|
#1
|
||||
|
||||
تعدلوا يأهل القلوب المواليف
هالقصة والقصيدة نقلاً عن الراوي / عبدالكريم شليويح الرمضي . . من بلدة المذنب . . من القصيم وسأروي لكم القصه وبنفس لغته . هذولا اثنين يتمان من بلدة شقراء . . كبروا . . ووصلت اعمارهم قرابة العشرين سنه . . واحد منهم . . هداه الله . . والتزم . . وربا لحيته . . وصار إمام مسجد . . والثاني . . بالنقيض تماما . . سكسك اللحيه . . والربابه بيده . . ومن نفود لنفود . . وراعي قصيد ومهيجن . . وكذلك . . مهاوي بنت خالته . . ويحبه . . على نقاء . . وكان دايم يروح لخالته . . يعرض عليه المساعده . . كله عشان يتقرب للبنت ويشوفه . . المهم . . جاء موسم الحج . . واخونا .. إمام المسجد . . نوى الحج . . وجاء لم اخوه راع الربابه . . وقال . . طلبتك ياخوي . . قال آمر تدلل . . قال انا نويت الحج . . هالسنه . . وابيك تمسك المسجد عن ...!!!! قال ياخوي . . انا مانيب فيد صلاة . . ولا عرف . . انا رجال راعي قصيد . . وربابه . . ومهيجن . . الوكاد الرجال . . الح عليه . . الح عليه . . ووافق اخونا راع الربابه . . جت صلاة الفجر . . يوم صلى الامام . . وانتهت الصلاة . . قال للجماعه . . ياجماعة الخير . . انا نويت امشي اليوم مع الحاجه . . وترى اخوي فلان . . ويأشر عليه بآخر الصف . . يبي يمسك الامامه لين ارجع بالسلامه . . قالوا الجماعه الله يستر عليك . . ويطرح بأخوك البركه . . وهم خابرينه راعي قصيد . . ومطنوخ الرجال . . لكن قالوا مابه فايده . . بدأ الرجال يصلي بالجماعه . . اموره سالكه . بعد ثلاثة أيام . . بنت خالته فقدته . . بدى مايمر عليهم . . على عادته . . وجت حول البيت تنشد عنه . . وقالوا لها الجيران . . ان اخوه راح مع الحاجه . . وهو مسك مكانه في المسجد . . قالت البنت . . مهوب معقول . . مانيب مصدقه . . هذا ماهوب راعي صلاة . . قالوا جاتس العلم . . قالت انا مانيب مصدقه لين اشوف بعيني . . قالوا له . . لاجت صلاة العصر . . روحي وشوفي . . جت العصر .. وهي لابسه هاك الثوب . . وروايح حلوه . . اذن العصر . . وجو الجماعه على العادة . . وجت البنت ومعه ثلاث اربع حريم . . وصارن على يسار الصفوف . . تقدم رفيقنا راع الربابه . . وقال للمطوع (( اقم )) . . اقام المطوع . . التفت على يمناه الامام . . وقال (( استوو )) . . والتفت على يسراه يبي يقول (( اعتدلوا )) . . يوم التفت ويلاه يراعي بنت خاله وهي تشيل اللثام عن وجهه . . وهو يقول :- تعدلوا يأهل القلوب المواليف صيروا ورا القراي خمسة اصفوفي احلف برب(ن) حيزم الغرس بالليف مرجع بصر يعقوب بعد الكفوفي إنتس مناي بلابسات المشانيف والكاذب الله ياعسى مايشوفي الله واكبر .........!!!!!!! وهو يكبر بالجماعه . . ويصلي بهم . . يوم خلص والتفت . . واثره فشل من الجماعه . . قال واحد من الجماعه من كبار السن . . والله ياوليدي يازين صلاتك لك ثالث يوم . . إلا هالحديث اللي قلته بين الاقامه . . وتكبيره الاحرام . . وش هو . . !!! قال هذا ياعم . . (( حديث ضعيف جداجداجدا )) . . ومانيب قايله غير ماقلته وسلامتكم
__________________
سبحان الله العظيم سبحان الله وبحمده
|
#2
|
||||
|
||||
رد: تعدلوا يأهل القلوب المواليف
ههههههههههه
قصه جميله , يعطيك العافيه .. دمـت ..
__________________
............... |
#3
|
||||
|
||||
رد: تعدلوا يأهل القلوب المواليف
اهلا بك الاخ عوض
وشكرا لمرورك
__________________
سبحان الله العظيم سبحان الله وبحمده
|
#4
|
||||
|
||||
رد: تعدلوا يأهل القلوب المواليف
روووعه القصه
لاااهنت |
#5
|
||||
|
||||
رد: تعدلوا يأهل القلوب المواليف
اهلا بتواجدك وشكرا لمرورك دمت بخير
__________________
سبحان الله العظيم سبحان الله وبحمده
|
#6
|
||||
|
||||
رد: تعدلوا يأهل القلوب المواليف
\7
|
#7
|
||||
|
||||
رد: تعدلوا يأهل القلوب المواليف
__________________
سبحان الله العظيم سبحان الله وبحمده
|
#8
|
||||
|
||||
رد: تعدلوا يأهل القلوب المواليف
قصة جميلة الله يعافيك
اخوي لا عدم |
#9
|
||||
|
||||
رد: تعدلوا يأهل القلوب المواليف
راقت لي القصه ...
وتنقل للقسم المناسب
__________________
|
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|