ياعقاب

المشاركة الأصلية كتبت بواسطة ذايعة الصيت

الا ياعقاب دوك النجر بهر بنها ياعقاب

وغوشها بدله تو من الرسلان مشريه



ولا منها استوت في خافقي شوق وغلا وعجاب

اسوق الك الفناجيل وتجي من يدك ممليه



الا يامرحبا ترحيبت(ن) كنها ذرا وحجاب

على منهو حضر عندي وحط ايديه في ايديه



الا يامرحبا وحنا لشوفتكم نسل انصاب

ونشق اصدورنا ونقول ميلوا قلطوا هنيه



تمركوا ضلعنا الايسر وخلوا لضيوف الباب

مشرع بين مكنون الخفا وانفاسنا الحيه



فحنا نصرة المنهوب وحنا مزبن المرتاب

نداحم بالكتوف الموت ما نخشاه موليه



تكلم يازمان الصنت والا اقرا علينا كتاب

نبي جملة خبر تصحي قلوب هناك وهنيه



منول يوم كان العيش للاقوى فحكم الغاب

تلاطم بحر جداني واروى عقله وغيه



ماني بسوقها كذبه ولا بلفق الانساب

تصدق قولي الأيام والطالات والهيه



وشلف(ن) خضبة بالدم وسيف(ن) ما التوى بجراب

وعقبان(ن) تعشت من كبود لحومها نيه



لنا تصريف ابو زيد وعلى الصملات ضرب ذياب

ولنا ياعقاب نيه لا نصتها النيه النيه



بدون قصور فالباقين وعيون الرجال حراب

وانا عيني تراعي بارقن دانت له الفيه



وانا ياعقاب ما ودي اطولها وانا ياعقاب

اجمل لابتي والنفس ماموره ومنهيه



اوردها على الجمه وارقيها على المرقاب

واحوم ابها على روس النوايف دامها حيه



سلام الله على الغالي من اخواني هذاك الشاب

ابو حجاجن ليامنه نصاني ضاحكن ليه



عليك من الفرح غيمه وعليك من الصدر ترحاب

وبسم الربع ابارك لك واغني لك بعيديه



وانا لجلك اتل القافيه واضحك ويشاهد ناب

وانا لجلك عبرت البحر ولجلك جبت حوريه



تولمت لطلبك ومن توكل بالولي ماخاب

وجبت الك الحرار اللي حداهم ما يجي زيه



ابي تفرح بعيدك والنواظر تحتويك اعجاب

وتذكر ربها في ليل والا في ضحيويه



وابي لا قالوا العربان شاعرهم هذا وش جاب ؟؟؟

يقولون المعاني جابها ميه على ميه



صح لسانك ..
ماشاءالله تبارك الله ..
مترفة مليئه بالمعاني الطيبة ..
وفعلآ جبتها ميه على مية ..

تكلم يازمان الصنت والا اقرا علينا كتاب

نبي جملة خبر تصحي قلوب هناك وهنيه

صحيت القلوب .. يابو يعقوب ..

الف الف الف مبروك لأخوك ..
بارك الله لهما وبارك عليهما وجمع بينها بخير ..
ماقصرت .. ويعطيك العافيه .. وهنياله اخوك بالقصيدة الشامخة .. الله يخليكم لبعض ..


شكراً لك بحجم الكون ..
تحيتي ..

صح بدنك الاخت الغالية ذايعة الصيت

مرورك بهذا المتصفح ونثر حبر قلمك هنا وسااام شرف اتقلده على صدري

فالكم التوفيق وحفظكم المولى حيثما كنتم

اشكر لكم مروركم الراقي
تحياااتي لك

المشاركة الأصلية كتبت بواسطة أحمد النجاري السلمي

ما شاء الله تبارك الرحمن

نبارك لك اخي يوسف زواج اخوك ونسأل المولى عز وجل

له السعاده والتوفيق

والمعذره لعدم حضوري ومشاركتكم افراحكم في تلك الليله

السعيده لضروفي العمليه وقت مرابطة الحج

بالنسبه للقصيده

فتنطبق عليها مقولت من طول الغيبات جاب الغنايم

جزله يابو طلق من راس جزل

صح لسانك وسلم فكرك وبنانك

وبيض الله وجهك على هذا الابداع الرائع

جميع ابيات القصيده نالت الاعجاب

تقبل ودي وتقديري

لسمو شخصك

الله يبارك فيك اخوي احمد النجاري

ومعذووور لعدم الحضور والله يتقبل منا ومنكم صالح الاعمال

صح بدنك وبيض الله وجهك اخوي احمد ولا خلا ولاعدم انشالله

مرورك بهذا المتصفح شرف كبير لي

اشكر لك مرووورك الراقي والعذب
تحياااتي لك

ابيض وجه يابو يعقوووووووب على القصيده الترحيبية
ولي الشرف أن أرد على هذه القصيده للمره الثانيه
لإعجابي بها كونها تحمل معاني وألفاظ قويه
ولاتستغرب من شاعر كبير بمنزلة يوسف الشنيني
وأشكرك على نقاوة المعنى

المشاركة الأصلية كتبت بواسطة ابو غيث

درر درر درررر دررررر
الله على الابداع يابو يعقوب ,,,,,,,,, تغنيت بقرائتها طربا ,,,,,,,,, وجبتها ميه على ميه ،،،،،، بيض اللله وجهك

ووجهك ابيض اخوي ابو غيث

وفالك التوفيق مرورك بهذا المتصفح فخر وشرف كبير لأخوك يوسف الشنيني

لك مني اجمل الود والتقدير والإحترام
تحياااتي لك

المشاركة الأصلية كتبت بواسطة السمو

ابيض وجه يابو يعقوووووووب على القصيده الترحيبية
ولي الشرف أن أرد على هذه القصيده للمره الثانيه
لإعجابي بها كونها تحمل معاني وألفاظ قويه
ولاتستغرب من شاعر كبير بمنزلة يوسف الشنيني
وأشكرك على نقاوة المعنى

تسلم اخوي السمو

وردك على القصيدة للمرة الثانية يعلم الله انه شرف كبير لي

بيض الله وجهك على المرور الكريم وفالك التوفيق

نثر حروفك على هذا المتصفح قمة الابداع بالنسبة لأخوووك الشنيني

لك مني خالص الود والتقدير والإحترااام
تحياااتي لك

يعطيك الف عافيه , وصح لسانك وسلمت يدك ..

قصيدة شامخه لايكتبها الا شاعر متعود على الجزله ..

شكراً جزيلاً لك ..

المشاركة الأصلية كتبت بواسطة عوض البقيلي

يعطيك الف عافيه , وصح لسانك وسلمت يدك ..

قصيدة شامخه لايكتبها الا شاعر متعود على الجزله ..

شكراً جزيلاً لك ..

الله يعافيك اخوي عوض البقيلي

وصح بدنك يالغالي وسلمت يمينك

مرووورك بهذا المتصفح هو الشموخ بعينه بالنسبة لاخيك يوسف الشنيني

بارك الله فيك واسكنك الفردوس الأعلى من الجنة
تحياااتي لك

الاخ الشاعر يوسف الشنيني
صح السانك مليون

المشاركة الأصلية كتبت بواسطة الصقر الازرق

الاخ الشاعر يوسف الشنيني
صح السانك مليون

الصقر الأزرق

صح بدنك يالغالي

مرورك بهذا المتصفح شرف لنا منحتنا اياه

نشكرك اخوي على المرور العذب والراقي

وفالك التوفيق والجنة
تحياااتي لك ياغالي

اشكرك يابو يعقوووب على هذه القصيده الترحيبيه الرائعه

التي تحمل ألفاظ ومعاني الترحيب الحقيقيه والقويه
دائما عالي يابوووو يعقووووووووووووووب

محبك / السمو