#1
|
||||
|
||||
مقتطفات شعريه لشعراء سعوديين
السلام عليكم ورحمة الله وبركاته
مقتطفات شعريه لشعراء سعوديين آمل ان تنال اعجابكم . ولاني بندمان على كل ما فات اخذت من حلو الزمان ورديه هذي حياتي عشتها كيف ما جات آخذ من ايامي وأرد العطيه ........................ ياندى الغيمه على ورد الجبال يا عبير زهور ريضان السهل اجتمع حسن الحيا بك والدلال ما تبدل بك من العالم بدل ........................ تهزمني النجلا وانا ند فرسان واخفي طعوني والمحبه تبيني اما عرفتيني فلاني بزعلان حتى انا تراني احترت فيني ........................ بي من قديم الوقت جرح مكني وبي من جديد ايام وقتي مكاوي ان قلت زانت خالف الوقت ظني وان قالت هانت عاجلتني بلاوي لسمو الامير الشاعر /خالد الفيصل __________________________________ __________________________________ في هرجة الناس والعذال لا تهتم لو هم يحسون فينا ما حكوا فينا ما عقب شرب الصبر والمر والعلقم شي على طاري الفرقا يودينا ........................ تناسيني بنفس الموعد اللي به ذكرتيني انا ما اقدر اعيش اللي بقى لي من العمر بأوهام طلبتك كان لي في داخلك بعض الغلا أجفيني ترى حر الجفا اهون كثير من الوهم لو دام تخيرت ابتعد والصمت والوحده عناويني واذا ودك تزوريني تعالي بس في الاحلام .................................. مدري الى اليوم والا الزمان أنساك يا قلبها قلبي مدري الى اليوم توله على مضناك والا نتهى حبي .......................................... سامحيني دام عذري واضح كل الوضوح واسمحي لي بالرحيل لا تذاكر وامتعه ................................ للشاعر / اسير الشوق __________________________________________ __________________________________________ محبتي كيف ما تدرك معانيها يانشوة الحب حبك مصدر ألهامي مايسعد العين غير اعيون غاليها احلف لك اني لشوفك دايم ظامي ........................... ياللي برمح الغلا تسطي وتطعني وانا معك خافقي محبوس غاياته تبي الحقيقه عظيم الشوق ما وهني اليوم ساوت حسان الحب سياته أببتعد عنك قدر اليوم ما أمكني ماهو بعيب يعاف القلب مشهاته ........................... الصراحه فيك معدومة معالم وان شكيت من الهوى قالوا جهاله قالها اللي من جروح الحب سالم يحسب اني مثله بدنياه داله ......................... خلن جيوشه بالمحبه غزتني وانا اسير للعيون العفيفه اغلى هجوس طول الايام جتني هاك الهجوس اللي تجيني بطيفه ......................... اغلى الجروح اللي بها منك مجروح الله يا حبي لجرح التغلي لي في عذاب الحب رحمه ومصلوح عذابك ارحم من نعيم مولّي للشاعر / السامر __________________________________ __________________________________ كتبت اخر قصيدة حب بها الخداع سميتك وانا العطشان واغراني سراب لاح ما طلته عن دروب الغرام اغضيت وعن وقت به اغليتك رثيت احساسي المجروح وفا لك وانت هملته ترى جرح الغدر وان طال فيني ما ترجيتك ألاوان مات حبي لك على كف العزا شلته للشاعر /عبدالالـه المطرف ________________________________________________ ________________________________________________ لاخير في دنيا اذا ماسرتك ولا خير بارض ماتجي تحتك حرير الجرح يا جرحي سبايب نظرتك والدمع من صدك في جفني يستجير لوترحم العاشق وتطفي جمرتك والا تفك قيود جنحاني واطير ........................ لاتحسب ان النور يازين مني وجهي ترى يعكس لك النور منك مثل القمر والشمس كنك وكني اعكس شعاعك واسهر الليل عنك مدامعي تشهد غرامك سكني والقلب قبل الروح والعين هنك انا اعترف لك كل مابك فتني لو تطلب عيوني حبيبي يجنك ........................ للشاعر / العاشق _____________________________________ _____________________________________ نار شوقي لك يذوب لها الحديد وانتثر دمعي على خدي بدد دايم ياشوق شوقي لك يزيد وان سالت العين لك فيها مرد دمعتي تنبيك عن حب اكيد غيرها يا روح روحي وش بعد كان قلبي قبل عرفي لك عنيد مايحن ولارمع غيرك لأحد لين طوعته بحبك يا وحيد والمحب يطيع محبوبه وحد ...................... دايم عيوني من فراقك غواريق وطلعتك ترسم بسمتي في شفاتي الحب مفتاح القلوب المغاليق وحبك دواي وفرحتي يا غناتي ......................... متى اشوفك متى القاك حبيبي يا قريب وبعيد يمر العيد وانت بعيد ولا حتى بطاقة عيد تركتك اللهفه في قلبي تزيد وزولك يا طرف هارب يمر بخاظري دايم يخفف لوعة الفرقا وضنا حالي .............................. وين انت قبل اللي مضى من سنيني يا مسعد باقي حياتي بالافراح ما اقول قبلك في حياتي ضنيني ولاني بمع غيرك من الناس مرتاح ........................... للشاعره/غيوض _______________________________________ _______________________________________ اخفي دموع العين لاحل طرياك فكري على ذكراك قلبي يقوده قلب يداريك ما اظن يخفاك قلب بحبك يوم اثبت وجوده ......................... اسرجت خيلي ثم غيري ركبها خيالها ماله على الخيل منصوب ضوي طفت عقبك ورمد حطبها حرام بعدك لا ولا عود مشبوب ......................... ماكنت لك بالسد فضاح يكفي ان عمري لك عرضه طيري ارتفع من عقبكم طاح يشكي فراقك له وشلته ....................... انصحك لا تعايش ذميم الخصال تغدو الى دنيا تعاني الفشل ضع للغرام قدرا كفاك احتيال واعدل بحق غيرك كما لك عدل ......................... عودي عليّ ان كان قلبك اسيري ان كانه بعصمة يديني رهينه وان كانه مملوك بالهوى لحد غيري لا يمنعك يوم العزا تحضرينه ......................... حبيبي والله اني فيك مغرم ونفس مالها ذمه سقيمه حبيبي كل شي فيني ملكته ونار الحب في جوفي ضريمه اذا روحي لها في حبك ذنوب هلا بذنوبها لو هي ظليمه واذا فــي حــبـــك اجـــــرام ارتكبتـــــه فــانا كــلي فـــخــــر بأعظــم جــــريـمه للشاعر الفنان/ خالد عبدالرحمن. |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|