.. وادي ستارة ..

مسائكم / صباحكم بالخيييير دايم

هذي قصيدة أعجبتني لا أعرف شاعرها ولا أعرف متى مناسبته

من يمر هنا ويعرف شاعرها نرجو منه يعطينى اسمه وصح الله لسانه ملالايييين مقدماً

.................................................. .................................................. ..........

ياصاحبي دنياي ماهي على الكيف
والحــظ ليـلــه مـا يـشـابـه نهــاره

والوقت يحرقني كما لاهب الصيف
[ انشهـد ] إن الوقت مـابـه نعـااره

سـود الليـالي كسـرن المجـاديـف
والحال ما من حال غيـر الـخـساره

بصبر لوإن الوقت حده كما السيف
... والكسـر يلـقى لــه طبـيب وجبـاره

كـل الظـروف اليـوم تحتـاج تزييف
مديـت لــه يمـنى وجـتنـي يســاره

جو المدينـه زفت من دون تعريف
زحمـه.. وقلـة خيـر ونـاسٍ طـفاره

مافيهمم اللي ياعرب يكرم الضيف
والجاار ما يسأل ؤش أحوال جـاره

البعض منهم صرف الوضع تصريف
والوجـه الأبيـض فـارقٍ عن سماره

ماني من اللي حلمهم كان وجنيف
لاضاف صدري رحت وادي ستـاره

ديرة هل المعروف شرابة الكيـف
ربـعـي سلـيم ومعتـلـين الصـداره

لا منـهاا ثــارت وجتـك المـواقيف
نكـسب نـواميس العرب بالجـداره

ديره لها في خافقي شي ماشيف
لا جيتهـاا كني [ أميـر] فـ إماره

ديره وسيعـه والهواء دون تكيـيف
يبغاالهـاا شـاصٍ وددسـن غمـاره

خـوة نشامـاا ماهم اللي ملاقيف
والصيد بالـبلجيك يـقدح شــراره

من بعد عديناا فروس المشاريف
هـذا لحـم غـزلان وهـذي وبــاره

عازم نـادى ثم جاووب له منيف
لم الحطـب هذاك ثـم شـب ناره

الصيد يشوي والشعر والسواليف
مـاكنــي إلا وســط داري و داره

وأصبح علينا الصبح وأنا أحسبه طيف
وكـــلٍ مشغـل مـوتـره والإنــاره

يالله يا منشي المزون المراديف
عبدك دعى يبغااك تسقي دياره

وان كان تبغىالصدق من دون تزييف
يــازيـنهـاا زيـنــااه وادي ستـاره

.................................................. ............................................

جو المدينـه زفت من دون تعريف
زحمـه.. وقلـة خيـر ونـاسٍ طـفاره

من لهجته شكله مكاوي أو عايش في البلد
الله يستر عليه

رائعه ماشاءالله تبارك الله ..

قائلها شاعر كبير , ياليت تتحققون لمن هالقصيدة الرائعه ..

الف شكر لناقلها وصح لسان قائلها ..

له فايف ستارز ..

تحيتيـ ..

قصيدة جداً جميلة

واذا عرفتوا هذا الاسمين. تعرفوا القصيدة


عازم نـادى ثم جاووب له منيف
لم الحطـب هذاك ثـم شـب ناره

اخيرا تم التعرف. على صاحب قصيدة ستارة المشهورة والتي انتشرت انتشار قوي في كثير من المنتديات

وصاحبها تم تسجيلة في منتدى القبيلة
بعد التوصل له عن طريق احد المهتمين

والذي حثه على الاتصال بي واعطاء له رقم تلفوني

وماهي الا يومين حتى اتصل وعرفني بنفسه

والحمد لله تم تسجيله بالمنتدى

وسوف يكتب هذه القصيدة وغيرها ان شاء الله. هنا في منتدى القبيلة

وسوف يكون له ترحيب خاص

يعطيك الف عافيه ابا عادل على جهدك الرائع ..

وشاعر كبير نفتخر به .. ونتمنى ان يواصل الأبداع في هذا المنبر الأعلامي الكبير ..

شكراً ..

ديرة هل المعروف شرابة الكيـف
ربـعـي سلـيم ومعتـلـين الصـداره

لا منـهاا ثــارت وجتـك المـواقيف
نكـسب نـواميس العرب بالجـداره

صح الله لسانه ، قصيدة جزلة ولاعليها كلام
هذه القصيدة ل أبن عمي / عبدالعزيز بن سعيّد الجبريني

الاخ ابو بدر البنوي

شكرا على النقل


وحقيقة كما ذكر الاعضاء قصيده

فعلا تستخق النقل والاشاده وهذا

ليس مستغرب على شعراء سليم

الله يعطيهم العافيه

القصيدة لابن العم/عبدالعزيز سعيد معيتيق الجبريي الحليلي
والحقيقة أني وجدت كنز من القصائد اللي تنشط الخاطر

وأطيب تحية للجميع