معرفة ها الوجيه

بدأت بأسم الله اللي كلنا نرتجيه
ومَن توكل عليه الخوف ما يعتريه


عند البداية لقيت الدرب صعب وطويل
واذكر توقفت وقت وكان عذري وجيه


وتُمرْ الإيام والقى صاحبي من جديد
والكل منا بـ موعـــد صاحبه يحتريه



واقول صح المثل والحكمة اللي تقول
إن كان مالك عنا دوّر عنا واشتـريــه


قمت اكتب الشعر من منطق جميله جميل
ويجــوز ما فيه خير ويمكن الخير فيـــه


فالشعر حكمة ونصح ومدح لأهل المديح
وإبـــداع (يسحر بيَــانه )عنــدما ننتقيه



يَبدأ بِه الرجل في بعض الموَاقف سلاح
يوجهه للحــريب وماقــفــه يحتميــــه


واحيان يُوجِد لصعبات المشاكل حلول
و احيان يقدر بــه العاقل يوجه بنيـــه


منه الغزل والرثاء والمدح والاعتذار
والفخر (والوصف رائع )والهجا نتقيه


حسب اعتقادي مفيد اذا كتبت المفيد
واكيــد شهم ونزيه اذا بغيـتــه نزيه


علمني انه عنيد مستبد وصعيب
وعلمته اني رغم هذا قدرت احتويه


وعلمته اني معه وافي وشهم وكريم
واجمّله عنـــد عشــــاقه ومتذوقيه


وعلمني انه بسيط ومستقل ورقيق
وانه شريف وذكي وانه لبيب ونبيه


وانا تعبت وكتبته واستفدت الكثير
وأَجلّ شئ استفدته معرفة ها الوجيه