الا ياطير خبرني وش اللي صار للأحباب..}ْ~

الا ياطير خبرني وش اللي صار للأحباب
ترى قلبي كثر همّه سبايب غيبة احبابي

غريبه عنّي يسافر ولا اعرف للسفر أسباب
كذا فجأه يودعني ولا أدري أيش الأسبابي

ترى بعده عن عيوني يهد الحيل والأعصاب
يمر الوقت بغيابه وأنا عايش على اعصابي

الا ياطير ماعندك خبر عن عودة الغياب؟؟
ولا تقدر تطمني تجيب علوم غيابي؟؟

ابي ياطير لامر بسماك من الطيور اسراب
ابيك تعانق اسرابٍ تجي من بعدها اسرابي

ابيك تفتّش الدنيا . تدوّرلي عن الأصحاب
تجيب العلم ياطيري وتطمّني عن اصحابي

لك الله ليت جنحانك عليّ وماحسبت حساب
اطير بصحبة الغالي ولا فكرت بحسابي

اروح اسكن على قربه وأخلي الباب حول الباب
اشوفه لافتح بابه وانا واقف على بابي

ادنّق لابدى حوله من اهله لايجيه عتاب
وهو يرسلّي النظره بليا خوف وعتابي

اخلّي خافقي يدله بقربه ماتجيه اتعاب
واذا ناظرت في زوله نسيت الهم وأتعابي

سقاك الله يايومٍ بدت به نظرة الأعجاب
حضيت بنظرة اعجابه وهو يستاهل اعجابي

سحرني صوته الدافي حنون ومنطقه جذاب
وفيت لقلبه الوافي وهو بالوصف جذابي

اله الكون لاتفجع خفوقٍ من غلاهم ذاب
تلوّع سبّة الفرقى وهو من قبلها ذابي

الا ياطير خبرني وش اللي صار للأحباب
ترى قلبي كثر همّه سبايب غيبة احبابي


*
*
راقت لي
دمتم بخير

صح لإبداعك فـــ الإختيار ...مُبدِع ورائع وكأنك تترجم مشاعرنا في
إختيارك لهذا النص
وصح لسان كاتب الابيات حتى يرضى



لك الله ليت جنحانك عليّ وماحسبت حساب
اطير بصحبة الغالي ولا فكرت بحسابي


’’’’شكراً دبل يا أخوي عادل تقبل مروري""""

العفوووو دبل وثري وفور وبالقفله ههه


لاهنتي يابنت الهيلا

ويسلموووو على مرورك العذب الراقي

قصيده رائعه ومميزه صح الله لسان شاعرها

وسلمت أخوي عادل على النقل الأكثر من رائع

وسلم ذوقك المميز لا عدمناكـ

عبدالعزيز

الروعه هو مرورك يالغالي

لاهنت والذوق منك وفيك

الخ عادل الثبيتي
يسلم ذووووقك ياغالي
قصيدة رائعة فعلا
مشكور علىالاختيار
وصح لسان شاعرها
دمت بخير

الاخ العضو / عادل الثبيتي



يعطيك العافيه على النقل الرائع

وصح لسان الشاعر

الأخوان اللي مروا من هنا


الف شكر لكم على روعة مروركم

لاهنتوا وبيض الله وجيهكم

اخوكم عادل

عادل الثبيتي
قصيده رآئعـه بكل معـآني الكـلمه
لآ املك سوى ان اقول
يعـطيك الف الف الف عآفيـه

على ذوقك الراقي

ويكفيني شرف ياشيهانه مرورك فقط من هنا

والله يعافيك


دمتي كماااااااااااااااا تحبين يالغلا