مطير

ادري واقدر واتحمل واتحاشي الانفلات
والا تراني في بعض الاحيان ماطيع الشوير

والصبر مفتاح الفرج والقل جراح اللهات
وسهيل يبدئ بالسماء ويهيج في القاع المعير

وانامن الي مجدهم على ظهور المسرجات
قومن مهي تشد الا جاهاه من القوم النذير

وش عادحين على شأنه وش لي بالحياة
ان كان نيل اسرجت افرق الجمع الغفير

لعيون من حبه رسى مرسى الجبال الراسيات
والا اصطفق ماكنه الا الموج فالبحر الغزير

الاخ المشرف (فهد العبيدي) ..

اشكرك على الموضوع القيم .. و اسضافت الشاعر الكبير (ضيــدآن بن قضعـــآن) ..

وهذه مشاركتي .. لـ\ إحدى قصائده ..


||

الـجـادل الـلـي يـمـر القـلـب شارعـهـا
بـيــن الـحـنـايـا تــعــدّى ماتطـالـعـنـي!

تقـفـي مــع الــدم بعـروقـي واتابـعـهـا
واحـس كنْهـا عـلـى نفـسـي توزعـنـي

قامـت تبعثـر غـلا..وان جيـت أجمّعهـا
أضـمّـهــا وآتـشـتـت..لـيـن تـجـمـعـنـي

بـيــن الحـنـايـا تـثـنّـى فـــي مرابـعـهـا
كنْـهـا تـقـول أتـحــدى مـــن يطلّـعـنـي!

دام الـحـشــا بـيـتـهـا وأنــــا مـدلّـعـهـا
وش دخّل القلب يزعـل يـوم توجعنـي؟

ولـيـا خــذا رمـشـهـا رجـــلٍ يطالـعـهـا
لــعــل رمــــشٍ خــذانــي مايـرجّـعـنـي

عيونـهـا جـيـوش والنـظـره طلايـعـهـا
غـارت بصـدري وجـاز لسيفهـا طعنـي

ويـوم انْكفت..ليـن قلبـي مـن قلايعـهـا
والصبـر عـن خافقـي مـاعـاد ينفعـنـي

مدهالـهـا القلب..وعـيـونـي مراتـعـهـا
أمــوت فيهـا..وهـي للـريـح تزرعـنـي

لـو تـدري الريـح عـن هـادي طبايعهـا
ماهـزّت غصـون قلبي..لـيـن ودّعـنـي

ريحانـتـي والـغـلا فـالـقـلـب زارعـهــا
تشـرب عـروقـي وترواني..وتشبعـنـي

كنّ النحل مـن رحيـق الـورد مشبعهـا
وانا شموخي من أحلـى شـي جوّعنـي

ولياتـعـانـق خجـلـهـا مـــع تواضـعـهـا
عانـقـت لـيـلٍ عـلـى مـسـراه شجّعـنـي

لـــو يـنـسـرى ليلهـا..سـريـت بايـعـهـا
بـشـر...ولا الله عــن الـزلّـه مرفعـنـي

واصبحت من عقب ماني ضدّها..معها
ان ضاعت آضيع...وان دلّـت تسنّعنـي

وان شفت بالعين قلبـي بيـن أصابعهـا
ســــجــــدت لله....يالله لاتـضــيّــعــنــي

وان جــات للـجـد واسقتـنـي مدامعـهـا
علّمتها الدمـع للعشـاق...وش يعنـي؟

الدمـع صــوتٍ لـيـا غــازل مسامعـهـا
تشـوف صوتـي واذا مرّيـت تسمعـنـي

والله ماكـنـت أطاوعـهـا ولا اسمـعـهـا
لـكـنّـه الحب!!...سمّـعـنـي وطـوّعـنــي

للـجـادل الـلـي شرايـيـنـي شـوارعـهـا
لـقـلـب يقتادني...والـنـفـس تمـنـعـنـي


||




وسلامتكم
(ضيدان بن منصور بن قضعان)


منقــــول ..